#蝴蝶姐姐有話兒
當初我哋計劃派揮春
係諗住新年大家開心吓
呢兩年大家都唔開心
今年整D開心嘅主題
等大家貼係屋企望吓都開心
所以最後就畫咗好多人鍾意嘅鬼滅 同日本風
選擇開心氣氛同可以安全使用嘅揮春
我哋用咗少部分文宣基金
其他嘅都係自己嘔出嚟
諗住一年一次 難得有人鍾意我畫嘅嘢
而且敢攞敢貼嘅就代表都係自己人
就無計啦
我同菓紫龍加埋 都印咗3萬幾張派街坊
之後我請夠薑幫我手散畀黃店
我哋討論過文宣有價嘅問題
的確 我開頭只係諗住玩下
冇諗過其他人會有咩諗法
我的確用咗好多心機畫
其實 大家見到黃店有好多野擺係到任人攞
都唔係無成本
所以決定 『不如幫襯黃店就送啦』
而家限聚 黃店生存都好艱難
睇吓可唔可以幫到少少 吸引大家去食吓買吓啦
黃店入面 每張文宣、貼紙、卡仔 都包含
設計師心血、人力資源派去唔同黃店、
印刷成本、過程經好多人手花費嘅時間…
為咗嘅除咗大家覺得好靚 想儲之外
就係希望有d野 一直出現係大家身邊
話畀大家知 仲有人喺呢度
仲有好多人記得
仲有好多人堅持 好多人撐住
希望一傳十 十傳百
因為好多人會慢慢忘記 或者軟弱、放棄
言歸正傳…
我之前已經無意中發覺
有人攞完揮春 放上網
又未至於係賣
但買野就送
我都隻眼開隻眼閉
但聽到有人賣我d揮春就有d愕然
最後發現只係溝通上有問題
但都想講吓
首先，如果賣嘅 我一定唔會畫鬼滅
作為一個創作者 都識尊重每一個人嘅創作
我喜歡人哋嘅作品 我會想畫吓 但只係玩吓自high吓
就算有人想攞我d畫印文宣派
都會問咗我先….(好多謝佢哋嘅尊重同禮貌)
有d係同其他設計師合作嘅 我都叫佢問返對方o唔ok先
另外，我覺得我出埋錢送d野畀你
你都冇理由攞去收人錢掛？
你可以放係到任人攞、可以有人幫襯先送、
可以見到靚仔就塞一疊畀佢 我都冇所謂
起碼係與民同樂 唔係無啦啦賺錢
我決定下年唔派㗎喇
到時想做就賣啦(量一定唔會多)
除非下年有人包起我 迫我畫嚟派啦 到時再算
係…係我懶
諗住派唔洗咁煩 一同錢有關就會好多手尾跟
最後原來 可能分別不大
最後一年派喇 要攞就攞啦
最後想同大家講返
我其實畀黃店派嘅時候
都覺得有d唔好意思
好似搞到人咁 麻煩人哋派 又可能成日有人去問
大家想要揮春 或者職員唔記得畀你嗰陣
記得畀d禮貌問人
記住所有野都唔係必然 要識感恩
多謝黃店職員嘅幫手 多謝佢哋支持
更加多謝佢哋同我哋同在 冇放棄到
多謝大家睇完長文
我唔開心咗一陣
講完出嚟好似好咗d
p.s.最後再多謝菓紫龍 同 夠薑幫咗我好多
#文宣有價
-------------------------------
Follow 我MeWe：
https://mewe.com/p/daniel.hoi23s
文宣有價 在 Planet Sponge - • 文宣有價Challenge • 「兄弟爬山、各自努力 ... 的美食出口停車場
文宣有價 Challenge • 「兄弟爬山、各自努力」 一直提點住自己做到幾多盡做！ 小弟不才，只能盡力畫... 以海綿堅持發聲、 以綿力壯大黃圈！ 感謝欣賞/分享嘅每一位， ... ... <看更多>