Search
人生第一次入場睇嘅世界盃......加時連埋12碼！🤪嚇到我個心離一離
多謝 @hkfootstop @jump2world 全程安排令我可以玩得咁開心
#russia #moscow #england #colombia #worldcup #worldcup2018 #一直被哥倫比亞球迷包圍住 #未完場都唔敢大叫出聲 #football #soccer #travel #spartakstadium #數據係要嚟破 #英格蘭終於加時12碼贏到
人生第一次入場睇嘅世界盃......加時連埋12碼！🤪嚇到我個心離一離
多謝 @hkfootstop @jump2world 全程安排令我可以玩得咁開心
#russia #moscow #england #colombia #worldcup #worldcup2018 #一直被哥倫比亞球迷包圍住 #未完場都唔敢大叫出聲 #football #soccer #travel #spartakstadium #數據係要嚟破 #英格蘭終於加時12碼贏到
大家好我係Ernest，歡迎大家收睇Ernest案內所。今集要講嘅Topic係香港網絡上一件幾犀利嘅事件，就係一個新開嘅channel喺短短2個月內破十萬訂閱，佢哋就係試當真。
如果大家係由captv就開始睇呢個班底，相信對豪哥、腎仔同游學修呢3位成員並唔陌生。我係由captv開始就好鐘意豪哥同腎仔呢兩個人嘅組合，佢哋離開咗captv之後喺2年前開咗金鋼crew呢個channel，當時仲有火柴，最後喺今年同游學修埋班搞試當真喺2個月時間內破十萬訂閱，成為風靡香港網絡嘅熱話。2個月係一個好短嘅時間，但由captv到試當真足足經歷係5年，同為喺網絡拍片嘅人我會覺得呢件事係好感動。
游學修係香港演藝學院電影電視個邊嘅編劇畢業，喺演藝路上都有自己嘅故事（播片）努力嘅人係會等到屬於自己嘅機會，因為認真試下嘅人除咗認真之外仲會不斷試，喺呢條路上3位開台班底游學修、蘇致豪、許賢終於成功開台，擁有一班追看佢哋嘅試真毛。作為其中一位觀眾，我想試下喺2方面講一講我覺得試當真可以喺咁短時間內咁受歡迎嘅原因。
第一，我覺得試當真將搞笑昇華成幽默。香港嘅喜劇演員同導演最出名一定係周星馳星爺，相信都無咩香港人係無睇過周星馳嘅電影。而喺香港嘅網路上，基本上大部分嘅笑片都帶有星爺嘅影子，基本上搞笑嘅成分都係無厘頭。啲搞笑嘅網片例如：微辣呀、不滅墨水、小薯茄等等好多時候都會將一啲無厘頭嘅對白、反應加入片中嘅橋段入面去搞笑。但唔知有無人同我一樣，有時睇笑片如果覺得當中度嘅對白、橋段等等係比我覺得刻意搞緊笑嘅話，就會令我入唔到個戲而營住有種尷尬嘅感覺，最後可能睇睇下就會唔想睇添。但係試當真班底由captv到金鋼crew到而家拍嘅片一路都無呢個感覺比我，好多時候觀眾嘅留言都會話：「我究竟睇咗啲咩？」而我覺得「我究竟睇咗啲咩？」係一種「頂，好鳩呀我睇咗啲咩呀？」嘅感覺，但係又會覺得幾搞笑。因為呢一種所謂嘅「鳩」有一部分係嚟自於無厘頭，另一部分係嚟自於佢哋刻意營造嘅一啲尷尬情景。係呢個位我就會諗如果刻意搞笑係尷尬嘅時候，咁佢哋刻意尷尬反而就變得搞笑。而重要要嘅係佢哋嘅演技係可以帶到觀眾入去個情境入面，所以觀眾睇得舒服，覺得過癮，最重要係喺其他地方睇唔到嘅時候，佢哋嘅片先會咁多人追看。
第二想講嘅係channel策略方面，我會建議大家睇睇試當真嘅試睇電影會《THE OFFICE US》呢一集。游學修親自介紹呢套偽紀錄片THE OFFICE US，同時都係美國嘅情境喜劇，但係呢個片種喺香港並唔流行，呢種情境喜劇我最有印象嘅就係艾粒嘅鏗鏘透視，當時睇艾粒真係笑到得hihi。而channel需要乜乜嘅系列就係做緊屬於試當真呢個channel嘅偽紀錄片。睇呢個系列就好似真係睇緊佢哋個channel變化咁，同時又真正哋為試當真呢個channel擴展緊。第一集「需要女」係招募女演員；第二集「需要錢」係sell佢哋個會員功能；第三集「需要橋」係招募編劇。我覺得用偽紀錄片嚟配合channel發展可以話係奇策，因為對香港觀眾嚟講新穎之餘又可以做到佢哋要嘅喜感，所以佢哋咁受歡迎都並唔係無原因。
喺呢個網絡時代可以建立出自己嘅拍片style並唔容易。游學修亦都喺直播講過十萬訂閱都本來只係佢一年嘅目標，最後由埋班到定期出片試當真喺兩個月內可以上到十萬訂閱，接到廣告仲開到埋會員功能可以話喺香港網絡係一個好犀利嘅數據。我哋成日都見到好多人嘅成功好似係好快，其實背後付出咗幾多未必有人會真係留意。努力嘅人一定會得到尊重。
每天關注我的9UP狀況：
https://www.instagram.com/ernest_pch/
之前因為技術問題而要延遲推出嘅 Samsung Galaxy Fold 系列，將會喺九月下旬，喺多個地區首發。雖然香港就未有得賣住，不過今日我就親手玩到呢部突破性嘅柔性曲面摺機，掂唔掂，一齊同大家睇吓！
同之前估計嘅一樣，摺起咗嘅 Galaxy Fold 雖然比正常手機細部，不過手感就相當厚，好似拎住個筆盒咁，但就冇想像中咁重。留心睇下，當部機摺起嘅時候，外觀就似拎住兩部手機，之後想買嘅朋友真係要有心理準備喇！
部機嘅外 Mon 比較細，不過其實都做到一般嘅智能手機功能，當然啦，成部機最特別嘅就係打開咗嘅內屏幕！呢個 7.3 寸嘅可摺屏幕造功相當靚，雖然右上角嘅劉海有啲失色，不過成部機打開咗拎上手嘅感覺就好似一部迷你平板咁，比之前想像嘅手感仲要好，中間嘅摺位亦都唔算明顯，打起字上嚟亦都相當方便。
三星方面強調，呢個屏幕最適合睇 4K 嘅高清畫面。即管就等我試吓！用流動數據加上呢個 7.3 吋嘅屏幕效果又真係唔錯喎。不如睇吓我哋網頁同埋節目先！內外屏幕可以做到無縫交接，好似我咁，睇睇下摺埋部手機同一條片都可以喺外面繼續播放，相信之前傳聞中嘅交接問題就已經解決晒喇！
Samsung Galaxy Fold 提供一張實體 Sim 卡加一張 eSIM 提供雙卡雙待，9月18號會率先喺新加坡發售，價錢約係港幣 18000 元左右。唔知你又有冇興趣？
《Z世代達人》
麥卓華
