正所謂搞人隻豬最開心，趁住大家星期一要返工，我梗係黎雪中送炭（畀你燒），帶大家一齊玩下Happy Farm 啦！
倫敦市中心附近有一個小型City Farm，入面有豬有羊有馬有牛有驢仲有雞同鴨仔！呢個City farm 最大的特色，就係佢正正喺個city入面呀！無錯，當香港討論緊要喺郊野公園起屋、填平個水塘起樓之際，倫敦---全歐洲樓價最高的城市之一，就咁樣在市中心附近劃左一個小農場出黎！每逢假日，很多家長都會帶小朋友落街餵綿羊，真心想問我呀媽點解當年佢揀我老豆？一早搵條洋腸嫁左去，我細個就唔駛上補習班，而係走去摸綿羊啦，話唔定我仲會高多兩寸添呀...
算了，講返正題，呢度有兩種動物，一種係摸得，另一種係唔摸得。咁多種動物之中，山羊係最摸得，你拎住在園內買的飼料，佢就會走過黎食，這時候，大家可以隨意展露自己怪叔叔的一面，「叔叔請野你食，俾叔叔摸下先」，就係咁，只要你唔好捉佢隻角，山羊係任摸唔嬲，你睇下第二幅圖隻山羊個死人陶醉樣...
第二摸得嘅係綿羊，基本上點摸都唔會反抗，不過手感有點粗糙，沒辦法，下次要捉隻羊做返個焗油(?!)先得。但佢唔會俾你摸太耐，因為陽光很猛，佢啲毛太厚唔舒服，摸完一陣佢又要返去樹底乘涼。
第三好摸的係驢仔，比起第四好摸的牛更加癡人一點，最緊要味道也沒有牛那麼重，而且驢仔頭大身細，非常有喜感的說...
第五可以摸的是鴨，係呀，香港政府見到生雞鴨慘過見鬼，但呢度係可以俾你接觸禽鳥，但我認為不太好摸，畢竟人家已經吃得很飽了，就不會要你餵食。肥鵝特首講得岩，官到無求膽自大。做高官係咁，做雞做鴨做鵝都應該係咁，不吃你的自然不會給你摸，你隨便摸人家，被人啄了我可不負責哦！此外，值得一提的是圖中那隻個身勁長的鴨，叫「企鵝鴨」(penguin duck)，不會飛，但一遇到事就會跑得很快，這點和一眾高官也是一脈相承的。另外還有一種鴨，很會逃跑，一有機會就會走出去，和前任教育局長兼高官旅遊界KOL吳得掂先生，也是拜把子的好兄弟。
咁豬呢？好唔好摸架？拿，男士們，豬呢樣野真係眼看手勿動，手指都咬斷你呀，你當自己係加藤鷹呀？(女孩們請別在公司搜尋加藤鷹，這不是動物來的）豬雖然無高圍牆，但其實係唔摸得架，餵食也只能拋過去，千萬別放在手掌上。最大問題是豬的視力很弱，牠未必真心想咬你，但人家就是看不清楚，你也不能怪牠的說...
#你望下第一張相個豬欄同間豬屋
#係呀無錯大過你屋企呀
#你仲有咩好講
#淨係間豬屋都大過南區傲L軒劏房呀
#邊度傲呀睇過
#你叫傲L軒定好L顛
#你仲點好意思叫人做港豬
#香港搵邊隻豬有咁大地方住呀
#何不把悲哀感覺假設是來自你虛構
#廢青們給我認真工作
#仲有四日先到星期五
#教書嘅朋友唔好諗住射波請病假
#你有錢買餅卡咩
#一日三舊水架
#充滿負能量
#滿滿的惡意
#虐待讀者是我最大的樂趣
教書嘅朋友唔好諗住射波請病假 在 technically意思2023-精選在臉書/Facebook/Dcard上的焦點新聞和 ... 的美食出口停車場
但，講到尾，等於以前啲業績會，好多記者都鍾意問啲公司，點呀，有冇諗住短期集資呀。咁啲poker face 管理層（主要 ... 教書嘅，如非必要都唔會請病假，因為真係好煩。 ... <看更多>