關於 撳掣普通話 ，我們在網路上蒐集到這些相關的討論、資訊與評價

〈一個在日本的刁民〉撰文：雲海

 以下呢個經驗比較長，大家希望可以耐心小小慢慢睇！你就當我一個香港刁民喺外地遇到嘅情況！
話說3月5號下晝突然間收到消息，話日本政府將會強硬執行由中國包括香港澳門入境嘅人士進行強制14日隔離！身邊好多朋友已經聯絡我問我情況點？我真係一頭霧水！完全理解唔到點解之前日本政府對疫情Hea到爆，甚至我認為所有日本武漢肺炎確診數字都係假嘅時候（因為我認為日本政府為咗東京奧運會會不惜一切，包括做假！）突然剎那間強硬到咁，而且講到明會暫時取消香港人嘅日本免簽證（後來知道包括特區護照同埋BNO持有人），咁我就即時要處理離開辦法，要知道我係因為有事情要做，一個月內兩次要去福島核電廠附近「考察」！我原本3月5號就係由福島返到東京，喺香港訂唔到6號7號嘅回程機票，就唯有8號啦！但黃昏嘅時候日本政府再確認所有強行實施隔離政策係由3月9號開始！咁我係坐3月8號黃昏6:10日本航空公司班機回香港，咁就剛剛擲界了，因為我聯想到，若果這班機深夜飛到去香港，第二日根本就冇人再飛去日本，其實取消嘅機會好大，咁好啦，我就嘗試接觸日本航空公司啦！好嘢到呢，首先根本完全打唔到電話俾佢哋，佢哋網站亦都刪除埋原本有嘅電郵地址！再喺網站留咗句說話：依家太多人接觸佢哋冇辦法會回覆之類！咁即係點呢？若果3月8號班機取消咗，之後短期內都好難返到香港！而我有一個難處，就係3月9號下晝其實我係要去醫管局旗下嘅診所攞藥，其實我已經帶晒所有藥，只能捱多一個禮拜到！咁點算好呢？咁我就即刻去查東京飛關島再由關島飛香港嘅航班，呢個係我之前諗定嘅plan B，美金都帶足啦！點知原來關島直飛香港嘅航班已經取消晒，一定要經馬尼拉，咁一來菲律賓對港人都有隔離限制，二來人質事件之後我話咗以後唔去菲律賓！咁好啦即刻去check東京飛曼谷，曼谷飛返香港嘅航線，正當想選擇邊班航空公司之際，就收到消息話泰國對港人亦都執行14天隔離令（後來消息就更加混亂），莫講話泰國消息混亂，其實日本呢邊嘅消息更加亂；首相安培講嘅嘢同外相同厚身省講嘅嘢可以係完全唔同，而且冇一個標準或者統一說法！咁我第一時間諗起嘅梗係搵返香港政府駐東京經濟貿易辦事處啦！由Google查到佢地地址同聯絡方法，咁我就即刻打電話比佢哋啦，由3月5號黃昏6:00開始打打到9:00，一係就冇人聽電話，一係就唔通，再睇清楚上面資料寫到明佢哋辦公時間一至五都係二十四小時喎！原本諗住即刻飛的士過去，諗諗吓都係聽朝先。到3月6號朝頭早10點幾我就坐的士過去，就遇上我其中一次最離奇嘅經驗：我去到正門，有一位日籍女職員即刻上前招呼我幫我撳電梯，我已經覺得好奇怪，冇理由佢會知我嚟㗎？之後佢就問清楚我係咪相關職員（我諗佢以為我係香港政府派來嘅職員）我就話唔係，我只係香港市民，想來查詢問題！佢就面色一變，趕我出去門口個三角開門位，叫我自己撳掣上去啦！（嘩！冇禮貌到呢！）這女士之後從此就消失咗啦！咁係我撳掣嘅同時就見到塊牌上邊寫着原來佢哋嘅辦公時間係上午9:30至到下晝5:30，仲有一個鐘頭lunch time添！等咗好一陣子，先有人係通話機問我咩事？我就用廣東話好清楚咁講：「我係香港嚟嘅想問關於日本政府依家嘅緊急狀態令之下嘅情況！」對方竟然用普通話同我講：「你等一下！」心都實埋！我就企係個三角門口位起碼15分鐘，不斷被開門冷風吹，直到一位聲稱係香港政府之香港人、識講廣東話嘅職員落到嚟用都幾唔好嘅禮貌問我咩事？之後仲要唔俾我進入大門任何比較冇咁大風嘅位置去問問題（原來咁樣對香港人嘅？！我交啲稅結果原來係咁嘅！）我於是乎就向佢發難，同佢講其實我依家係乜嘢都問唔到，仲有關於攞藥嘅問題萬一飛機停航唔知邊個可以幫到我......等等；但你估都估唔到個陳小姐點答我，佢話：「其實我哋呢個辦事處唔係立亂俾香港人可以嚟問嘢就問㗎！（嘩！）你係要預先打電話俾我哋做個appointment，你先可以嚟㗎！不如上網或者打電話俾我哋做咗個appointment先啦！」嘩！我真係火都嚟！我話：「琴晚打咗成晚電話無人聽電話甚至係冇Voice Mail，我點做appointment呢？好啦我我今朝特登坐的士嚟到現場問你你竟然要我做返appointment先返嚟？！」之後陳小姐仲同我講，佢本身自己唔係屬於「查詢部門」嘅同事嚟㗎，而本身比香港人查詢個部門，原本識講廣東話嗰一位職員咁岩今日唔辦公，上面工作嘅同事全部係講日文同英文！若果我堅持要用廣東話問，就幫唔到你囉！仲有仲有，其實你哋香港人唔應該搵我地囉！你應該自己打1823囉！（其實佢不斷講1823我諗佢係講錯咗，其實佢係想講1868入境處熱線，但我已經冇心情修改佢）嘩！！！！之後佢再強硬地繼續講：「陳生！你冷靜啲先！」（呢句真係所有公務員嘅死穴！）我就即刻爆佢：「琴日日本政府突然間頒發緊急狀態令，我哋而家喺日本嘅香港人乜都問唔到，你電話有冇人接！仲要呢上面寫到明你嘅廿四小時運作（後來所有職員都否認呢個說法，仲要聲稱唔知道Google喺上邊咁樣寫，我離開之後佢地就向Google提出修改變返做佢哋嘅辦公時間！）依家你仲要我去做appointment去問問題，你仲命令我去冷靜？！」之後我繼續爆：「你都幾好嘢喎！我有好大對比囉！同樣係香港政府經濟貿易辦公室，喺武漢嘅同事就可以對係湖北省嘅香港人要藥有藥、要食物有食物、要飛機有飛機、要運輸有運輸、要返香港有返香港，而且全部免費！同一個部門對喺日本嘅香港人連打個電話都做唔到！尼個落差巨大得滯啦掛！」陳小姐好似覺得應付唔到我，就想返Office話聲稱會搵佢哋嘅負責人同我講！好！我等！大概10分鐘之後，一時就話俾我聽得一個廣東話嘅職員，一時就成隊講廣東話嘅職員落晒嚟，包括佢哋嘅辦公室老頂阿頭Thomas Wu以及五位來自香港嘅入境處同事！（唔知係咪我話我係Henry Chen觸動到佢地神經呢？）胡生好似做大龍鳳咁，一落到嚟，就大大聲同我講：「陳生，唔好意思！我哋頭先上邊傾緊所以冇落嚟了解.......！」我即刻插嘴：「我諗我唔使再企喺個三角風口位度吹風可以入嚟大堂個可？」我哋所有人之後都企喺大堂張枱仔前邊，因為連一張凳都冇㗎！（真係好想知道駐東京辦事處嘅財政撥款有幾多？）之後胡生想同我握手，我就話防疫時間唔好啦！我於是繼續向胡生發難，都係表達同一個部門駐武漢同駐東京對港人嘅處理方式係落差咁巨大？！連一個應變小組或者電話都冇！！！當然胡生亦都表達其實佢哋尋日知道日本政府嘅公布之後都完全掌握唔到而家嘅情況！同埋都希望幫到我若果日航取消班機攞藥嘅問題，佢哋開頭就討論啱啱過嚟嘅入境處職員會唔會呢兩日幫我攞到，但時間上做唔到，但係佢哋完全唔覺得3月9號之後會幫我寄到藥過嚟（唔知點解湖北又做到個喎？）佢哋就話若果我真係滯留喺日本，暫時返唔到香港，會帶我去睇日本嘅醫生，請日本醫生方面幫我開藥（當然係我自費啦！）而且佢肯俾佢自己嘅卡片及聯絡電話我，有咩事可以搵佢求助，我不得不承認佢嘅公關手段係好好多！但我都向佢強調，係日本唔係得我一個香港人，有咩事要搵佢地求助並唔可能得到咁樣嘅待遇！基本嘅電話查詢都冇？連電話錄音都冇？之後胡生同幾個入境處職員都同我講：「其實你哋最好有咩事都打返入境處嘅求助熱線1868啦！」我即刻打蛇隨棍上話：「1868求助熱線我交過好多次手㗎啦！我唔能夠話佢哋係廢！不過真係完全唔掌握情況同幫唔到手囉！仲要係某程度上佢哋都要聽命於保安局嘅指揮，呢下我覺得好離奇㗎！點解入境處自己唔可以話事嘅呢？太多擲界嘅權力問題！」現場所有人就好尷尬咁望住我，唔知講咩好！咁我就話：「都唔阻你哋繼續開會啦！若果飛機繼續飛就冇問題啦，我滯留喺日本我就搵你地幫手啦！」呢個時候一位日籍職員我樓上Office衝落嚟，表達問咗日本航空公司，3月8號6:10果班飛機會照常，而且仲print咗一張香港入境處1868政府熱線嘅資料俾我參考！我講句唔該一睇，係簡體字版！（反眼）或者我喺湖北嘅話待遇會好好多嘅！我作為一個喺日本嘅刁民，要辦公室嘅阿頭嚟招呼我，我都已經好唔好意思㗎啦！
Ps我剛踏出辦事處門口，就聽到胡生好大聲咁同啲同事講咗一句：「Well done！」我當時心裏面諗，well done咗喺邊呀？我講笑咁講啦，唔通成功將武漢肺炎惹咗俾我所以well done？！要知道全程同胡生講嘢，佢都係冇戴口罩㗎！企喺我半尺位右手邊嗰個入境處職員都係冇戴口罩同我講嘢㗎，呢位職員係特登過嚟處理鑽石公主號港人嘅同事！講真！若果我之後真係惹到武漢肺炎，你都唔好問我個源頭喺邊！

賭Sir語錄🗣課程設計應由下而上 而非向上迎合
----------
⚡快速跳播目錄：
01:10 💡平截頭體0步驟速算法💡
02:22 💡柱體總表面面積神秘公式💡
04:30 💡Frustum隱藏公式嘅神秘啟示💡
10:39 💡錐體比例一條式過神技💡
16:55 💡DSE Pastpaper作答示範💡
22:17 💡曲面距離攤平小技巧💡
25:48 💡圓面積加線秘訣&心法💡
----------
呢條片全靠Auphonic優化音質，唔同片嘅大細聲左右耳問題徹底解決！洗錢嘢果然唔同啲🤣好開心😍另外我將陳年舊片重新剪接，進一步Cut走多餘廢話，希望大家睇得更快趣💪
----------
1️⃣YouTube演算法有變，短片已經無咁有利；
2️⃣生態亦唔同咗，標題黨變得神憎鬼厭；
3️⃣藝人轉戰YouTube，提升咗平均質素。

所以，賭Sir決定重整：

💡用播放清單分5個台：數學台、戒賭台、教育台、創富台、娛樂台。
💡每條片都會花錢經Auphonic調音，將音色提升至專業級。
💡數學台嘅影片會花錢聘請後生仔女客串，為考試嘅節奏增添一點無厘頭。
💡不定期喺平日嘅10pm做直播，邀請好朋友傾教育，接Phone-In同網友傾偈，將精華剪喺教育台。
💡有好多超舊嘅教學片，其實內容唔錯，但由於當年只係隨手揸起部手機就錄，廢話多又零剪接，所以我會將舊片重新後製&組合，兼且寫低時間點，方便觀眾跳播。與此同時，逐漸private啲原片，濃縮影片數量。工程浩大🤯
💡暫定逢星期六下午六時六分出片，六六無窮。

另外，仲有一件非常重要嘅事：由於YouTube開通咗我嘅頻道會員功能，望各位支持理念嘅網友課金支持。若然會員人數>1000位，我就會關掉YouTube廣告，方便觀眾睇片，兼且提高獨立性。

除此之外，你亦都可以喺直播嘅時候Superchat課金，或者掃瞄直播時候嘅QR code，透過Payme/轉數快低調支持。

👉至於3種會員嘅福利係咩？你撳「加入」個掣就會知道。

（國際YouTuber用普通話/英文講數學，觀眾可以多，有隱定收入，但廣東話教數學真係兩個世界。我作為先行者之一，希望可以再推進呢個市場，為更多香港本土嘅數學教育者，喺學校教師/補習老師以外，開拓多一條新嘅出路。

同時繼續為家境手緊嘅香港中學生，繼續免費提供高質且深刻嘅教育，抗衡香港地脫曬節嘅封建教育體制，令數學唔再係社會精英嘅專利。）

https://youtu.be/KyNsgHf1Kig

【廣東話係母語】小編作為土生土長香港人，英文本半桶水、普通話好普通，日文最叻係講Ohayou。但世界母語何其多，去旅行人哋唔係老奉同你講中英文。荷蘭就出咗部叫Travis嘅翻譯機，外形成個小型搖控咁，撳個掣即透過AI技術，幫不同母語背景嘅人溝通。連線時翻譯到80種語言，離線都可進行20種語文翻譯，以後去旅行就語言無障礙啦！

產品詳情：http://link.presslogic.online/9def2
獨家優惠code：plg

之前同大家介紹過全新嘅 iOS14 嘅測試版已經到手喇！ iOS 14 Widgets有幾好用？iOS 14 Picture in Picture 畫中畫一下搞掂？今日就同大家一齊iOS14實試！ios 14 beta 1 review

整個iOS 14平台最大嘅改變就係App同埋iOS 14 Widgets嘅排列。以前嘅App就只可以好似宜家咁樣、好工整咁樣一格一格、一人一格咁展示出來。但宜家你會見到第0頁嘅iOS 14 Widgets本身就已經係唔同咗樣，以前嘅Widgets只可以集中放喺呢一版，同埋個形態只係一行一行，但宜家個形態就可以分為細、中同埋大。

比如話宜家呢個天氣App要拖去主畫面要點做呢？長撳住個App、跟住之後好似我哋平時搬App咁樣，將呢個Widgets放番喺度就可以喇。同埋其他嘅App都會自己縮，情況呢就同喺Android上面嘅Widgets差唔多。咁相信呢之後有更多唔同嘅Widgets出現，因為之前Widgets局限咗在第0版，就會令到好多開發商覺得無呢個需要去做。但宜家可以自由擺放嘅時候，我相信就會多咗開發商去選擇用呢個Widgets。

除咗喺預設Widgets頁面嘅幾個Widgets外，如果要加入其他嘅Widgets，只要長撳住任何一個App，之後右上角就會出現「+」號，咁入去就會見到唔同嘅Widgets選擇。暫時都係以原生嘅iOS App為主，不過到正式推出嘅時候，相信就會有多好多選擇。我就揀多個Podcast App先！當我撳加入之後，會有唔同嘅大細選擇，你可以按需要同喜好加去主畫面㗎！

喺iOS14上面，亦都新增咗一樣嘢叫做「智慧型叠放」。其實佢就會將好多唔同嘅Widgets擺埋同一層，呢個就會比Android行先咗一部。我撳住呢個「智慧型叠放」、將佢搬出嚟擺起呢度，咁先算啦，你就可以見到，佢可以一層一層咁出現唔同嘅Widgets，呢個Widgets除咗可以唔洗嘥咁多位喺個主畫面之外，仲有個好處呢，就係佢會透過人工智能喺唔同時間學習你平時嘅使用模式而出現最啱你用嘅Widgets，相信之後當更多嘅App有Widgets之後，呢個功能就更加好用喇。

另外如果你係App嘅Download控，iOS14亦都加入咗App Library功能，幫你嘅App分門別類，更加易搵，同時亦都因為呢個App Library嘅功能，以後你就可以設定新Download嘅App只在App Library出現，主畫面只放常用嘅App，咁嘅操作就更加人性化同方便喇！

相信另外一個最吸眼嘅就係 iOS 14 Picture in Picture「畫中畫」嘅功能喇。其實畫中畫係好多Android嘅品牌手機已經有，不過呢Apple就將佢嘅畫中畫功能昇華咗，因為用法就更加簡單，唔洗撳來撳去，一個掣就搞掂。點解我咁樣講呢？試俾大家睇吓。譬如我依家睇緊自己呢一條Z世代打人嘅片，當你要做畫中畫功能嘅時候，其實你撳一個掣，Home掣出咗嚟之後，你見呢條片已經出咗嚟下面呢度，當你要繼續播嘅時候，佢一路做緊，你點郁佢都唔會走，譬如話我要睇其他嘅網頁，或者我要去打訊息，其實全部野都做到嘅。最特別嘅地方，喺呢個時間如果你有電話入，佢個電話提示唔再會成版嘢咁樣出嚟，有電話入嘅時候佢只會係咁樣出嚟，你可以接聽或者唔聽，咁就唔會阻你去睇㗎。譬如我揀唔聽，咁樣之後呢我可以繼續睇返呢條片，亦可以出反去全畫面，再撳番個掣，又出番去呢個畫面，咁無論你係去App邊一版，其實都可以嘅。

另一個iOS14新加嘅功能就係原生嘅翻譯App喇！雖然暫時未支援廣東話，不過我哋就試下普通話同英文嘅翻譯掂唔掂呀！

翻譯完之後呢，你撳呢個呢，就會出一張字卡出嚟，有時譬如話唔方便去聽嘅時候，亦都可以比人哋睇到相關嘅翻譯。

試埋普通話翻譯去英文先！爭咁啲啦！不過都明嘅！

【廣東話/粵語教學】香港人常用語 第四集｜我要扚起心肝教好廣東話！
-------------
來到香港人常用語-常用動詞的廣東話教學第四集！！
今次要教大家的動詞是：

1️⃣掟(deng3)
用法：把東西擲出去的動作
例子：條友畀舊石掟死咗
2️⃣㨃/隊 (deoi2)
用法：用工具向前桶向前伸的動作
例子：信唔信我㨃你、㨃前啲啦
3️⃣扚/的 (dik1 )
用法：拿起的動作
例子：扚走佢、扚起心肝
4️⃣掂(dim3 )
用法1：觸碰的狀態
例子：有冇掂到呀
用法2：摸的動作
例子： 可唔可以掂下
5️⃣撳/㩒 (gam6)
用法：按壓的動作
例子：撳掣、撳錢、撳實哩度

是日問題：
以下問題括號應該配上什麼動詞呢，知道的請在留言的地方留下你的答案吧，下集揭曉。
❗️入實驗室 _ 緊急掣
❗️_ 走佢啦，唔好喺度篤眼篤鼻

-------------
劉殿下のFacebook：
https://www.facebook.com/RyuDenka/
-------------
關於廣東話的影片：
https://youtu.be/ycpn5BC2jN4
https://youtu.be/wEFochyDebU
https://youtu.be/bYLwePwdpJk
-------------
殿下推薦的廣東話Youtuber!!：
點點dimdim
屎萊姆的3次元
Hein Cream 海恩奶油
HuhuuuTV /廣東話教學
Mira's Garden
疯粤CrazyCanton
頴珊頻道 | The Wingshantsui Channel
MtzCherry
Learn Cantonese with CantoneseClass101.comDandan Chen
にんじんレイ
ようき楽園 / 玉其樂園 - マカオと広東語
CarlosDouh
我は何しに香港へ？ Why did I come to HK ?

也感謝有份推廣香港的各位：
蔡阿嘎
聖結石Saint
香格拉 Shangrilayt
MaoMao TV
Ryuuu TV / 學日文看日本
JASON(大J)
Halo Mackey
HenHen TV
-------------
關鍵詞：
香港人常用語,香港人用詞,香港動詞,手部動作用詞,粵語教學,
廣東話,广东话,香港,教學,道地,粵語,口語,白話,教室,廣東話教學,bensir,歐陽偉豪,广东话教学,打招呼,中英夾雜,港式英文,九聲六調,翻譯,字幕.廣東話髒話,廣東話 黃明志,楊民翠,點點,香港女生,廣東話歌,廣東話卡通,廣東話口音,廣東話 罵人,廣東話 詩歌,廣東話 數字,廣東話粗口,廣東話,廣東話兒歌,廣東話髒話,廣東話 你好,廣東話 謝謝,廣東話 普通話,廣東話打招呼,廣東話旁白,廣東話 翻譯,廣東話 英文,廣東話拜年,廣東話 拼音,廣東話學習,廣東話 發音,廣東話 客家話,廣東話 app,廣東話 母語,廣東話輸入法,廣東話故事廣東話俗語,廣東話歇後語,廣東話 澳門,Cantonese,Hong Kong,Cantonese lesson,広東語,広東語 会話,広東語 挨拶,広東語 発音,広東語 こんにちは,広東語 中国語