《 香港之恥 · T V B 》
亞視不思進取，但係佢仍然能夠一死以謝天下。
咁無線呢？
我地唔能夠話，而家根本冇人睇無線，所以話知佢不停推出啲垃圾節目；正如我哋唔可以話，而家根本冇人喺維港游水，就任由維港嚴重污染影衰香港。
由何守信（1971）講摔角、孫泳恩（1973）當選第一屆香港小姐、秋官（1976）嘅書劍恩仇錄…… 我愛TVB，肯定多過TVB愛我。
到咗九十年代，中英爭拗不斷，彭定康同周南日日開火，香港人心情一啲都唔好過，嗰陣時，返屋企睇下曾志偉嘅獎門人扮鬼扮馬，心情都好返啲。
我記得，嗰陣時個女讀緊小二，好鍾意學曾志偉佢哋講啲嘢，同埋玩佢哋嗰啲搞鬼遊戲。
千禧年來臨，香港已經改朝換代，換咗董建華、曾蔭權做特首， 但係無綫繼續不停翻炒， 推出一輯又一輯嘅獎門人，同樣無聊嘅遊戲，已經冇晒吸引力，我一集都未睇過。
幾年前，我個女都已經大學畢業，出嚟做咗幾年嘢，前年結埋婚，今年仲會添丁，估唔到廿幾年後，無線仍然厚顏無恥、不思進取，再搵返曾志偉出嚟炒冷飯。
人哋台灣嘅《康熙來了》大受歡迎，做咗超過十年，都識得响高峰期見好就收，如果無線真係《我愛香港》，點解唔肯動下腦筋、花啲心思， 創造啲新形式嘅新節目畀觀眾睇？
普京有一句名言 ：「 是否原諒恐怖分子是上帝的事，我的責任是送他們去見上帝 ！」
李懂媽都想講 ：「是否做好TVB是六叔的事， 我們的責任是送TVB去見六叔！」
搞鬼遊戲 在 Digeam《搞鬼Ghost Online》 - Home | Facebook 的美食出口停車場
由Mgame所研發、Digeam所代理的《搞鬼Online》，是一款東方鬼神題材以可愛和風式呈現的2D卷軸MMORPG線上遊戲，玩家將化身為正或邪派的俠士，以自身為載體自由轉換為 ... ... <看更多>