關於 揸車宵夜 ，我們在網路上蒐集到這些相關的討論、資訊與評價

💖再次多謝各位朋友仔對我嘅支持及愛護！也恭喜昨晚所有的得獎者，他們每一位都實至名歸！
💖更加多謝我的老公及女兒們，晚上上九點幾鐘揸車出旺角買花，買宵夜給我，及不停留言支持我，超級感動！💖💖💖😂😂😂
🌷BTW, 今晚9:30想開個live，有時間就入嚟同我見面啦！🙏🙏🙏

《為打機的男人平反》

有女性朋友係飯局上面「呻」佢老公成日打機，覺得佢收工就只會打機，覺得好無謂，作為一個都係會打機嘅男人，我決定為打機平反！

每個人都需要娛樂，工作一日之後，我哋需要休息，打機只係一種娛樂嘅方式，同運動、揸車、玩模型等同一目的，就係放鬆。

大家可以話，興趣有好多，點解要揀打機，講真，我有錢的話，我真係可以有好多娛樂選擇，夜晚揸車去食宵夜放風又好，去上紅酒班都可以，同老婆去食餐好嘅再行街都好（雖然我唔知呢樣係唔係仲攰過返工），玩吓音響又得，其實有錢真係可以做好多野。

但問題係，無錢嘛。

如果將唔同興趣列出一個表，然後將佢以花費金額排列的話，打機算係極低極低消費嘅行為，一隻遊戲當係四百蚊，可以打足一個月？甚至有好多免費手遊，我打咗一隻moba遊戲五年，幾乎只用過二百蚊，每年都只係四十蚊，有乜快樂係可以一年只花費四十蚊？我真係想知！就連你去跑步，你換對鞋啊，都要四五百啦，著爛襪都要換啊，跑完步洗衫都要時間心機同水費電費啦！

擁有一個打機嘅男朋友或者老公，你應該要開香檳！因為佢打機，只係係屋企打，佢一舉一動你都可以睇到，至少佢係痴家，同埋佢唔介意同你共處一室，試想下另一半嘅興趣成日都唔係你身邊，你又會唔會開心？

既然打機唔係咩壞事，但點解咁多女性會討厭？其實又唔難理解嘅，當你見到另一半成pat爛泥咁訓係度或者坐係度，的確係觀感上係唔多好嘅，但一個咁嘅人，你仲怕佢走咗去咩，應該要有安全感先係！

打機嘅男人，佢慳家少洗費（重課另計）；
打機嘅男人，佢痴家簡單；
打機嘅男人，佢容易滿足；
打機嘅男人，佢唔會沾花惹草；
打機嘅男人，佢仲係一個大細路，亦願意係你面前流露呢一面。

你話咁可以連機都唔打，做有意義嘅活動嘛，得得得，到我問吓呢位女性朋友，佢平時會點娛樂休息時，佢答我，煲劇，行街，買野時……

其實兩個人一齊，大家都會有各自己習慣同愛好，而呢件事係從來無高低之分，無話做運動就一定係比打機好，如果要尋找意義的話，就唔係娛樂啦，而如果大家係想娛樂的話，打機又有何傷大雅呢？

試吓唔好係男人打機時表現唔耐煩，試吓你睇吓佢打機，講聲加油，唔好玩到攰，打完就陪吓自己，咁呢個夜晚，應該好溫馨。

【恐怖在線】說話真係唔可以亂講⋯分分鐘好似佢哋咁出事😨😨😨

如想收看 足本內容
即按︰https://rebrand.ly/sc2631

【延伸閱讀】：鐵騎士猛鬼公路揸電單車撞鬼 驚見自己分身嚇到撞車險入鬼門關 https://rebrand.ly/sc2176

逢星期一至五 11:10pm
edmondpoon.com 及 Big Big Air手機apps 直播
---------------------------------------------------
Big Big Air Instagram 正式啟用
緊貼《恐怖在線》、《玄緣學會》、《妖言惑眾》等節目精華動向
仲唔快啲 follow!
https://www.instagram.com/bigbigairapp/
ig: bigbigairapp
----------------------------------------------------
BigBigAir App下載：
Android: http://bit.ly/2kvffFv
iOS: https://apple.co/2k2jRTd
----------------------------------------------------
如有任何問題, 歡迎致電 37033726 查詢
#潘紹聰 #鬼古 #恐怖在線

《做生意，點計數?》

又出盡18年功力，同你分析各行各業做生意，點計數?

錄影日期2020年4月7日(星期二)

摘要:
(1) 飲食業， 成本分析大致是4321。 4成食物成本(連雜項)，3成人工，兩成租金，1成利潤。
- 外賣店是 4，2，3，1
- 大型食肆是 4，3.5，1.5，1
- 肉/餐種多 4.5，2.5，2，1
- 菜/餐種少 2.5，2.5，3.5，1.5
- 主攻飲品是 2.5，2.5，3.5，1.5

(2) 零售業。成本分析大致是4231。 4成貨物成本，兩成人工(連雜項)，3成租金，1成利潤。
- 自家品牌/自己生產是 1，2，5，1-2
- 來貨轉售是 6，3，1，~0
- 便利店是 6.4，2，1，0.6
- 大小超市是 8，1，1，~0

(3) 服務業。成本分析大致是1432。 1成入貨成本(連雜項)，4成人工，3成租金，2成利潤。
- 自助洗衣店是 2，0，6，2
- 地產代理(美聯)是 3(回贈/廣告/經營成本)，5，1.5，0.5
- 夾公仔(台主制)是 1，2，5，2
- 夾公仔(自營店)是 3，3，3，1

總結，零售業通常生意額最大，飲食排第二， 服務業就最細。 雖然服務業的租金佔營業額最大，但由於營業額細，服務業的承租能力最弱。零售業可承受每月每呎幾百元租值，飲食可承受每月每呎過百元，但服務業一般只能承受每月每呎幾十元以內租值。

現在肺炎疫情會影響所有數字 ，但困難時間總會過去，大家加油!

聯絡李根興 Edwin whatsapp (+852) 90361143。租舖買舖最歡迎?

。。。。。。。。。。。。

內容全文:

依家全世界都叫減租，但其實租金佔生意額應係幾多呢?

2001年起，我買賣過千單生意，乜數都睇過晒。舖頭做生意，最大支出離不開都係租金，人工，同埋貨物成本。 如果將所有街鋪拉勻，一般來講，成本就係4321。

香港嘅舖大約有10萬間，大致三分一係飲食業，三分一零售業，三分一係服務業。租金分析係點? 要做幾多先夠冚?

第(1) 先講飲食業， 成本分析大致就係4，3，2，1。 4成食物成本，3成人工，兩成租金，1成利潤。

做飲食，租金佔營業額兩成，就大致會有錢賺。 即係話如果你租金係六萬蚊，營業額每月就要做30萬，每日做一萬蚊就夠啦。 當你間餐廳有40個位， 人均消費50蚊， 每日做五轉 (早餐/午餐/下午茶/晚餐/宵夜)就夠啦。

但你唔會咁做， 時間太長，人工太貴。 你會主力打爆個午餐，晚餐，各做兩轉， 下午茶當一轉， 咁就已經五轉，送埋外賣，多一兩轉就賺更多啦。

外賣店， 舖頭可以細間啲，但人流要旺啲。因為人手少啲，租金可以佔營業額三成至三成半。

大型食肆，酒樓，高級餐廳，人工貴，食材貴， 一闊三大，租金最好只佔營業額一成至一成半以下，先叫有賺錢。。 例如近年大家樂佔約12％，太興/翠華等則佔約14/15%左右。

賣肉多，例如漢堡包， 餐牌種類闊，自助餐，放題等，食材成本最貴，租金要少過兩成。

賣菜多，米線/拉麵等，餐牌簡單啲，得嗰十樣八樣揀，食材成本較平，租金可佔多至三成半。

專攻飲品， 珍珠奶茶，涼茶，咖啡等， 係人都知飲嘢最賺錢，慳返廚房師傅，租金佔營業額去到4成都得。

一般來說，飲食業，租金佔營業額四成最盡了。 仲要俾食材，人工， 同燈油火蠟開支， 老闆叫做緊緊賺到份人工。

(2) 零售業。成本分析大致就係4，2，3，1。 4成貨物成本，兩成人工，3成租金，1成就梗係利潤啦。

零售業租金佔營業額拉勻約3成啦，就大致有錢賺，但可以偏差好大。當然睇你係賣咪乜嘢啦。

最賺錢係自家品牌，自己生產，利錢一般係一比十。 即係一蚊成本賣十蚊，例如自制豆腐花， 自設廠房再零售賣衫賣褲，自家生產酒精洗手液等。賣呢啲嘅舖，租金佔營業額去到盡高達5成都得。 貨物成本一份，租金五份，人工兩份，減埋死貨壞貨半份，仲有一兩份係利潤。

但如果係攞貨返嚟再轉售，一般係賣十蚊賺六蚊 (折扣前)。 有時仲要大減價，買一送一，你就當大約貨物成本佔六成啦。 仲要減埋人工，死貨/退貨，雜項約3成，租金最多佔營業額一成至1成半。

例如OK 便利店，每賣10蚊貨， 拉勻賺約3.6蚊。仲未計人工，雜項，總部成本。超市仲差，售貨利潤減一半。十蚊生意，分分鐘一蚊都賺唔到。 咁點解仲做? 賺咗數期 cashflow 囉。 先收錢，後找數，銀行借貸又可以多條line，生意唔賺，賺 cashflow，買物業長揸自用就賺錢啦。好多舖王都係咁誔生。

(3) 服務業。成本分析大致就係1，4，3，2。 1成入貨成本，4成人工，3成租金，2成就梗係利潤啦。 始終老闆都算係專業人士，落手落腳，都要出糧。

一般嚟講，因為服務業無乜貨物成本， 洗件衫洗衣粉值幾錢? 剪個頭，洗頭水都唔值錢。補習社，教材可以重用/複印，因此佢哋按營業額嘅承租能力係最高，尤其是係無人嘅商店，係如自助洗衣店咁，租金佔營業額高達五六成都仲有錢賺。

但唔好以為佢哋好交得起租喎，因為服務業一般營業額都係較低，佔地方又要大，依靠人手/手勢，請人又難，又無得外賣，整體嚟講喺舖市嘅承租能力係最弱。 做舖嘅業主，通常首選係租俾零售業，次選係飲食業，冇人租啦先租俾服務業。車房，五金回收，老人院就係呢啲。 人哋零售業分分鐘能夠交得起每月每呎幾百蚊租金，飲食都可以過百，但好多服務業，只能夠交到每月每呎幾十蚊或以下嘅租值。髮廊，美容院，補習社，洗衣店， 僱傭公司都係服務業。 呢啲行業，最旺最貴嘅街道通常都睇唔到。

Except 地產代理同依家時興嘅夾公仔機。地產代理因為單價高， 發展商又唔想成個商場係代理行， 影響人流同形象，代理焗住要係街舖霸位霸地頭。好似美聯咁，人工/拆佣已似去咗營業額一半，仲要扣回贈佣金俾客，廣告，總部人工開支一大堆，租金只能佔營業額1成半左右，再多? 就無錢賺啦。

夾公仔機，都算提供娛樂服務 。你要分佢係行台主制定自營店喎。如果佢係用台主分租嘅模式，間舖租金當十萬，擺五十台機，每部收租8千，當租出一半，即係收台主租金每月廿萬就開始有錢賺啦。 即係夾公仔機行台主制的話， 租金佔營業額(即係分租嘅收入)一半都仲頂得順。

但如果係自營店嘅， 因為佢哋公仔被人客夾到都係成本，咁就三成去咗公仔成本， 三成去咗其他燈油火蠟人工廣告洗費，1成要賺錢，只係剩返三成係頂住條租啦。所以台主店就5成，自營店就3成。

總結，舖頭做生意離不開都係貨物成本，人工，租金，同最緊要賺錢。飲食業嘅比例就係4321，零售業就係4231，服務業就係1432。 記住零售業通常生意額最大，有本事就賣鐘錶珠寶，好景時，賣一粒石，分分鐘就夠交成年租金。飲食排第二， 食極有個譜，服務業就最細， 洗個頭你唔會日日洗，或者放低個頭俾洗。 由於同等呎數轉數最慢， 承租能力都係最弱。

當然以上各行各業，肺炎疫情會改變曬所有數字。 連生意都冇得做，有啲門口都唔俾開，仲邊有錢交租吖。

困難嘅日子總會過，大家撐住，加油!

。。。。。。。。。。。

想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

零晨12點幾呢，吉隆坡好似度度都差唔多收晒喇。不過好多人呢就話街邊好多美食嘅 （望下路先），我呢就真係要去搵吓邊度有呢啲美食，跟住我嚟呀！

夜闌人靜嘅時候，又真係點解呢頭都仲有咁多車來往呢？原來呢度係吉隆坡市中心附近其中一個熱門嘅宵夜點，唔只住附近，有啲人仲揸車嚟食餐宵夜㗎！
呢檔好似好多人，雲吞麵呀，好喇！就佢啦！

老細聽完就馬上行動，即叫即煮。睇埋有乜嘢飲先...... 就要杯海底椰啦嘩哥哥仔你都好熱情喎！睇翻老細呢邊個麵先...... 三兩下手勢，老細拋幾下個麵，再放入凍水過冷河，又再放翻入去滾水淥多陣，拋多兩拋，飛走多餘嘅水就上得碟...

放落個碗加入豉油調味，上碟，再放入叉燒、兩條菜同埋啲配料，喂喂，唔好阻住我影啦...... 搞掂！幫我送埋過嚟呀唔該⋯⋯個雲吞呢？。哈哈原來雲吞係放湯上嘅，後補.......

好喇，終於開始食喇，睇到佢煮已經覺得非常好食，其實我聞到都好香，不過同香港啲雲吞麵真係有少少唔同，呢度嘅撈麵其實就係叉燒撈麵，再加甜豉油，跟住再俾多碗有3隻嘅雲吞放湯，最緊就係呢樣嘢，超辣嘅辣椒豉油。試下先⋯真係好正⋯⋯滋味⋯⋯不過夜晚食咁大碟麵呢，我真係驚一陣間瞓唔着。

我試埋個辣椒先！ 真係好辣

呢個雲吞呢唔算好大隻，不過呢要食落口先知道佢好唔好食。

我呢碟個 Size 就叫大碟，咁就賣11蚊，呀！唔係喎，10蚊，因為我呢個涼水要個半，咁但係呢，我上次食細碟呢，其實係賣 6 蚊馬幣，即係約11蚊港紙，呢一碟就廿蚊港紙，抵到爛！

好可惜呀，胃就得一個，好快就飲飽食醉喇。街邊檔仔食嘢的確好有風味，不過你又真係要抵得住先得，話晒都係露天同埋馬路邊......

要嚟呢頭，你可以 用 Grab 呢類租車App，去 Scott Garden 落車就會見到。Scott Garden距離市中心唔遠，由吉隆坡中央車站 KL Sentral 出發為例，都係10分鐘車程，大約馬幣8-10蚊左右。記住，過咗12點半，啲檔仔就會睇情況閂門㗎！

呢度仲有好多其他嘢食嘅，之後再同大家介紹

影片概括：
第7日嘅行程我哋朝早由富士揸車返銀座，去咗一間叫鮨正（唔係香港果間鮨政！）嘅壽司店食咗個lunch，環境好舒服，服務一流，食物亦都好新鮮，每一件嘅壽司都係係你面前握出黎，心機之作。

之後去咗行Tokyu Hands，行街shopping 唔特別多講喇，不過地方好大，好多嘢買嘅。

然後Check In 一間叫 Price Hotel Tokyu 嘅酒店，房間可以望到東京鐵塔，作為一間5升級嘅酒店，我覺得唔算真係太貴，係東京來講，有佢本身嘅價錢。

宵夜去咗慶應仲通商店街食拉麵，嗰度有好多種類型嘅食物，酒吧等等，梗有一間啱你食。

今集都係無字幕，唔好意思，如果真係有需要，之後有時間會加返。
先多謝收看！

鮨正:
地址 邮政编码104-0061 东京都中央区银座5-14-5光泽堂GINZA大厦地下1层
电话号码 03-3541-5882
营业时间 (午餐)11:30至14:30※最终点单时间 14:00
(晚餐)17:00至22:30※最终点单时间 22:00
休息日 年末年初
http://www.ginza-sushimasa.com/

Tokyu Hands:
地址 東京都中央區銀座2-2-14　MARRONNIER GATE 5～9F
電話號碼 +81)03-3538-0109
營業時間 11:00～21:00

三田一力堂:
地址 〒105-0014 東京都港区芝5-22-6電気防災ビル1F
http://www.ichiriki-do.jp/

Prince Hotel Tokyu:
〒105-8560 東京都港区芝公園3-3-1
https://www.princehotels.co.jp/tokyo/