🎆🍾大大大大喜慶功宴🍾🎆
😆巧巧巧開心呀！大夫順利過關🎉🎉最最最緊要係唔洗再日溫夜溫書📖，假日可以陪我同Natnat四圍去玩👯！
早在2個月前，我已經訂好自助餐好好慶祝一番🎊！呢間自助餐一直一直想試，只係要1、2個月前預約，好難就時間，難得今次全員出動，早早book好枱一家人去慶祝🍾！
一去到就聞到榴槤香，The Market at Hotel ICON出名榴槤甜品！自助餐食物種類頗多，而且質素不錯～
✨前菜：
🧀芝士有5、6款，沙美腸、煙三文魚和風乾火腿都有，款色很多
🥗自助沙律吧唔少得，仲有鴨胸沙律、烤雜菜沙律等等，一定有啱心水嘅！
🍄令人驚喜的係黑松露蟹肉多士配魚籽醬
🌊冷盤刺身：
🐡刺身有三文魚、吞拿魚、赤蝦、帶子等，好新鮮～尤其是北海道帶子大大粒，好厚肉～
🍣壽司有花心思，款色如火灸壽司、芝士火灸、卷物等
🦀冷盤海鮮長腳蟹、龍蝦、青口等好豐盛，而且不停refill，全部都啖啖肉，蟹腳又粗又有海水味
🔥熱盤：
🍖主菜有香煎牛仔骨、羊扒、肉眼扒、紅燒乳鴿、海南雞飯、煎鵝肝、泰式豬頸肉、印度咖喱等等，肉眼扒生熟程度剛好，唔靭牛味濃😋鵝肝大大件，encore咗幾次
🥘海鮮熱盤有葡汁焗海螺、泰式蝦炒粉絲、蘑菇寬條麵、胡椒炒辣蟹、味噌煎三文魚、泰式煎魚餅、清蒸海斑等等，每樣都好正
🍕其他嘅仲有薄餅、燉中式湯、西式海鮮濃湯(👈🏻好正好濃好好味)、喇沙(👈🏻好香，但可以更辣)、蟹粥等等
🎂到重頭戲甜品～
🍰榴槤系列有榴槤芝士蛋糕、榴槤咖啡卷、班蘭榴槤千層蛋糕、香脆貓山皇榴槤、榴槤撻、榴槤糯米滋，仲有貓山王雪糕，不過奶奶覺得雪糕唔夠香，甜品就老爺食唔停口😆
🍮榴槤甜品唔係你杯茶，都有荔枝啫喱、綠茶奶凍、士多啤梨撻、黑森林蛋糕、茉莉花茶朱古力蛋糕、綠茶朱古力蛋糕等，大部份甜品都唔太甜膩，好好味！
🍦雪糕係Movenpick，有5款選擇，有我喜歡的Maple Walnut😋，如果有埋Stracciatella碎朱古力會更好🍫
總括，呢次自助餐水準算高，沒有什麼伏位菜式，而且不停refill食物，遲嚟都唔怕冇嘢食，有梳發位好鬆動環境舒服，服務態度好好，如果可以收碟更勤快會更好😄！
#CP值頗高自助餐
#推薦給各位榴槤粉絲
