《無異之地》惡夢島（二）
跟住嘅發展可以話係既簡單又直接。我先車阿杏上飛鵝山睇夜景，逗留咗一個鐘左右就回程返去佢住嘅酒店。
「我房裡面有枝開咗嘅紅酒，二哥你一陣記住幫手飲埋佢。」搵位泊好車之後，阿杏用輕鬆嘅語氣講：「貴嘢嚟㗎，費時晒咗。」
換轉係以前，我肯定諗都唔洗諗就答「冇問題」，但今次我猶豫了。
「但妳真係冇嘢？」我試探性咁問：「我仲好記得妳上次係點同我講再見……」
簡單嚟講，上次見面我哋因為某件事出現意見分歧，最後搞到不歡而散。而阿杏唔係普通嘅女人，所以走之前嗰聲「再見」當然係好唔普通……搞到我被困喺一個精神結界裡面，因為冇得「出千」，所以足足搞咗三日三夜先離開到。
你明喇？所以上次喺尾東樓門口我先會同阿聰講我同阿杏之間有啲問題。
＝＝＝＝＝＝＝＝＝
《惡夢島》連載中：
https://www.facebook.com/pg/Echo.of.Heart/photos/?tab=album&album_id=1861298627335278
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售！
＝＝＝＝＝＝＝＝＝
「二哥，都成年前嘅事啦。」阿杏輕笑一聲，「我哋電話又傾過、酒又飲過、夜景又睇埋、車又坐你隔離……唔係覺得我仲耿耿於懷嘛？」
「咁女人心不嬲係呢個世界最詭異嘅嘢嚟。」
「我雖然係姓仇啫，唔代表我鍾意記仇。」下一刻，黑煞行到嚟車外面幫佢打開車門，「行喇，小氣鬼。」
因為工作關係需要遊走世界各地、加上家庭因素，所以阿杏喺香港並冇一個長住嘅地方。而作為行業內有名嘅結界師，佢當然唔會隨便揀間平價酒店嚟住……至於呢間，我諗住三晚應該就夠我交一個月租。
「你哋等下一部𨋢。」阿杏入𨋢拍完樓層卡之後同「黑白雙煞」講，佢哋當然聽從指令留喺外面。
「佢哋係同妳住一間房？」等到𨋢門閂埋之後，我好奇咁問。
順帶一提，頭先嗰兩程我都係揸阿杏嘅車，而佢哋就揸我架小型貨車一直跟喺後面。好彩成個過程有保持一段距離，唔係肯定連僅餘嘅氣氛都破壞埋。
「唔好講笑喇，二哥。話晒人哋都係淑女嚟，點會同兩個外國男人住同一間房？」阿杏微笑咁講，我聽到淑女兩個字不禁嗤之以鼻。「佢哋住我對面，開多間房少少錢根本唔係咩問題。」
「妳個少少對我嚟講已經係心痛嘅數字。」
「咁都係因為二哥你有堅持啫，唔係你一定可以得到更多。」
走出𨋢後，我哋沿住一條長走廊去到阿杏嘅房門前。呢段路我哋冇講到嘢，但感覺並唔尷尬。因為我哋好清楚彼此內心都係諗緊同一樣嘢……
推開房門，映入眼簾係一塊可以望到海景嘅落地玻璃窗，窗邊仲有張迷你吧台。而左手邊就有張king size嘅雙人床……
「咁我哋繼續囉？」阿杏等我行入幾步之後就輕輕閂埋門。
去到呢刻，如果我仲問「枝酒喺邊？」「繼續啲咩？」咁就實在太過唔識趣。因為從一開始，我哋就係「醉翁之意不在酒」。
就喺背後傳嚟「咔嚓」關門聲嘅一瞬間，我一手用力將阿杏抱入懷裡，下一秒就已經撞上佢嘅紅唇。我可以聞到一陣淡淡嘅芳香，溫柔咁沖散鼻腔裡面嘅煙味。
接著，兩舌順理成章咁互相交纏，由甜蜜嘅開場，漸趨激烈，彷彿喺口腔裡面進行一場深場探戈……短短幾秒間，足夠我哋重新搵到彼此嘅共識。
良久，兩舌不捨咁分開後，阿杏先貪婪咁吸允我嘅嘴唇，再用迷離嘅眼神望住我講：「你知唔知一般人根本忍唔到咁耐？」
「證明我哋仲未夠班……需要繼續努力。」說罷，我即刻用力抱起阿杏。
「吖！」佢驚叫一聲，反應過嚟即刻用雙手攬緊我後頸、雙腿夾住我條腰，再借勢再次吻過嚟。我哋就係維持住呢個動作，一直等我將佢送上床為止。
呢一刻，佢瞓喺下方，毫無防範，而我就係上方俯身對住佢。
「如果你問我香港有冇嘢值得掛住，我會答係二哥你嘅鬚根。」佢邊講邊解開我嘅恤衫鈕扣。
「咁呢個地方都真係幾悲哀。」
而我都不敢妥慢，右手由佢臉頰慢慢滑落鎖骨、再由側胸遊走到腰間，最後伸入衫腳裡面。指尖碰上蠻腰一刻，佢全身就好似觸電一樣微微輕顫。
「就算幾悲哀，至少都可以搵到個地方……可以俾我哋暫時做個正常人。」阿杏停低解扭扣嘅動作、合埋雙眼、因為我放肆嘅攻勢而發出嬌吟，「嗯……」
終於，我再按捺不住，先脫去佢上身嘅露肩針織衫，繼而到下身嘅鉛筆褲，黑色T-back令到佢嘅私密地帶顯得若隱若現。
「阿杏，只有呢個地方……我先可以唔使收收埋埋。」
「咁你呢刻有咩想同我講？」
我先吻向佢已經泛起紅暈嘅鎖骨，最後臉貼臉咁同佢講：「今晚，我要妳完完全全屬於我。」
「答案正確。」佢先嫣然一笑，用指甲喺我胸膛輕輕劃咗一個心形圖案，再用令人足以銷魂嘅聲線講：「越強硬越好。」
之後，理所當然就係兒童不宜嘅情節。嗱，我當然好想寫埋出嚟，無奈篇幅有限。而且今次嘅故事叫做「惡夢島」，唔係「避孕套」。所以過程就大家只行想像……
只可以講，阿杏嘅騎功確實有一手。而且該凸嘅凸、該圓嘅圓、該翹嘅翹、加上模特兒一樣嘅身高，毫無疑問係絕大部份男性最鍾意嘅身材。如果我咁都有微言，大概行出街就會即刻俾雷劈中。
講得太直接？話咗喺呢個地方我係唔會收收埋埋。
覆雨翻雲咗大約一個半鐘後，我同阿杏都攰到躺喺床上面，全身都係汗、以及吻痕抓痕。
「呢度係咪可以食煙？」我問。其實由喺酒吧見到阿杏之後就一直冇食過，呢刻當然好想食枝事後煙。
「嗯……」阿杏發出滿足嘅喘息聲、胸膛仍然誘人咁上下起伏。佢見我拎出煙同打火機之後問：「咦，你換咗打火機？我記得你之前係用師父個部……」
「上次喺尾東樓我借咗畀阿聰之後就報銷咗。」
「估唔到你會捨得咁做……睇嚟『嗰個人』對你真係好重要。」阿杏若有所思咁講。
「佢係我暫時唯一可以見到嘅路。」我點著枝煙吸咗一口之後講：「唔好講啲掃興嘢啦，又話要做一般人？」
「既然係咁……」阿杏向我單一單眼，「一於到紅酒時間。」
我哋一直飲到差唔多天光先瞓教，當然過程中又忍唔住再「戰」一次。
唔知瞓咗幾耐後，我俾簾篷透入嚟嘅太陽光整醒咗。我轉身望向旁邊，原來阿杏一早就醒咗，一直側側頭望住我。
「早晨。」阿杏甜蜜一笑。
「而家幾點？」我抹一抹雙眼。
「差唔多十點，但你可以再瞓多陣……因為十一點先要交房。」
「唔使喇，」我慢慢撐起身，「我平日都係瞓得幾個鐘。」
「二哥，我頭先發咗場夢。」阿杏仰望向天花板，「望見返我哋第一次見面時嘅情況。」
「哦，嗰架旅遊巴。」我乾笑一聲，「唔知個四兄妹而家生活成點。」
「佢哋咁聰明，就算冇咗老豆都一定可以過得好好……何況大哥都應該差唔多廿五歲喇。」
「其實有妳嗰筆錢，佢哋都至少撐到十年喇。」
「嘻嘻。」阿杏伸手去拎床邊椅子上面嘅內衣，先喺被窩裡面著返件T-back，再落床背對住我著返件胸圍，斜光令到佢嘅肌膚光滑同陰影位置對比更加鮮明。明明係簡單嘅動作，卻好似一幅名畫令我著迷，「自從嗰次之後，我哋嘅關係就一直維持到而家。」
「嗯……」
雖然我同阿杏可以話係呢個世界上最了解彼此嘅人，但我哋並唔係戀人……而原因，正正係因為太過了解對方，清楚我哋「理念」上嘅差異，勉強一齊只會帶嚟最壞嘅結果。
所以，最後我哋選擇咗一個最好嘅距離──每次有緣撞見，就會好似今晚咁樣。無憂無慮、順從欲望，彷彿一對普普通通嘅情侶……呢個就係我哋嘅共識。
因為機會唔多，一年可能只係一兩次，所以我哋都好珍惜呢段時光。而由唔知幾時開始，呢個百呎嘅房間……就成為我哋嘅「無異之地」。
「妳幾點機離開香港？」我問。
「其實我都未訂機票……可能到機場就隨便揀個地方去。」阿杏轉身一臉感觸咁望住我，「二哥……好多謝你。」
我正想問佢多謝啲咩，但突然一聲響亮嘅「嘭」──一發高速子彈先射爆落地玻璃，再打中阿杏身後，準確無誤咁穿過佢左邊心臟位置，最後打中房間嘅牆壁上面。
因為一切嚟得太突然，所以阿杏只係嚇得睜大雙眼，先低頭望咗眼傷口，然後全身無力咁瞓低。
「阿杏！？」我趕及喺佢瞓低之前抱住佢，再將佢安放喺床上面。
雖然驟眼睇流血唔多，但呢個中槍位置絕對有性命危險，趕去醫院就太遲了，一定要即場醫治。
就喺我準備幫佢止血一刻，房間大門忽然俾人踢開──係黑白雙煞，白煞一走到嚟就用英文同我講：「等我來救她，你去找兇手。」而黑煞就行近窗邊製造一堵隱影牆壁，以防再一次被攻擊。
雖然都係有啲唔放心，但我最後都係走到牆邊彈孔嘅位置。
明明阿杏有喺酒店房周圍設置防禦結界，加上呢間房係望住維港。呢個距離基本上係冇可能射到過嚟。除非……
我抽出子彈望咗眼，隨即感到非常不妙。呢發並唔係普通嘅子彈，而係「奪魂彈」──中彈者就算唔死，靈魂都會被鎖喺開槍者嘅槍裡面。
據我所知，識得用「奪魂彈」，又可以喺對面岸開槍射到過嚟嘅神槍手，呢個世界應該只有四個，而香港就只有一個。
我再檢查清楚粒子彈，最後見到彈殼上面刻上咗「ROOF」呢個字。
「天台。」我轉頭望向阿杏。雖然止咗血，但佢依然係昏迷當中。
睇嚟對方嘅目的好簡單……要救阿杏嘅話，就只可以上去會一會佢。
（待續）
今集反應好嘅話，下次有機會再寫詳盡啲 🤣
睇完又鍾意呢個故事嘅朋友，不妨分享出去同埋留句 #留言派嬲 ，下集暫定星期一或二。
＝＝＝＝＝＝＝＝＝＝＝＝＝＝＝＝＝＝＝
【非呃嬲植入式廣告時間】《無異之初》《時間守衡者》《絕命上映》《絕望走廊》《絕無轉機》《無限次告白》《醉後的藍》已經登錄各大書局。
IG: echoofheart
掃興 鬼 英文 在 LiveABC互動英語, profile picture - Facebook 的美食出口停車場
2020年6月24日 — 生活英語｜你知道「掃興鬼」英文怎麼說呢？ 中文常會用「⋯⋯鬼」來形容擁有某種負面特質的人， 例如：小氣鬼 ... ... <看更多>