【請關心身邊人情緒健康】
#長文慎入
#非專業文章純粹分享
呢個Post想抽離少少電影，講吓一啲認真少少議題：情緒健康。
估唔到之前寫個post講近況，會得到咁大迴響（唔知咩事睇呢度：https://bit.ly/3fKi9Ay ），其實我純粹表達下近期嘅無奈，點知好多讀者朋友搵我呻，話佢都有共鳴、都係過來人。估唔到係有一位好耐之前曾經諗過自殺，最終竟然因為我嘅文章，救咗佢一命。詳情係人哋私隱，喺度就唔分享，反而想藉此分享一下，適時要關心身邊人情緒健康，都要識得點去關心。
睇得多小弟嘅文章，都知道我唔係啲樂觀正面L，而本人都極憎睇啲無論萬事萬物明知係唔好、分明自己唔開心，都夾硬死都拗返生嘅文，可能有人buy，但睇得多呢啲洗腦正面L，我直頭會unlike。成日話，人生不如意事並唔係十常八九，而係十之八九，既然本身係唔開心、係有負能量，但係都唔講得唔分享得，咁個人咪好累？
喺同我傾嘅讀者朋友入面，有個共通點都係，喺情緒嚟到、最唔開心果陣，身邊朋友一腳踩落嚟，無比灰機。我好明白呢樣嘢，當你低潮到陷入抑鬱果陣，有人陪伴係最重要。易地而處，身邊朋友要搵人陪搵人呻，我都唔介意做個聆聽者。其實，好多時對方唔係你要俾咩意見，佢自己都知道你冇可能幫得到佢，純粹就係要有個人俾佢呻。你唔駛俾咩反應，簡單同佢敲敲酒杯，講句「飲啦，我陪你」已經好足夠。
喺呢個時候，最忌講：
「諗咁多做咩丫？過幾日就冇事啦」
「其實我都唔知你咁sad做乜，俾著係我就點點點」
「加油呀，明天一定會更好架！」
「你呀成日放負，影響埋身邊人又有乜謂？」
「係你先會咁諗嘅姐，我都唔明你咁諗嚟為乜」
「呢啲嘢係你先會遇到嘅姐，我從冇諗過會發生」
「與其你咁得閒胡思亂想，不如搵嘢學吓做吓啦」
「做咩姐家陣，講兩句你又喊？我又踩中你邊條筋呀？」
「你講完未？我聽日要返工呀」
可能你係無心，但對對方嚟講會傷害更深，又或者講，有啲人真係一生一帆風順，從未經歷過咩人生低谷，對方可能就係見你咁樣，好似好好咁喎，就搵你呻吓，點知你唔知挖苦定係抬高自己嘅說話、離地萬丈，只會令人更難堪。當人到絕處果陣，佢搵得你，好大程度信得過你，請唔好講呢啲說話（廢話）去hea人打沉人。
對待唔開心、抑鬱嘅人，你離開果一刻可能會有少少尷尬，但即使你個心唔係咁諗，臨別時好簡單講一句「有咩隨時搵我啦」，對對方嚟講，點都好聽過「我聽日要返工呀，下次再講啦」
由於我嘅人生太黑仔太不堪，身邊好多朋友都成日話「幾黑仔都唔及Jacky啦」「你有冇Jacky咁霉先」「你有幾慘呀，慘唔慘得過Jacky先」「不堪唔過你已經好好啦」「有時諗到你人生咁絕望，我又覺得自己唔係太差」，有時我唔知係講笑定講真，以前聽到我會嬲，但人大咗又覺得冇乜嘢，當我衰到一個地步已經唔覺得有咩問題時，可以做到人哋「低處未算低」嘅「榜樣」，甚至係身邊人情感寄託，某程度上都係一件美事。
果位讀者表示，佢當年最低潮果陣，身邊朋友都俾唔到力量佢，係睇完我啲文，先知道世界一樣有人係咁黑咁絕望，而由我分享嘅故事都知道，唔止佢同我，呢個世界好多人都有一樣經歷，然後諗諗吓就通咗，走到出嚟。
曾有讀者話我樂觀又有阿Q精神，識得自嘲搞笑，其實我唔係，我要悲觀，可以比你見到嘅文字悲百倍，但與其成日諗自己要點樣成功，不如認定自己就係一個唔會成功嘅人；喺社會框架「你永遠都唔會成功」嘅同時，可能你自己「成功」嘅定義又有所唔同，都唔謂太過鑽牛角尖。
我唔知我自己情緒幾時會到，touchwood呢樣嘢話唔埋，但最少依一刻我喺「唔成功」嘅框架下，唔可以話活得開心，一樣會累、一樣前路茫茫，最少活得自在。
雖然小弟作為電影Blogger，唔係專業治療師或心理醫生，但都係半個過來人，如果你真係人到絕處想搵人呻下、搵個樹窿嘅，我未必幫得到你，但都可以作為聆聽者嘅。
再次講句，如果你身邊真係有人唔開心、有抑鬱，好多時你嘅陪伴同行，堅可以救人一命，當然，同時間你嘅一句說話，都可以狠狠咁傷到對方，有啲笑唔可以亂講、有啲說話都無謂太真心。總之，無論如何，好好關心身邊人嘅情緒健康啦，今時今日香港地，無謂再強顏歡笑，對身邊人都無謂只係風花雪月、吃喝玩樂，適時見人唔多妥，就關心下啦。
最後，希望果位讀者朋友早日走出陰霾，都多謝你信我、同我講咗咁多，共勉之。
‼️電影網店全新貨品已上架，低至$5起，快啲嚟搶購啦：https://bit.ly/3qLPkpk
【Patreon加強版】尊享優惠、更多深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
【MeWe請Follow】mewe.com/p/travelerwithmovie
【IG請follow】www.instagram.com/travelerwithmovie
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
挖苦挖苦顏文字 在 看板KanColle - [閒聊] 10月下旬閒聊 - 批踢踢實業坊 的美食出口停車場
因為是10月
所以就甘古特吧
本月代表
https://pbs.twimg.com/media/Ffllg_PVEAANRom.png
https://twitter.com/hizaka12/media
動畫快播了 倒數10天
--
※ 發信站: 批踢踢實業坊(ptt.cc), 來自: 111.241.155.242 (臺灣)
※ 文章網址: https://www.ptt.cc/bbs/KanColle/M.1666353541.A.D78.html
... <看更多>