關於 折騰廣東話 ，我們在網路上蒐集到這些相關的討論、資訊與評價

#LetThemHeal 2021不遊日宣言

一想起疫情過後，香港人蜂擁去日本旅行，胸口一陣納悶，不吐不快。若您有計劃明年去日本旅行，希望您先閱本文，再作決定。

全球對抗疫情近一年，身心疲憊，港日人民也不例外。日本的朋友大概跟我們一樣，需要療傷，期待virus-free的無憂日子很久了。搭新幹線回家鄉跟親人聚聚，或浸浸溫泉；又或一家大小，齊齊整整「食番餐好嘅」，好好跟愛的人說一句:「大丈夫，沒事了，沒事了。」

己所不欲，勿施於人；餐廳給我們訂滿了，地下鐵充斥著廣東話，溫泉裡泡的都是香港人。暑假還要接待以百萬計，看奧運賽事的遊客，我想，明年還是先不要打攪日本人幽婉寧靜，鍾愛平和的生活。

日本人對「別給他人製造困擾」有種可愛的執着。作為香港人，相信明年是具體體現這種美德，向日本人表示「我懂的」的最佳時刻。要入鄉隨俗，先不入鄉就對了。

「初春の令月にして、気淑く風和ぎ」(初春令月，氣淑風和)。「令和」意味嚴寒過後春梅綻放。但元年頭兩年，看來還是讓人討厭的寒冬。2019京都縱火案，2020武漢肺炎，加上幾位影星殞落，年號改了，日本人運數卻未變，折騰了兩年。

長期無法放鬆身心的繃緊情緒，相信香港人再懂不過吧。

每年「回鄉」的我現謹鄭重承諾，2021年暫不會去日本旅遊。

可惡...還是好想好想去走走。我不清高，我也喜歡「食玩買」。嗯...2022年吧。朋友啊，您們先好好應付令人頭痛的，看來非辦不可的運動會，之後請您們放鬆心情，跟愛的人好好過冬，過年吧。明年來打擾您們的人，至少，會少我一個。

鬼哥希望您分享本文，響應 #LetThemHeal 暫不遊日，港客減得一個得一個，「令」彼岸的朋友，有喘息「和」緩的寶貴時刻。

#LetThemHeal #癒す #日本 #香港人 #日本を癒す #旅遊 #Japan #Travel #covid19 #武漢肺炎 #武肺 #令和 #東京 #Tokyo

又返完個地獄PA 更。

因為變咗dirty ward，
所以無論外科內科腫瘤科你講得出嘅科嘅case都會送上嚟，
我其實都知成件事好overwhelming，包括我本人都仲係好overwhelmed。但係作為一個護士，都要頂硬上㗎啦屌。

話說前日pm收咗個淨返半條命嘅中年女子，
見到佢個樣我已經心知不妙，
不過都唔夠拍著個得把口唔落手嘅同事不妙。

首先，呢個女子一出現就係一個屎撈人嘅狀態，成身上上下下都鋪住層薄屎（仲要係已經乾咗，似係鋪咗一段時間），但係佢又ill到我唔敢帶佢去沖涼，所以只可以不停抹抹抹，抹到肉眼睇唔到就算。

跟手佢又亂糟糟，睇少眼已經抆咗氧氣。佢又要輸血又要輸血小板又要落抗生素又要落8包 electrolytes。 總之對住佢絕對就係要1:1 care，不過我個ward無呢樣嘢🤷🏿‍♀️

之後有醫生嚟睇佢，我問佢點解呢個case會送上嚟general ward ，不如搵ICU consult啦。 點知佢一口拒絕咗，話試吓穩唔穩定到先。

終於捱到放工，留意返全程呢個case都係我睇，我個partner 仿佛當呢個病人無存在過。

到第二朝再返工，呢個病人已經由識講嘢變到唔識講嘢，識開眼變到唔識開眼，對手凍到冰咁樣，個人又越嚟越restless。最嬲係overnight已經轉差又無人搞，淨係開多咗三款抗生素就算🙄 我成肚怒火咁開更，又係繼續做做做，不停開藥落藥。最後朝早醫生嚟到終於肯搵ICU睇，但係ICU睇完都未話confirm 收佢。

放完個break ，又嚟料，又要輸血啦OMG。喺我折騰緊要去拎血嘅時候，in charge 話有人嚟接佢去ICU啦😍😍 去到床邊發現係我識得嘅香港friend 嚟接佢，我見到佢嗰刻，我真係勁想攬住佢😭😭😭 我一路交更一路用廣東話呻自己有幾慘😂Anyway你哋知唔知我心情幾激動呀！一嚟我唔駛再咁擔心佢會死喺我手，二嚟佢終於得到應有嘅care，三嚟仲要係friend嚟take over，我可以一路交更一路屌。

放工嗰刻我真係勁開心，what a relief!!!!!

*雖然我拍著個唔給力嘅partner，但係有好多同事拍硬檔嚟幫我，係感動嘅❤️呢兩更令我有返咗香港做嘢嘅感覺：係忙但係總會有好同事出手settle。

I am blessed and I know it.☺️☺️☺️

我阿爸係凶手（上）
　　
阿爸。

自從佢移民後，呢個稱呼已經離我好遙遠。

呢一次，再收到佢嘅消息，就係佢嘅死訊。

我唔算太意外，畢竟人終需一死，佢都年過九十，算係壽終正寢。
　　

我飛去阿爸所在嘅城市，處理佢嘅後事，收拾佢嘅遺物。

突然間，我發現咗一張女人嘅相，相中嘅女人微微瞇住眼，有一種既冷漠又魅惑嘅矛盾。

阿爸生性風流，結過五次婚，女友更加係多不勝數，有幾多張女人相都唔出奇。

但我心裡有一種怪異嘅感覺，忍唔住拎起張相再睇，女人戴住一個別緻嘅頭飾。
　　

我忽然諗起一個人，上網搜索佢嘅名，果然……相中嘅女人，係莫麗。

莫麗，曾經係一個靚女，出身貧寒嘅佢，希望憑自己嘅美貌，獲得名氣，獲得更好嘅生活。

佢成日喺電影城，希望被星探發掘，或者係運氣唔好，或者係佢根本無咁靚，
總之佢無被發掘，反而為咗生活，開始周旋於唔同嘅男人之間。

折騰咗一年，莫麗失望啦，佢唔再幻想成名，佢決定返鄉下過平靜嘅生活。

一個星期後，莫麗一夕成名－以最可怕、最殘酷嘅姿態。
　　

一具女屍喺草叢被發現，屍體攔腰折斷，全身多數受傷，子宮消失。

最詭異嘅係，佢嘴角被割開，直到耳仔邊，似一個大笑的小醜。

經過驗屍，證實屍體屬於莫麗，更證實佢死前被折磨超過40個鐘，不過無受到性侵犯。

佢嘅身體，好可能係活著嘅時候被斬斷。
　　

囂張嘅凶手，寫咗封信寄去警局，更附上莫麗嘅隨身物品。

但哪怕有咁多資料，依然捉唔到凶手。

狡猾嘅凶手，看似提供咗好多線索，其實隱藏晒所有關於自己嘅證據。

而且，呢單案發生喺四十年前，當年嘅鑒證科技亦無咁發達。
　　

呢宗懸案，亦被稱為呢個城市最駭人聽聞嘅慘案，不時被人提及。

我當年亦係報紙上睇過佢嘅相，仲同朋友討論過，凶手係咩人。

我哋都無諗出咩專業嘢，來來去去都係嗰幾個推斷。

一，報紙話凶手切割屍體嘅手法好專業，對人體器官好了解，凶手可能係醫生，或者受過相關訓練。

二，凶手唔圖財唔圖色，亦無其他類似嘅案件，唔似連環殺手，好可能係針對莫麗嘅情殺案。
　　

呢啲推斷人人都識講，當年查案嗰陣，已經儘量查晒同莫麗有關係嘅男人，都無搵到咩線索。

但呢一刻，我昇起一個古怪嘅念頭。

我仔細翻查阿爸嘅遺物，佢唔係一個鍾意收藏留念嘅人，連自己嘅相都無幾多張，居然特登收藏咗一張莫麗嘅相。

加上阿爸生性風流，我唔信，佢同莫麗毫無關係。
　　

本來，「有關係」同「係凶手」，係兩樣嘢嚟嘅，但我朝呢個方向諗落去，細思極恐。

阿爸退休前，係一個外科醫生，佢有切割屍體嘅專業知識。

而且，凶案發生後無幾耐，阿爸就移咗民，佢嘅移民都係莫名其妙，會唔會係為咗逃避追查？

再諗番阿爸嘅性格，佢佔有慾好強，佢同阿媽一齊嗰陣，阿媽同男人講多句嘢，佢返屋企都會鬧阿媽一餐。

雖然佢風流，但佢只會背叛人，唔容許人哋先背叛佢。
　　

我愈諗愈覺得阿爸似凶手，嗰晚我完全瞓唔著，一合埋眼，就會諗起莫麗個樣。

我開始查呢單案，我嘅證據都係猜測居多，我需要更實質嘅證據。

我發現，案發後，阿爸曾經去過錄口供，原來佢都係莫麗嘅入幕之賓之一，佢份口供當然無咩特別。

我搵咗好多朋友幫手，駛咗好多錢，搵到當年凶手寄去警局嘅信，請埋筆跡專家比對。

結果，阿爸嘅筆跡，同凶手嘅信，有超過80%嘅相似。
　　

種種證據，加埋我對阿爸嘅了解，我相信，阿爸就係凶手。

我甚至想像到阿爸嘅心路歷程，佢愛上莫麗，但莫麗無被佢迷倒，反而繼續同其他男人周旋。

阿爸本來就妒火中燒，呢個時候，莫麗居然準備返鄉下，離佢而去。

本住「我得唔到，都唔可以畀其他人得到」嘅心態，阿爸約咗莫麗出嚟，將佢虐殺。
　　
下集：https://bit.ly/2BP4q9Z
　　
將專頁設定為「搶先看」/ "See first"，最新故仔馬上睇！
　　
做兵不如養隻狗：https://goo.gl/PsWkRJ
阿媽失蹤後：http://bit.do/fiarL
　　
#短故 #短篇 #小說 #陳美濤 #廣東話 #粵語 #tomatochan #我阿爸係凶手