馬天娜 #性事傳紙仔
加里·查普曼（Gary Chapman）推出左一套叫做「愛的語言」嘅框架，當中有五大類型，可以比大家參考吓，研究出一套最適合你哋互動嘅前戲模式。
📢肯定說話 （Words of Affirmation）
呢類朋友喜歡直接打字或者將讚賞嘅說話講出嚟。既然而家有咁多通訊軟件，相信難唔到大家啦。對於呢類人黎講，基本上隨時都可以開始turn on前戲。你可以試吓一步步send message，形容你點喜歡佢嘅打扮，從基本一級「你有幾喜歡佢的香水味」、二級「你眼中的佢有幾性感」，以致第三級「你有幾想食佢」（3級以上歡迎腦補XD）。如果擔心影響到佢工作，可以係佢比較得閒嘅時候先同佢講。
💖服務行動 （Acts of Service）
簡單啲來講就係自動波幫手獻殷勤。呢一類人其實唔會主動請你去幫忙，但係只要你觀察得到佢平時嘅習慣，從中幫下手，就肯定會加分。例如你知道佢今日出咗一日街返到嚟好攰，就已經做好晒家務、準備好之後食嘅嘢，甚至直接帶佢去staycation、做佢90分鐘私人按摩師，呢啲就已經係鋪陳前戲，或者係建立良好親密互動嘅方法。
🎁收到禮物 （Receiving Gifts）
唔係要你下下都送個名牌、新性玩具或情趣內衣先叫「送禮物」，而係透過一啲小物件，去令到對方知道你哋成日記掛着對方。留意吓對方平時日常會用到嘅物件會唔會有一啲就嚟爛或者用晒，主動送上佢哋用得着嘅嘢，裏面放張咭仔，點都會令佢對你加多幾個❤️❤️！
⏱高質時間（Quality Time）
簡單啲來講，就係真正陪伴嘅時間。如果你知道對方嘅行程係點嘅話，睇下可唔可以喺佢嘅工作以外嘅時間，搵出一個可以百分百陪伴，不受任何message、notification干擾嘅時間。可能係攤係張床度互相擁抱，或者係靜靜行下一啲你哋好耐冇行過嘅地方，總之就係將你嘅心神放喺你哋嘅互動上面，令到佢知道雖然各自可能有自己嘅作息時間，但係都會有一齊親密嘅一刻。
🤗身體接觸 （Physical Touch）
呢一種嘅接觸唔係話即刻除晒衫就埋牙上陣，而係從生活上一啲不經意嘅皮膚接觸，慢慢增加雙方嘅情感交流。例如嘗試維持一個錫下佢嘴唇以外位置嘅習慣，或者幫佢整理下頭髮、衣領、手袖之類，總之多啲肌膚嘅撫摸，都可以令到佢嘅安全感大增，鋪墊你哋日後嘅前戲。
如果臨到啪啪先叫對方形容自己「愛的語言」係點樣，成件事會變得勁off同尷尬。與其有任何嘅假設、睇曬D 教學post之後仲要估估下，倒不如多觀察對方的喜怒、想像從對方嘅角度自己係點樣表達，可能幫到你推斷到你哋之間最舒服、最享受嘅性愛give and take。
以上內容概念來自Ada Ciuca的文章
（https://swell.damewellness.co/the-best-foreplay-to-match-your-love-language/），並按照篇幅作改動。@dameproducts （網站）
書籍：《愛之語(兩性溝通的雙贏策略)》（The Five Love Languages: How to Express Heartfelt Commitment to Your Mate）
「找到自己的愛之語」測驗：https://www.stepfam.org.hk/zh-hant/page6/sub/1/
找到自己的愛之語 在 《為你的「傳遞愛的方法」負責任， 照顧對方 ... - Facebook 的美食出口停車場
3. 『佢都唔明白我想要咩。』 ... 要化解矛盾其實通通離不開一個大課題： 必需要找到自己及對方所渴望「愛的語言」。 根據蓋瑞．巧門(Gary Chapman )(2005) <<單身愛之語>>中 ... ... <看更多>