【必看新經典】全片一鏡拍攝史詩式實時戰爭片《1917：逆戰救兵》超震撼
如果你問我2020有咩必睇電影推薦， 踏入1月份絕對絕對絕對唔能夠錯過《1917：逆戰救兵》，個人保證係滿分之作。有人話係 《雷霆救兵》後最佳戰爭片，我就覺得唔同睇法，1917係電影史一個全新進化方式去呈現沉浸式電影新睇法， 全片以一鏡到底拍攝，實時演繹戰場上的分秒，真正以小人物為本從一個「人」的角度探索感受戰爭的故事，如果你睇厭左「國家」為本保家衛國作為中心思想嘅戰爭片, 一齊經歷一次世界大戰1917絕對震撼心靈。 最近1917喺網上發佈咗一個12分鐘長嘅電影製作特輯，作為愛電影嘅你呢12分鐘精華無可能唔睇。
