【Kongner投稿天地】
通利: 是什麼驅使細路走上街頭？
「德國的哈梅恩市正飽受鼠患困擾。某天，突然有位身著花衣的陌生男子出現，聲稱可以幫忙消滅老鼠，於是市政府就和他簽訂了合約。爾後，他吹著笛子把鼠群們吸引到河邊，讓牠們全部溺死。但是市政府並沒有履行合約支付酬勞，生氣的他換上了奇異的紅帽，穿著獵人般的衣服，再次吹響了笛子。聽到笛聲的孩子們隨之起舞，跟著魔笛手離去。就這樣，魔笛手帶著130名孩子離開了城市，從此消失得無影無蹤。」
呢個故事發生喺1284年6月28日，係一段真實歷史事件。睇到故事嘅最後，大家可能會問：魔笛手同呢班孩子到底去咗邊到？我認為這故事與十字軍東征較為相似。
當時係11世紀，拜占庭帝國因為擔心會被塞爾柱帝國入侵，所以決定向羅馬的教皇求助。而當時的教皇烏爾巴諾二世認為可以利用這機會可以加強權力，因此派遣軍隊去聖地耶路撒冷。但大多十字軍東征皆係失敗告終。雖然表面係捍衛宗教，但其實只係當時的人為了咗爭奪權力的歷史。另外，1212年5月，有一個法國的牧童聲稱自己聽到神的指示，決定要前往耶路撒冷，所以他同一班少男少女組成十字軍。他們一直唱聖歌，跨越地中海，但係去到非洲突尼西亞的沿海就被當地人當作奴隸販賣。
其實以上都係一啲比較早期的版本，淨係得吹笛手有出現。直到16世紀，就加入了「鼠疫」的元素，睇得出人們有幾懼怕黑死病，更加反映人們對呢段歷史如此深刻。而呢個兒童同青年失蹤的傳說，係當時歐洲各地就成為咗一個膾炙人口嘅故事。之但係點解哈梅恩當局會對呢個傳說咁執著呢？
16世紀的哈梅恩，除咗天然災變以外，一樣受到宗教戰爭帶來的後果。當時嘅民眾認為自己被統治階層壓迫，先將故事改成魔笛手被政府背叛嘅情節，以作渲泄，但係統治階層當然唔會無動於衷，當無事發生過。因此最後，當局都係將故事主旨強調其中嘅「遵守約定」意義，並同時醜化代表人民嘅魔笛手。
而喺故事裹面，鼠患嘅情況十分嚴重。魔笛手係一個遭受有差別待遇的流浪樂手，都係故事中所謂的「壞人」。無人知道呢班孩子最終嘅結局，但係我哋可以肯定嘅係，《花衣魔笛手》當中暗示嘅歷史，就算時間過咗幾耐都好，都能夠反映出當時城市內部嘅問題。歷史就係不停地重複，而人們無從中反省同學習。不過係區區嘅笛聲都足以令呢班孩子跟從下去，足以睇得出佢哋嘅生活係有幾辛苦。
回望今日嘅香港，我們嘅 「細路」亦都受著社會各種嘅壓迫。一出世至長大成人呢段時間入面，佢地要為咗讀書，甚至係要為生活所需而擔憂，或者係要被社會灌輸點樣先算成功，從來無機會諗自己真正想要咩。日常對佢地嚟講都已經係折磨，以致聽到反抗嘅笛聲，選擇為自己抱不平而奮然走上街頭，向理想的路前往。不過，當權者從來無反思過點解啲細佬認為佢哋嘅身上有咁大嘅壓迫，而就只係不斷咁將呢班細路冠上「暴徒」嘅污名。喺故事中嘅兒童眼見面前嘅紛爭，選擇依靠自己嚟前往自己嘅理想，不同結局眾說紛紜，但到最後可見呢班兒童失去咗音訊，無人知道佢哋嘅去向，到底佢哋係喺中途遇險定還是達到理想，更是無從稽考，但我唔希望佢地嘅結局會係前者。
幸好，我哋嘅細路同故事中嘅兒童最大嘅分別就係成年人仍然企喺佢哋身邊，而我亦都希望呢一班成年人唔好用一啲荒誕理由嚟扯佢哋後腿。 「會民意逆轉」、 「畫面唔好睇」、 「搞散場運動」、 「係黑警做」、「你係鬼」，全部都係我哋呢啲成年人對佢哋的責備，但自己有無諗過正正係當權者一意孤行，先會令到升級的出現？成年人又有無反思過自己係咪都一直企係佢哋身旁，一直支持佢哋，定只係一直 「睡公主」 式抗爭，流於形式上，只為良心可以心安理得，自我感覺良好呢？作為成年人嘅我哋，可否企喺佢哋身旁，同佢哋留守到最後，又或者係實際啲咁去幫佢哋? 佢哋唔係鬼，佢哋係我哋香港人嘅一分子，佢哋受苦就係我哋受苦，我哋就有責任去幫佢哋。今日，我哋呢代人將我哋嘅手指向上一代人，責問佢地點解唔反抗 ; 將來我哋嘅下一代同樣會將佢地隻手指向我哋呢代人，責問我地做過咩。
最後，我唔係想鼓勵更多嘅犧牲，而係希望大家可以諗下有咩係真正應該要去做，但又未做，從而諗下「光復香港」同「時代革命」係咩意思。
「如果呢個政府唔令你嘅革命失敗、唔打壓你嘅革命、唔令到你有犧牲、唔剝削你嘅權力、唔扼殺你地喺萌芽之中，代表啲乜野？代表你地嘅革命無效，代表你對政府無威脅。」
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
HappyKongner 招稿喇！！！
我哋嚟緊會喺逢星期一、五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
戰爭帶來的後果 在 如果第三次世界大戰發生的话，会怎样!? - YouTube 的美食出口停車場
阿佑 帶來 了10個如果俄羅斯發起第三次世界大戰後會發生或已經發生的可怕事件！ ... 是誰都不希望發生的事情，畢竟一場 戰爭 所 帶來的後果 絕對是史詩級的。 ... <看更多>