Search
有咩造型話我搞唔掂姐？🤷🏻♂️
#夠膽就留言話我唔靚
#就唔信你哋夠膽㗎啦
#因為我真係好鬼死靚吖嘛
#邊有可能會覺得我唔靚先得㗎
#個頭飾本身就係設計比我㗎啦
#唔通你以為我扮花仔咩
#有鬍鬚喎
#個花仔比較成熟唔得嘅
#有咩造型我搞唔掂姐
#最多咪係好核突咋嘛
#眼神係有少少迷茫嘅
#因為無試過呀嘛
#你話係咪啦
#我戴住佢行咗成日
#不知幾多人望住我
#仲唔係因為我靚
#多謝攝影師
@reneebobo
《林鄭派錢又點? 五大疫市變陣》如果全球口罩戴到下年今日，生意應該點做呢?
錄影時間: 2020年4月9日(星期四)晚上七時旺角
內容摘要:
(1) 遇上無良業主，就做無良租客。
(2) 社運是寒冬期， 肺炎是冰河時期，要適者生存。
新的五大變陣:
(1) 大舖變細舖，堂食變外賣
(2) 賤物鬥窮人
(3) 遊客變本土
(4) 乾貨變濕貨
(5) 線下變線上，親身變視像
最後， 做生意最重要是賺錢。 長貧難扶。不可以依賴政府。必要時「壯士斷臂」，留得青山在，哪怕冇柴燒?
聯絡李根興 Edwin whatsapp (+852) 90361143
。。。。。。。。。。。。。。
旺角核心舖招租(1萬元起) - 旺角通菜街1A-1L號威達商業大廈地下A號舖，建築面積約500呎，門闊約10呎。物業配套完善，附設來去水，三相電，洗手間，適合不同行業進駐。
現在舖位正在招租，首年每月租金HKD10,000 全包 或 租户每月生意營業額 10% - 20%(再商議)，以兩者較高者為準。長租，再傾。(這間舖本來叫租五萬元，已減租至首年三萬元，現再推分成計劃。)
有興趣嘅租戶，歡迎聯絡我哋，多謝。
李小姐 (Vivian Lee) 9311 9274 / 2830 1188
潘先生 (Joe Poon) 9250 6708 / 2830 1138
馬先生 (Mani Ma) 9669 1789/ 2830 1190
譚小姐 (Ashley Tam) 5464 7070/ 2830 1117
也可以直接聯絡我 (李根興 Edwin) whatsapp +852 90361143。
。。。。。。。。。。。
全文內容:
林鄭最新嗰千幾億救市方案， 你鍾唔鍾意都好， 都真係救到好多中小企。 但如果全球口罩戴到下年今日，大家舖頭做生意應該點呢? 大家聽完，唔好憎我。I'm sorry.
(1) 記住，林鄭嘅救市方案，主要係幫你出人工。租金呢? 如果你係遇正一個無良業主，明知道你生意大受影響，佢都唔願意減租嘅話， 我勸你即管都做一個「無良租客」。
我唔係律師，我亦都唔係想教你犯法， 不過我只係「聽朋友講」， 有啲租客會欠租，拖租，或者想交幾成租金就交幾成租金。7折，6折，5折 whatever。業主未必同意，但可能佢條都覺得「大家都係打份工啫」，收到小啲好過完全收唔到。佢告得你嚟，而家法庭肺炎疫情都唔開，請律師，準備文件，排期一大堆得嚟，搞到下年/後年，疫情都過去啦，法官都會可憐你啦。 通常最終都係庭外和解。 錢留咗喺自己身邊先啦。
如果你咁不幸遇到個無良業主，你就做個無良租客啦。Again ... 我聽朋友講咋，不代表我個人立場。 我個人立場係: 業主逆市撐租客，天公地道。
(2) 社運係寒冬期， 躲一躲出返嚟，肺炎係冰河時期，會「死」好多人。 冰河時期唔係強者生存，係適者生存。 越大嘅恐龍，越死。 越細嘅變色龍， 反而仲有一線生機。
大家要變，真係要變。 嚟緊新嘅五大趨勢係:
(1) 大舖變細舖，堂食變外賣。幾千呎舖，坐人嘅，搞活動嘅，會屍橫遍野。你要轉做幾百呎以內嘅舖頭仔， 重新思考你嘅經營模式。
(2) 賤物鬥窮人。 越高檔，越死。 要轉賣啲平嘢，cheap 嘢， 益街坊價。
(3) 遊客變本土。 自由行，一喼喼時代過去啦。 你諗下樓上樓下附近嘅居民， 藍領，白領，OL 會唔會幫襯你。 100個人行過，都冇一個入嚟或者望一眼嘅話，執咗佢啦。 你要做番多啲街坊生意。
(4) 乾貨變濕貨。 賣衫賣褲賣鞋襪賣鐘錶賣珠寶會好難做， 個個帶住口罩，着乜嘢靚衫都冇用。 賣新鮮食品，魚檔/菜檔/水果檔，反而世界冧咗都有需求。 日後最旺呢段嘅彌敦道，don't be surprise 會開咗間魚檔菜檔， 只要夠新鮮，貴無所謂。我今晚成家人聚會，我未必會買隻金勞，但我可能會買條老鼠斑返去孝敬下仲有幸健康嘅父母。
(5) 線下變線上，親身變視像。 如果口罩戴到下年今日，而你盤生意仲要靠人流做生意，我勸你早啲執咗佢。 你一定要配合網上銷售， 甚至乎做多啲 FB Live 去吸引觀眾 impulse buying (衝動性購買)， 例如即時買就有折，兩小時後就原價。 實體鋪只係要畀人客多啲信心能夠搵到你， 日頭靠實體店服務人客，夜晚做多啲網上銷售，雙劍合璧。 用盡你間舖嘅營業時間， 咁先至會把成本效益做到最好 。做生意就係辛苦啦，怕就唔好做喇。
最後， 做生意搞完一大輪嘢都係為咗賺錢。 拯救地球，打救宇宙，負起什麼社會責任都要量力而為。 我唔想同林鄭唱反調，但如果租金，人工真係頂唔順， 夠唔夠都好，長期倚賴政府都唔係辦法。你又唔可以好似以上咁「五大變法」， 等如你係隻恐龍咁， 我就勸你「壯士斷臂」，執咗佢啦! 留得青山在，哪怕冇柴燒呢? 有機會，再投胎做其他動物。
我自己2013年7月都經歷過大裁員， 公司霎時間由有三百幾人，去到淨番六個人。 「放手，放開所有，彼此更自由。 放手，其實我絕非愛得不夠。」 嗰陣時我仲成日唱住呢首歌，係個好困難嘅決定，但當你決定之後，你會發覺其實好多員工都會明白，諒解。當然趁你仲有能力 ，糧要比足， 補償有多無少，唔好欠人。
臨走時，佢可能都會同你講聲「加油呀! 老闆，我係你都會咁啦。」 我自己之後都沉咗三年， 經歷人生低點後，2016年中企返起身，再係一條好漢。
「模糊地正確，好過準確地錯誤」， 肺炎疫情繼續嘅話，你自己嗰行，前景係點呢? 每個人能力，家底，理想都唔同， 林鄭今次真係暫時救番好多中小企， 但「長貧難扶」，記住大家要變。加油!
。。。。。。。。。。。
想知更多做生意知識，我新書《李根興的生意哲學》 將於2020年5月份出版。內容包括 (1) 我至愛的創業勵志故事，(2) 生意理論，(3) 商舖知識，(4) 創業隨筆。合共約360頁，定價HK$198。現接受預訂，可以whatsapp我 (＋852) 90361143。 按收到order次序交書。新書有我親筆簽名及封面message (特別封面版 - 數量有限)。
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
一日之計，在旭日。
墨藍天空默默，靜候着晨暉到來，哈，真寫意，不如底下的一片昏黃。街燈有序，嗞嗞作聲地控訴着自己晝夜顛倒的工作，不似繁星亂綴，悠悠眨眼。也不止它們，石屎公路亦然，明明三更，卻還是熙熙攘攘，承受車輛不住地穿梭，月兒看着倒嘆美。也不是每位辛勤者都愛嗟怨，就如此刻於大道上馳騁的小貨車，靜謐地運載着車上的一老一嫩，也許是物似主人，司機座上的老人，臉上不帶半分煩躁，銀絲滿頭的他，比身旁尚留些許青絲的小伙子爽利得多，老人一雙銳目炯炯，跟他半皺的臉龐不太相襯；反倒小子眼臉圓潤，卻撐不起眼皮來，不住打瞌睡。
發叔，這是老人的稱號，一臉從容，一點料不到他正往骯髒之地去，上水屠房。他不是執刀的屠夫；也不是清潔大叔；更不是看更。他，是買賣牛雜的老行尊，這行業有一個略有耳聞的名號——執雜佬。身旁的阿漢，是發叔的兒子，如今父子倆正準備闖蕩他們每夜的老江湖，在朝陽趕至之前。
落日江湖
夜半路路亨通，小貨車已經抵達了屠房的閘口，阿漢猛地醒過來，雞手鴨腳地翻出往來屠房的通行證。閘口看更查證期間，平靜下來的小子，憶起這與他印象中小時候的屠房，很不同。小時候放假，做完功課沒事幹的他，就吵着要爸爸帶他到屠房玩，那年代嘛，很窮，沒有太多電子產品，對小朋友而言，屠房是一個樂地，因為到處是水，孩子玩水不畏濕身。當年，屠房的守衛沒有那麼緊張，基本車子上載甚麼人進去，都無人過問。「入得！」比發叔年輕得多的看更，把通行證看了幾遍，又點算車上人數，確保沒有外人才放行。還好，小子長大了，不再玩水。歲月神偷，總在十年廿載後，才東窗事發。唯獨是僅餘的這十來個逐臭之夫，依舊夜出早歸。
是的，這一行只餘十二人。行內年紀最大的發叔，五十多年來都堅持這樣的生活，凌晨一時許來到屠房作準備功夫，清潔﹑磨刀﹑磨剪。執雜佬在屠房內，都擁有自己的位置，做好準備，他們就靜候着屠夫宰掉一頭又一頭活牛後，把取下內臟運送到他們的位置。牛雜分成上雜及下雜，牛柏葉及牛雙連是上雜，由於價值較高，故肉食公司都會保留。至於執雜佬執到的，就是下雜，包括牛膀，即牛胰臟、牛腸、牛粉腸﹑牛肺、牛肚，即牛胃﹑牛脆骨，即牛氣管等。兩點半左右，接到牛雜後，先把內臟清洗乾淨，這個階段的牛雜，相當齷齪。牛畢竟是雜食，內臟廢物多，發叔形容這是一陣餿味，臭氣熏天，他邊洗擦着一大幅牛胃，邊講解原來吃不同飼料的牛隻，氣味會有所不同：「嗱，食草嘅牛呢，就冇咁臭；食粟米嗰啲就不得了。」尤其是牛胃，有糞便，甚至鐵釘﹑沙石，就連古幣他也見過。
他把另一幅小巧得多的牛胃交予阿漢清洗，這是牛沙瓜，牛胃的其中一部分，因為物罕而最搶手。接過沙瓜的阿漢不住調侃：「講句難聽，比一個未洗嘅公廁仲臭，不過細個成日嚟，慣咗陣味。」除了味道，最苦了人的，是工序，當中最花工夫就是洗牛腸。只見，發叔洗好牛胃後，就於放滿水的藍色水桶內，捏起一條牛腸，用鐵通串好，再從末端反方向拉往自己一方，就把牛腸內外反轉，要逐條通乾淨。他指牛腸油脂多，洗完大腸後，手心一陣肥膩，久久也洗不去。發叔沒有戴上手套，就這樣用手擠洗，他笑謂：「好多行家話唔戴手套，做耐咗手會唔好，我就做咗幾十年都唔戴，冇嘢啊，你睇幾滑。」把最後一條牛腸洗好，他伸出手來，着兒子幫忙把一桶桶的牛雜搬到車上。
屠房偌大，一路上，發叔滔滔未停。他說執雜這江湖很小，各行家都得遵循老行規。誰個每晚分配到多少牛雜，早已跟隨第一代而定，不能巧取，如遇缺貨，就只能高價向其他行家買入，但人家也不一定有多餘的可賣。至於他們提供予哪一家食肆，大抵是固定的，鮮會出現搶客的情況。然而，發叔最擔心兒子經驗不足，較死板，不會因應情況而增加或減少數量給客人，致牛雜分配不均。說着說着，二人已經來到停車處，協力把數桶子都抬入車尾之時，天色已成藏藍，把車子撻着，電子鐘顯示為凌晨五時，小貨車又再出動，送雜去。
日出而息
離開腥臊之地，這趟車去屯門，算是長途，由阿漢掌軚。執雜佬每日工作約莫七小時，五點離開屠房的話，大概七至八點送畢所有牛雜，可以回家休息。阿漢卻例外，下班後，他還要去當貨車司機，他苦笑：「冇計啦，有老婆有個女要養，呢一行又唔可以賺好多，咪要努力啲囉。」這勾起了發叔的刻苦歲月。
發叔本是澳門人，十八歲來香港，跟隨姐夫到牛棚工作而入行，成為了執雜佬。當時的牛棚比屠房更糟，無瓦遮頭，宰牛後於地下洗牛雜，又黑又血腥，起初他十分不習慣，但讀書少，打任何工都只能苦幹，反正當時這一行人工算是高一點，而且做生不如做熟，習慣習慣，就好。後來成家立室，更離不開這一行。至一九八六年，姐夫退休，於是便接手生意，半輩子，就這樣過去。
貨車終於停定，父子倆合力把藍桶卸下到小鐵車，往砂紅招牌的「新興麵家」推去，只見小店仍未開門，發叔就把東西放在門口，再往對出草叢處拿走一個空的大桶，就往車子走。這次換了發叔開車，阿漢則在一旁解說。他們現時共供貨予八間食肆，全都是合作多年的老字號，大家有固定的交收模式，甚至有店主把門匙交予他們，好讓他們夜半把牛雜放到店內。說到只供貨八間餐廳，發叔開着車也忍不住慨嘆，有些事，的確無可奈何。活牛由五豐行從大陸收購後，運來香港。他猶記得全盛時期，全港每日宰殺四百多頭牛，他最高峰一晚洗三十多副牛雜，是現時七至八副不能相比的。
如今，普遍認為吃內臟﹑吃紅肉不健康，不如舊時熱愛，活牛愈來愈少，每日只有四十來五十隻牛，牛雜供不應求，行家之間根本沒有機會競爭，縱有客人想買貨，大家也沒貨可交，很多食肆惟有買急凍貨。當然，也有尋鮮之人，故有些行家會取價高者得的策略，放棄出價較低的舊買家，改供貨予高價者。但發叔卻有他的堅持，只要老客戶仍然向他買牛雜，他就不會棄之不顧：「做耐咗，好多都變咗老友啦。」就如銅鑼灣「九記」，由現時事頭的父親單眼九當家那年代開始，發叔已經認識他爸爸，他吃吃地笑：「舊時單眼九同我老細買牛雜，我收工就去幫佢洗碗仔，搵外快嘛。」
說時遲，小貨車已來到中環，阿漢留下來看車，發叔則帶貨到「水記」，老闆水哥一見老朋友，就不住聊天，口水多過浪花。返回車子的途中，發叔仍然掩不住笑意，這一份情誼，是此刻坐於駕駛座上，等待着父親歸來的阿漢所不能理解的。噠一聲，貨車向最後一站——黃大仙駛去。抬頭，上方已是一片湛藍。
送走了最後一桶牛雜，父子二人坐於車尾邊緣回一回氣。發叔知道兒子孝順，這個行頭，兒子願意接手父親生意的，只有三人，他自覺幸運。今年年頭，阿漢因為眼見爸爸年紀開始大，始終這一行要勞力，半夜又辛苦，故回來幫忙。年輕人嘛，總有些少埋怨，畢竟執雜佬日夜顛倒，沒有假期，又請不到新人入行幫忙。現實歸現實，日日有牛雜分配予他們，不開工的話，牛雜拿去哪裏？這一行，很難回頭。老人淡然，深知這是心態上的調節，雖說厭惡，但執雜卻養活了這幫執雜佬，養大了他四個兒女。一旁的阿漢搭了搭爸爸的肩膀，道：「佢幾時冇力做，就正式接手，冇牛雜就冇我哋，佢一世人心血，會繼續做落去，做得幾耐得幾耐。」
人可真矛盾，很多執雜佬都嫌辛苦，只是，一旦退下來，沒有了寄託，不出三年就走了。發叔低首盯着石屎地，嘟嚷着：「唔想啊，唔想死啊。」卻不見頂上，赤烏正冉冉上升。
回首，一生之計，也在旭日。
採訪：黃寶琳
攝影：胡浩賢、謝本華
剪接：胡浩賢
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
「重複的行為塑造出我們，所以，卓越不是一種行為，而是一種習慣。」這是古希臘哲學家亞里斯多德其中一句名言。
習慣整理好球衣，習慣預備好飲用水，習慣在觀眾席上看着球員的神采飛揚，這就是李永波(波記)，一位在球圈工作了廿七年，為傑志服務了十五年的老臣子。
同一種習慣，球員習慣在球場上揮灑汗水，習慣從「波記」手上接過屬於自己的號碼波衫，這種習慣有種很強的力量，令球員和「波記」在不知不覺間，習慣了這份「打風都打唔甩」的情誼。
訓練中心癱瘓 「波記」隨球隊打游擊
位於石門的賽馬會傑志中心在颱風「山竹」吹襲期間，遭到嚴重破壞。人造草場受到城門河河水淹浸，令草地嚴重移位；球場上亦佈滿被強風吹來的大廈窗框和玻璃碎；而中心辦公室和大量設施，都被河水浸壞，無法使用。「波記」對當時的情況仍歷歷在目：「啲水浸到嚟呢到，咩都浸曬啦，特別係寫字樓嗰邊。」
能夠有「私家場」作訓練，對其他港超球隊來說是遙不可及。可惜天災無情，未來一段時間傑志亦要面對「遊牧民族」般的練波安排。「波記」的工作量亦因此而增加：「依家都要早一個鐘返嚟，揸車去深水埗攞完啲衫，跟住去將軍澳練波，練完再攞啲衫去深水埗洗，平時喺呢到(石門傑志中心)洗就得。」
面對突然增加的工作，「波記」只是淡淡地說：「多咗呢一重手續姐，都冇乜問題。」然後便繼續埋首摺球衣。一場颱風，打亂的似乎只是球隊的訓練日程，但卻動搖不了「波記」的工作日常。轉眼間，「波記」已經為球隊準備好第二天比賽所需的物資。
球隊捧盃背後的老球迷
隔天，來到本年度「香港賽馬會社區盃」傑志對和富大埔的球賽現場，「波記」早已將前一天準備好的物資分配給球員，在一旁靜靜地看着球員熱身。球賽開始，「波記」緩緩地走上觀眾席，當起球迷來：「我唔坐後備席嘅，我都係坐係球迷嗰到睇波。」
這位老球迷深受球員和管理層的愛戴。在「波記」70歲生日當天，球員和球會度身訂造了一件70號球衣送給他。訪問當天，「波記」開心地指着這件球衣，說起生日當天的故事。不僅如此，「波記」也有自己的小球迷。工作途中，不時有小球迷來找「波記」拿簽名，「波記」接過筆，笑到合不攏嘴：「嗰啲小朋友都好鍾意我，話成日見到我，我就幫佢地簽名。」
最後，傑志以1：0贏波捧盃。比賽過後，當球員和教練可以去下半場慶祝的時候，「波記」還要收拾好球隊的物資和球員的裝備，將它們送回石門的傑志中心。「波記」邊工作，邊回想剛剛的賽事：「八十幾分鐘嗰球，我都諗住入硬架啦。鞠盈智一傳入去，跟住盧卡斯一射，佢左腳好勁架，一「熨」就入啦。都冇乜驚喜，我哋傑志最後嗰十幾分鐘好犀利。」雖說沒有太大的驚喜，但「波記」在談笑間，難掩對球隊勝利的喜悅。或許就是這種輕描淡寫、淡然自若，正正反映「波記」這廿七年來默默耕耘的工作態度。
入行廿七載 風雨不改
「波記」1991年在朋友的介紹下，進入快譯通球會工作，其後服務花花兩年，再於2003年加入當時重返甲組的傑志至今，一做就是廿七年。即使在工作中受傷，即使年紀愈來愈大，「波記」還是堅持為球員披甲、助球員上陣，樂此不疲。「我就係一路做、一路做，唔會去諗辛唔辛苦呢件事。你肯做就冇辛苦呢件事，冇辛苦呢兩個字。」「波記」指着自己在工作中受傷的左手腕道，「差唔多成個月(先痊癒)，都冇乜嘢，手姐，繼續可以做嘢。」
完全不覺得辛苦、不覺得累，即使知道自己有一天會退下火線，「波記」仍然堅持「做得一日得一日」，並笑道：「仲做得幾耐？我都72歲啦。但係冇諗過退休，仲可以做就做，老闆請我就做。唔做得嘅，我咪得閒走去睇吓波。」
或者，這是老球迷對足球的熱愛，或者，其實是老臣子和球會之間的情誼，又或者，這根本就是一種習慣。在颱風「山竹」襲港後，在傑志中心被破壞後，「波記」的說話與神態似乎更加動人，今集《港。故》用8分鐘，帶大家認識這位傑志總管。
-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB
Follow埋《港。故》IG，睇更多精彩靚相：http://bit.ly/oncckonggu_IG
