每隔一頭半個月，就會有圈中名媛的床照流出，然後當事人的例牌處理手法大都是關page、關account潛水。我雖然係一個婊子，但係我可以好理直氣壯咁講句：我真係冇主動上網搵黎睇。當然，飯聚時朋友八卦開黎遞在我面前唔計，有食唔食罪大惡極，何況我有咩未見過？憑呢啲相就可以令我做「猴子掩臉」icon，少年你未免太年輕了。
每到有呢啲場合，總會有人在facebook發世界post求圖求link什麼的，我對此非常不齒。香港同志圈好細，地球post好大機會當事人可以睇到。你諗下如果一個人俾人post晒全相放上網，之後仲要在facebook見到你呢個「在世界中心呼喚link」的post，仲要入面一大堆like、一大堆comment對自己評頭品足，呢件事的感覺真係非常、非常、非常的惡劣。你叫佢可以點做？行入你個post度同大家講「咦？大家搵緊咩呀？有咩幫到你呀？」。唔係人人都可以睇得開，陣間佢一個睇唔開跳左落樓，條命你填呀？
真的，我係真心認為唔應該睇，尤其是當事人係自己認識的人，你睇完叫佢以後點面對你？又或是你又點樣面對佢？作為朋友，佢俾人擺上網你唔支持佢之餘，仲要望兩眼，甚至開地球post？喂，大佬，呢啲擺到明係二次傷害，做朋友識著你呢啲豬隊友，應該係佢除了俾人開全相之外，人生裡最大的懲罰了。君子不欺暗室，我當你係朋友嘅，人前人後唔會兩個樣，人前我支持你，返到屋企我關上門用自己部電腦時，我都一樣支持你。唔睇唔講唔評價，讓事件盡快過去，我的沉默就是給你的支持。（當然，事後你感恩圖報send返張過黎，我也不會拒絕的，反正我也受得起。）
有人話你send得畀人，就預左會俾人放上網架啦。你係咪搞錯左少少野？我send得畀你，係因為我信任你會保護我，而唔係預左你會擺上網呀嘛？如果張相擺左上網，唔係代表我愚蠢，而係代表你卑鄙，僅此而已。你可以講風涼話「好彩我從來都唔影呢啲相姐」，親愛的，咁唔代表你醒目，只係代表九成係你冇野好show畀人睇／冇人有興趣問你拎黎睇而已。要是你有佢地8成的外表，仲唔一早反曬出黎派街坊咩？（地圖炮模式啟動，閃避機率：10%，閃避觸發條件：堅靚仔大枝野但冇影過呢啲相）
既然大家都有影過，咁你又何必走去問人求圖求link呢？今夕俾人擺上網，他體君體也相同，丁人圖者，人亦丁其圖，只係今個月未輪到你俾人扔上網餵狗公而已，唔駛笑得咁大聲的。再者，親愛的，依家咩年代呀？人地四仔都大玩VR概念的時候，你仲係停留喺睇平面素人、盜攝的階段，難道你唔覺得自己好out的嗎？又得罪講句，成個網都係四仔，人地個個練得好好睇睇，要槍有槍、要炮有炮，仲有專業化妝攝影打燈同後期製作。點解係都要執迷不悟，偷窺啲低水準製作？難道… 你不覺得自己有點變態嗎？
#唔駛閃啦我開地圖炮你走得甩架咩
#婊你沒商量
#我總算明白點解要搞創新科技局
#其實擺人上網真係好冇品
#通常都係病態地葡萄別人才會這樣做
#share同評論人家的那堆更冇品
#家陣欠你架
#你憑咩comment人
#家陣你有課金咩
#仲衰過前日一路睇AV一路鬧人拍AV的小賤人
#我係真心覺得呢件事係變態多於八卦
我係真心覺得呢件事係變態多於八卦 在 [新聞] 偉哉柯文哲！徐千晴PO文挨批狠踩鍾棠芝- 看板HatePolitics 的美食出口停車場