疫情後的香港戲院，你無返咁上下EQ都咪洗旨意平安出來。
星期日下午，去淘大MCL睇Don’t Breathe 2，前方一對長得很MK的情侶(女仔著住典型顯肥的MK熱褲)由好開始就聊天，我當你幾十萬上落唔講會死都算了。到最後那段，你就算未睇都知一定緊張架啦，仲傾而且係連續傾，我挨上前攝手拍熱褲：唔該你地靜少少吖。
傾係無傾，散場開燈熱褲一路怒睥住我同男朋友告狀喎，人都走埋仲要折返，型到張耀揚咁款既男朋友兇神惡煞問: 你做乜要咁大力推佢?? 你唔同佢道歉我就報警。
嘩，其實我行得正企得正，人生真係無試過見證有人報警，你仲咁無聊我梗係想知警察會點啦，仲唔即刻話好咩，要同你道歉？
點知佢可能真係太型，扮打電話扮扮下問熱褲: 佢頭先有幾大力？
熱褲淆晒底: 其實唔係好大力既，然後示範左比我大力10倍左右一次俾男朋友睇。
然後呢對苦命鴛鴦下刪一百字話選擇唔報警係佢地好人同自由，仲叫我以後唔好推人，又話自己鐘意傾就傾，不過我推人我就犯法🙃
事後，我都幾後悔，後悔無勸熱褲call白車驗傷，俾人推親好易內傷架嘛，而且佢下身露左咁多肉又可能攝親呢。
腦中立刻閃過龍過雞年呢一幕，真係絕對絕對係想非禮你啦白雪公主!!!!!!!!
#其實肥就唔好著熱褲
#柒亦都唔好扮型
#我以後唔敢放假睇戲咁大膽喇
我以後唔敢放假睇戲咁大膽喇 在 狂氏電影綜合症候群| 建議揾葉念琛導演 - Facebook 的美食出口停車場
我睇完《正義迴廊》激動得睡不着！ ... 10）DLLM，呢套戲冇10,000,000票房，香港人唔配有好電影！ ... 睇到，冇睇開TVB 都知《下流上車族》多人睇，點敢唔知呀 ？ ... <看更多>