【坤哥橫掃叱吒頒獎禮】
今日見到有人寫見到坤哥又笑又喊攞獎，會想起2000年代的楊千嬅，率真坦白，很貼近普通人，令大眾覺得他／她是你朋友之中的其中一個。但我想起的是90年代還在〈娛樂新聞眼〉被前輩叫佢「古怪基」的基仔。想當年未變成古Sir或情深深的基仔都係好得意~ 著迷過〈藍天與白雲〉、〈第二最愛〉、〈歡樂今宵〉...... 然後等了好多年，經歷過冇出唱片的日子，然後終於出現喊住攞獎的古巨基~ 作為睇住佢一路一路由主持到tvb五虎拍劇年代再到唱歌的觀眾，當時真係好感動。
希望香港樂壇再一次多啲感動人的一幕一幕，真正屬於香港人的感動。希望坤哥都好似基仔越來越紅~ (但盡量唔好去d 鬥高音節目pls~ )
#想唔認老都唔得 #應該冇乜人記得娛樂新聞眼
http://www.siutung.com/2015/01/music-award.html
