關於 悠長假期 配樂 ，我們在網路上蒐集到這些相關的討論、資訊與評價

🔪🔪情與義～～～～～值千金～～～～～刀山去地獄去有何憾～雞姐呀雞姐，想聽你演唱會唱呢首，可摸耳換埋演唱會海報個 look 唱我係小忌廉🪄

火雞姐可能要等下次，今次召喚《喜劇之王》杜娟兒先。莫文蔚之前去咗石澳，將喜劇之王入面兩首經典歌《The Way You Make Me Feel》同《戀一世的愛》拍 2021 全新版 MV，仲搵番當年啲場境（石澳健康院），重遊舊地，搞到莫文蔚好感動，爭啲流番戲入面嗰滴透明發光鼻涕。#莫文蔚話 #嗰pat嘢係大菜榚溝熱水 #原來係咁 #我今日真係學到好多嘢

#仲有嘢學 原來當年周星馳好鍾意木村嘅經典日劇《悠長假期》，於是搵咗套劇嘅配樂大師日向大介，幫喜劇之王做配樂同主題曲，於是就作咗莫文蔚呢兩首經典歌喇～ #星爺都鍾意木村

去呢度睇《The Way You Make Me Feel》👉🏻https://youtu.be/HEzqNDBoj_c

演唱會買飛傳送門👉🏻 https://ticket.urbtix.hk/internet/zh_TW/eventDetail/41804

✨密切留意6月莫文蔚全新廣東影像專輯 The Visual Album《The Voyage》

#莫文蔚 #KarenMok #TheWayYouMakeMeFeel #TheVoyage #TheVisualAlbum

【 賣文時間／《悠長假期》開心大發現！】
游大東影視筆記Telegram頻道👉🏻👉🏻https://t.me/yautaitung

聽落有點黐綫，甚至有點CLS。

活在亂世，難免心緒不寧，加上工作繁重，壓力山大，有時候想睡也睡不好，頭都（真）痕埋，除了定期找中醫師調理身體之外，更重要是尋找減壓方法。不瞞你說，作為記者仔，揸筆搵食十數載，以前年少無知，非常不想寫稿，但可能人到中年，心態全變，忙到仆街的情況下，依然會狂寫文狂造圖，因為我發現從過程中得到的滿足感，會釋放出安多酚，紓緩壓力。可能大家會心諗：唔該你唔好咁黐綫啦，我亦要承認，換轉是寫自己不喜歡寫的題目，只會帶來反效果。

觀乎四年半的書寫歷程，其中一類令我最有衝動想寫的，必然是電視史話，可能自細體內已隱藏「瘋狂Research」＋「瘋狂整理」的變態基因，最經典例子，是幾年前因為在東京買到一本叫《東京Jazz地圖》的書，原本只想寫一篇推介文，結果左搵搵右搵搵，變成試圖整理出東京都會成為爵士樂在亞洲地區的發展核心之原因，一篇文不夠寫，變成三篇，長達一萬字的系列報道，堪稱癲中之巔。我曾經將這個習慣，跟朋友兼演員周祉君說，他嘗試分析我的舉動，認為是借搜集資料，開啟知識大門。他說（大意）：「有時候，你因為不斷搵資料，結果基於呢啲資料帶來更多疑問，於是又繼續搵，結果愈睇愈多。」是的，我喜歡爬梳歷史，所以這個平台建立初期，很多文章都跟電視圈講古有關，而讀者反應亦相當熱烈，所以長寫長有。

日劇迷近日相當忙碌，那邊廂曾創下平成時代最高收視率的《半澤直樹》，續集於上月中正式推出，每周都要緊貼最新劇情發展，這邊廂被譽為「平成年代日劇最佳典範」的「富士月9」神作《悠長假期》（Long Vacation），剛於上周三（5/8）在香港的「黃Viu煲劇平台」再度推出（https://bit.ly/3jVhGuN），旋即成為網民熱話，唔睇真係冇話題！作為四分一世紀之前日本最巴閉的對外輸出流行文化作品，五大（成功）元素，缺一不可，《悠長假期》值得談論的，除了演出陣容、紮實劇本、道具佈景、故事寓意之外，當然不得不提音樂這個部份，而在眾多歌曲和配樂之中最重要的一首，一定是久保田利伸創作和主唱的《LA·LA·LA LOVE SONG》（https://bit.ly/3iGEEEA），不知為何，每當前奏響起，再聽到開首那句「MA WA RE MA WA RE MERRY-GO-ROUND」（まわれ／まわれ／メリーゴーラウンド ── 旋轉吧／旋轉吧／旋轉木馬）的時候，總會立即起雞皮，然後跟住唱，有人講笑話：「呢首歌真係熟到以為自己識日文！」不知道大家有沒有這種感覺。

原本只是想將這些感覺整理一下，變成「Hea稿一篇」賺賺PV，豈料無意中找到一個其實早已公開的「秘密」，有朋友語帶興奮的私信問我：「到底你係點搵到呢單嘢出嚟？」我照直答：「就咁喺Google搵搵下就搵到，我自己都嘩咗一聲。」善用自己的好奇心，真的會發生很多意想不到的事情。

https://bit.ly/342C87B

（16082020）

＃游大東 ＃游大東影視筆記 ＃悠長假期 ＃日劇 ＃木村拓哉 Viu Hong Kong 快樂的 The Everyday Lifestylist 有台channel D 日藝評論節目 - J-House 做乜膠睇電視 港女講劇 金成 月巴氏 / Work Super Guy gregory wong 王宗堯 ＃集體回憶 Music Picks 論盡音樂 Stupid Music 偉士牌的電視筆記

【《悠長假期》香港首播20年後再有得睇 】

本港疫情持續，接連九天都有過百人「中招」，截至周四（29/7）累積確診個案超過3000宗，換句話講：地球真係好危險，乖乖哋留喺屋企最安全，煲劇順理成章是最佳消遣，但縱觀全球電視圈，今年很多新劇因為新冠肺炎（俗稱武漢肺炎）而被迫停拍，對日本的影響尤其嚴重，包括TBS皇牌《半澤直樹2》等一系列春季日劇都要延播，當地電視台只好重播舊劇填補空檔，仍有不俗收視。

勢估不到，有份購買日劇版權的香港影視串流網站「黃Viu煲劇平台」，最近亦趕上這股懷舊潮流，從富士電視台購入經典日劇、1991年首播的《東京愛的故事》，並安排於本周一（27/7）上架後（https://bit.ly/2X9cFVC），日前又宣布再從富士電視台購入12套日劇天王木村拓哉的劇集，由1996年的《悠長假期》（Long Vacation）開始，去到2020年的特別劇《教場》也有，橫跨20多年，讓日劇迷和木村迷欣賞多年來木村的演技變化。

12套日劇當中，還包括《戀愛世紀》（1997）、《沉睡的森林》（眠れる森A Sleeping Forest／1998）、《律政英雄》（2001）、《從天而降的億萬顆星星》（空から降る一億の星／2002）、《飆風引擎》（エンジン／2005）、《律政英雄之小鎮風雲》（2006）、《CHANGE》（2010）、《月之戀人》（2009）、《PRICELESS無價人生》（PRICELE$S〜あるわけねぇだろ、んなもん！〜／2012）、《律政英雄2》（2014），當中不得不提《悠長假期》。

此劇於1996年4月首播之後，無論選角、劇情、配樂、服飾，旋即成為日本最熱話題，第一集收視已破30%，達到30.6%，第11集大結局更攀升至36.7%，成為歷年來富士「月9」劇最高收視排名第三，奠定木村拓哉成為新一代日劇天王的地位，而當時的演出陣容，包括山口智子、松隆子、竹野內豐、稻森泉、Ryo（りょう）、廣末涼子，都是當時得令，加上久保田利伸演唱的主題曲《La La La Love Song》，現在回望，所有事情就是配合得如此精準，難怪多年後依然有很多劇迷嚷着要再三重溫。

至於1997年10月首播的《戀愛世紀》（Love Generation），將《悠長假期》帶動的木村拓哉熱潮延續下去，而且燒得更旺，而他跟松隆子再度合作，亦造就他倆成為日劇界最炙手可熱的金童玉女，劇中出現的定情信物水晶蘋果亦一度成為人氣產品，而拍攝外景的東京台場和彩虹橋，也讓很多香港觀眾為之羨慕，希望可以帶同另一半飛往當地拍照打卡放閃。上述畫面，都即將可以重溫，然而播放細節未定，「黃Viu煲劇平台」表示將於下周三（5/8）統一公布上架時間，大家要密切留意了。

（30072020）

#游大東影視筆記 #游大東 #日劇 #悠長假期 #木村拓哉 #山口智子 #東京愛的故事 #新冠肺炎 #武漢肺炎 #竹野內豐 #廣末涼子 #松隆子