續上次食完 Chibiusa Cafe 後，我地一行三人就順路入埋去隔離既 美少女戦士セーラームーン展 20週年展到湊熱鬧！哩個場就真係麻麻地，唔多似畫展／美術館既構造，反而有少少似設計系畢業展既感覺，聲效・影像・草圖・人設都比之前東京現代美術館既「PIXER成立30年展」更豐富多樣化，不竟 Sailor Moon係全世界知名度甚高，係動漫界擁有超然地位，絕對佔日本代表作品一席位。
入到門口展出一系列以往曾經連載出現過既雜誌、玩具、變身盒、周邊商品同攝影景點（包括長做長有既舞台劇及當年電視真人版的黑歷史😱）！有介紹返好多歷史背景，人物關係等等東西，原來我一直都係睇完就算，完全唔多理解點解會有 R、S，SS等字係點解😰😰😰好彩有少女YO係我隔離解答左好多「中年丫仁的煩惱」🙇🏼🙇🏼
例如
1）點解SAILOR V 同 變左SAILOR VENUS個時件衫唔同色
2）如果係以為美奈子係公主，無啦啦變左戰士個下咪爆SAD
3）點解個個都有道具，但JUPITER無呢？（莫非係玫瑰耳環）
4）點解R個時既女皇權仗同最後一輯既唔同？！（展覽館有一個攝影區個新后倩尼迪個枝又唔同）
真係好煩，但我真係好想打通任篤二脈😏😏😏畫風真係好靚好吸引，當年如果唔出動畫真係好浪費！但又引伸到武內直子畫其實愛情作品都會自動代入某戰士角色，都唔知係好事定唔好事！
場內可以影相的地方不多，好多時候你只要一攞手機出來，職員就9秒9衝出黎阻止你🚫📸🚫其實好多展覽會都係咁～（我當然都有中招😞）
美少女戰士20週年展
展期：2016年4月16日(土)〜6月19日(日)
入場時間：10:00〜22:00(最終入館は21:30) ※会期中無休
http://www.roppongihills.com/tcv/jp/sailormoon/
丫仁覺得比起CAFE更值得去懷念下～始終都係童年必睇既經典！！特別係青春期個時睇劃時代變身個一刻😏😏😏👍🏻下星期又有香港朋友約我去睇啦～展品似乎會有微微轉變，好期待呀！！
#工作遊記 #大丈夫 #丫仁 #日本工作假期 #日本 #東京 #working #holiday #工作假期 #期間限定好友 #香港人 #廣東話 #女皇權仗 #PIXER #設計畢業展 #SAILORV #SAILORMOON #美少女戰士 #水手月 #水月金星 #金星仙子 #木星仙子 #打通任篤二脈 #不準攝影 #童年回憶 #必睇經典動漫 #劃時代 #變身片段 #中年丫仁的煩惱
