#遊世界
#山系男女
【一望無際嘅海景】
有冇人覺得前兩日天氣又焗促返？嚟緊幾日終於清涼返少少，去行下山、吹下風先！
由小西灣嘅龍躍徑開始，爬過一條樓梯去到歌連臣角道，就會見到砵甸乍山郊遊徑！喺呢度都會見到條樓梯，雖然比較陡峭，但唔算太長，之後嘅路段就相對平坦好多㗎啦！
最重要係當你去到最高點嘅觀景台，就會覺得辛苦係值得！因為呢度會見到港島東嘅全海景，雖然唔可以話係一絕嘅景色，但係見到嗰片廣闊無死角嘅海景都即刻放鬆晒啦！休息夠，慢慢落山去到大浪灣就完成啦！
#padper #砵甸乍山郊遊徑 #觀景台 #大浪灣 #周末好去處 #親親大自然 #郊遊 #廣闊海景 #心曠神怡嘅風景
