《從彩雲邨拖到飛鵝山：We Connect！》
有什麼可以驅使我晨早流流5am起身，7am去到彩雲邨？係愛定係責任啊？係因為...
今早有聖若瑟英文中學、聖言中學、德望學校的聯校人鏈手拖手活動，作為 St. Joe 仔，當然響應！
(說來慚愧，新校舍落成至今，自己從未回校到訪，第一次到訪就是參與這個活動，這次運動真的把很多人 Connect！)
在場看見三校不同的舊生到場支持，有急救員、有記者、有派水、有 Full Gear、有帶口號，還有我 - 社工。
晨光曦明，看見各位師弟雙眼惺忪，真係嗌口號都冇力，但係仍然緊握着對方雙手造成一條象徵着建設自由民主的人鏈，而嗌口號亦越來越大聲！師兄叫起，師弟響應！
始終位於飛鵝山的德望與聖若瑟和聖言有一段距離，以我所見，兩間男校及女校未能接駁成一條完整嘅一鏈。但在尾聲，有一群從山上跑下來的德望女生大叫：
「多謝聖賢！多謝 St. Joe！香港人！加油！」
兩校的男生迴響：「多謝德望！你哋快啲返學啦！」然後男生和女生隔着馬路互叫：「香港人！加油！」
當時我心中出現一種感動：原來真正的 Connection 並非物理上的聯繫，而是彼此間互相關心，真誠的溝通。
那個時候，我感受到三間學校真實地聯繫！
課堂中響起了，仍然有舊生在校外與學校的師弟互叫口號，到了上堂的時候，師兄們：「St. Joe！上堂！St. Joe！上堂！St. Joe！上堂！」(對師弟真的很有愛！親！」
我以前的班主任和我說：「學校60周年都冇咁多人返嚟！」
我心裏相信：「St. Joe 仔，甚至係香港人，無論對事情幾冷感都好，只要有事、有需要，無論幾艱難都會行出嚟，一齊幫手，一齊堅持！」
因為真正的香港人之間，有這一份愛和聯繫！感謝師弟們讓我看見香港的希望 - 對香港自由和民主堅持的希望！
*** 聖若瑟英文中學與德望學校的距離超過1公里
P.S.
最近疲累，少寫文章，卻令很多朋友擔心我人間蒸發，甚至被捕，對不起！讓你們擔心！放心！我會「的起心肝」寫多一點文章。
為免失去聯絡，敬請加埋我嘅 IG 同埋 YouTube，Search: KEYsTheatre
如果有任何需要幫忙，不用客氣！請 inbox 我。
#社工哥哥
#活着抗爭 #勇敢向前 #德望同埋聖若瑟終於有聯校活動
圖：聖若瑟英文中學手拖手的小師弟們
德望同埋聖若瑟終於有聯校活動 在 聖言中學x 聖若瑟英文中學x 德望學校聯校組成彩雲區人鏈 ... 的美食出口停車場
聖言中學x 聖若瑟 英文中學x 德望 學校 聯校 組成彩雲區人鏈2019.09.12 多你一個多 ... 韓國 Voice of Hong Kong 活動 ... 咗房嚟做展覽會仲有VR遊戲! ... <看更多>