https://www.patreon.com/posts/49798458
《進擊的巨人》大結局（一）相比起解讀，我更想說的卻是最初的激動
《進擊的巨人》大結局，首先我最擔心嘅，就係有班傻尻KOL／解碼大師，又會將個結局同啲乜撚日本鎖國、軍國主義復興掛勾，拜託你地再認屎認屁懶有學識啦，你地識條撚咩。
其次係相比個結局圓唔圓滿、左唔左膠，我更滿足於佢真係埋下一個句點，好比生命有死亡一刻，先會顯得佢嘅美麗。而家人人都討論個結局，我最想分享嘅卻係當年追睇巨人嘅喜悅：一個地方無啦啦只比三度牆圍住，然後巨人一嘢撞入黎，主角經歷悲劇、一大堆謎團未解。然後追睇到第四回，以為主角好X老土咁特訓成功，變成超強戰士進行復仇；
點知去到第四回再戰巨人，同第二回一樣，又係死一大堆人之餘，仲要連主角隻腳都被咬斷兼吞埋落肚，果陣仲好記得心裡面一路咒罵作者點解可以咁狠心將一個舖排幾個月嘅主角殺死，之後又諗係咪會永續輪迴呢套冚家剷戲碼，甚至一度諗過放棄唔睇。
一直去到第七回──記住當時嘅第七回唔係你網上Click兩Click就睇倒，而係足足三四個月後（中間仲好似隔多回外傳），跟住就出現咗進！擊！的！巨！人！
然後去到第九回（又係兩三個月後），雖然都大致上估到，但終於見倒艾倫復活──我永遠都唔會忘記揭到進擊的巨人最初出現果頁，同埋Mikasa攬住佢果刻果種心情激動，因為相比起復雜嘅人性刻劃、宏大嘅伏線舖排，少年漫畫真正嘅吸引力就係呢種感動呀！
要講進擊的巨人偉大之處，當然再寫十篇都講唔完，所以呢度只集中講艾倫最後嘅抉擇：艾倫容許佢嘅戰友保持思想自由，將佢地迫到別無選擇一刻殺死自己。然後Mikasa本身因為係阿克曼族受到基因制約，天性就係以保護皇族為己任，但基於艾倫對於Mikasa渴求終結自己生命嘅渴望，令佢響愛情嘅支持下強行擺脫先天制約，完成艾倫嘅心願。
然後尤彌爾面對住Mikasa「School Days」式結局竟然笑得出嘅謎團：原來就係因為尤彌爾對艾爾迪亞王嘅愛，另佢一直無辦法擺脫命運嘅枷鎖，但Mikasa卻以身作則，展現愛並唔係一定係為咗守護愛人條命，自由有啲時候係比生存更重要。
所以當唔少人將《進擊的巨人》同《叛逆的魯魯修》個結局作比較（再加少少《All You Need Is Kill》/《小圓》輪迴元素），因為艾倫同魯魯修同樣係將自己化身成魔王，最終令自己啲戰友／密友成為拯救世界嘅英雄。《魯魯修》作為經典已毋庸置疑，艾倫嘅諗法亦的確有相似嘅影子，但巨人結果更再多一重對於自由同宿命嘅矛盾掙扎：艾倫一直追尋自由，進擊的巨人卻令佢窺見未來，然後佢發現自己能力所限之下只能跟隨宿命而行。
不過艾倫始終無辦法擺脫宿命，但佢嘅戰友可以，所以只要艾倫一死，巨人之力消失，安排好嘅歷史就能夠重獲自由──呢個大概就係艾倫（奇異博士？）響腦入面演練無數次後得出嘅結果。
當然，我嘅解讀未必完全正確，甚至乎老實講我都唔係幾鍾意呢個結局。尤其有關艾倫窺探過去能力同改變歷史能力都寫得非常混亂，要沈澱一輪兼睇埋動畫版結局後，會再有新體會都唔定。但響之前好一段左膠大愛嘅前奏舖排後，而家我已能夠接受《巨人》以呢種方式完結嘅現實，亦無損我感謝諫山創呢11年黎帶比我閱讀嘅快樂同思考上嘅啟發。
《進擊的巨人》，就係神作。
下一篇，將會解讀50年地鳴、吉克安樂死、艾倫80%滅世計劃嘅政治博弈，請請。
復活的魯魯修漫畫 在 夏洛特【《復活的魯魯修》！還有人記得這部電影版 ... - YouTube 的美食出口停車場
【反叛的 魯路修 】他, 才是邪道動畫的天花板! · 【SHINN動漫人物譚】無雙主角型反派樞木朱雀CODE GEASS 反叛的 魯路修 · 【凉风】一口气带你回顾叛逆的 鲁路修 ... ... <看更多>