感謝今日頭條日報的報導...
"舊愛王宗堯：點可以咁做人？ DaDa玩嘢累街坊"
<<頭條日報>> 2013年9月13日 (http://www.hkheadline.com/ent/ent_content.asp…)
一句有病唔玩，DaDa（陳靜）自覺有理失蹤，連累錢國偉旗的電影《喜愛夜蒲3》要重新洗牌，車邊留得低的師妹Mika（蕭美卡）和Celia K.（郭穎兒）被大幅刪減戲份，舊愛王宗堯更慘被叮走，唔嬲就假，他說：「無《夜蒲》DaDa都無今日，做人要飲水思源，點可以咁做人？」無工開唯有身為下月1日的拳賽狂操，見他出拳踢腿動作流暢利落就知，要成功就要衝。採訪：彭燕燕 攝影：李權威
DaDa玩，令《夜蒲3》臨門撻Q要重組，有傳監製伍健雄嬲到紮紮跳，落order要錢國偉「做」，先欽點擁35D澎湃上圍的港姐許亦妮上馬擔正，再將DaDa師妹Mika和Celia K.兩女淪為閒角，沾得上關係的都走唔甩，舊愛王宗堯更慘被叮走。
「點解幫阿彭？」
嬲到冇講的王宗堯耷低頭繼續等機會，對被踢出局一事大呼無癮，說到DaDa選擇性復工，他即按捺不住說：「講真，無《夜蒲》都無《低俗》，點解幫阿彭（彭浩翔）都唔幫肥仔（錢國偉）？係肥仔第一個搵我拍戲，做人要飲水思源，點可以咁？我同DaDa同一條線的，飛走我都係在所難免，算啦，大家都係想為部戲好，既然有時間就出戰拳賽操Ｂody，現在一星期三日，操Fit，下部戲可以露。」
出戰拳賽狂操
王宗堯出戰的拳賽是由香港泰拳拳王向柏榮主理，過往多以泰拳、散打、西洋拳實戰稱霸，下月１日的拳賽則引入日本的「立技綜合格技」，是混合拳擊和MMA作賽，玩拳、膝、肘、摔技巧。
當晚所見，王宗堯操到氣喘，但仍拳拳有力狂打沙包，同樣會出賽的陳蕊蕊亦有板有眼，她說：「我初學不久，但會上台作賽，因本身有舞蹈底，要操都唔難，係辛苦少少，應該無問題的。」
彭浩翔q仔 在 thread:[新聞] 彭浩翔展身手香港仔偷窺秘密- movie - 批踢踢實業坊 的美食出口停車場
‹ 看板
精華區
最舊
‹ 上頁
下頁 ›
最新
... <看更多>