《快樂是如何傳遞的？》
壽司郎，係排隊既代名詞，除非你開店前就去等，唔係你排返兩三個鐘都唔出奇。
尋日我第一次排佢，同外父外母食飯，咁啱見到，心諗不如試一試啦，拎飛既時候，202號，屏幕上顯示既係50號，以佢60張枱，60分鐘用餐時間，減去拎完飛唔等既人，相信真係要等佢翻兩至三輪，即係2－3個鐘先到我。
搵左個位打住機咁等，老婆同外父外母去行街，我就靜靜咁等叫號，突然間有個女仔問我，你係唔係四位啊？我話係，佢遞左張飛比我，話比你啦，我望一望，係一張163號既飛，佢話之前拎完飛要等太耐去左食第二間，張飛留比其他人，我講完多謝佢就走左，求奇比個人，而好彩既就係我。
最後我等左個半鐘終於排到我，心懷感激咁入左去。
然後食食下時聽到我張飛叫到，我即刻行出門口，搵左一班等緊四人位既，將張飛比左佢地，等佢地可以唔需要等就入去。
我唔知呢四個人拎既飛，會唔會再傳比下一個，但至少係我呢個層面睇，上手既人佢幫人得到快樂，而我唔需要等亦得到快樂，比下一班人佢地種感激係好明顯。
呢一日，至少有三班人會因為呢個行為而比平時開心左。
有時候我地得到突而其來的幸運，有能力既話，可以將呢種幸福傳播開去，或者你可以令一個氣餒既人重燃希望，令一個疲倦既人回復精神，令一個失望既人再次覺得呢個世界並唔係咁冷酷無情。
－－－－－－－－－－－－－－－－－－－－－－－
之前訂了《老婆最後的十二個難題》既讀者，我應該全部都聯絡晒你地了，如果未搵你既，請留言！！
有朋友留言比我，話我好蠢，從未見過有作者會放晒成個故事先再賣書，唔……其實都有唔少呢種蠢人既，我係因為拖太耐先至內疚地放晒全文咋：p，如果我寫得快，下次就未必會放晒喇！！！！！
未睇過既朋友，唔好走寶，全書免費既《老婆最後的十二個難題》
連結如下（其他回數請爬文爬留言，應該有下回連結的）：
https://bit.ly/37UXIw5
張飛老婆 在 [討論] 張飛的老婆... - 看板Chan_Mou - 批踢踢實業坊 的美食出口停車場
照《三國志》的裴注，在衣帶詔的事情前後，應該有張飛在山中遇到夏侯霸的妹妹才對，
可是都在拔水筆仔打關渡了，
怎麼這一事情就被隱藏呢？個人以為這相貌姣好，是個不錯的投資啊！
--
※ 發信站: 批踢踢實業坊(ptt.cc)
◆ From: 114.44.17.61
... <看更多>