Boy’z 嘅 Steven 兩年前爆出桃色醜聞，搞到無得做演唱會，事業受影響。佢之後同粉絲雯雯結婚，而家有兩個仔。不過近日雯雯就喺 IG 鬧爆 Steven 唔幫手，點知俾 Steven 朋友「o靚模Naomi」睇到，質疑佢地點解有錢請遮遮同買電器，大爆原來 Steven 曾經問佢借五位數但未還。
Naomi 話：「勁 L 嬲，有錢請工人，有錢買新電器，無錢還翻比我？我唔想詛咒你，但你一定會有報應！」「19年7月借，拖到而家都未還，我真係好失望。」Steven 今次化身「阿偉」，原來唔單止問 Naomi 借錢，仲有阿 Bob、張彥博等圈中人，憑佢本事，借借埋埋都差唔多六位數。
龜頭 Bob 證實事件，佢就話無追過 Steven，體諒對方經歷緊低潮時期：「幾次加埋幾萬蚊囉，暫時未還，知佢一家大細要養，係唔容易嘅。」阿 Bob 話盡點心意幫朋友，希望佢可以過到呢關，叫佢日後努力工作還晒錢就可以重過新生活！
Steven 晏晝都喺社交網回應事件，佢承認工作停晒，完全無收入，但要養家，迫於無奈要問朋友借錢，向佢地講對唔住。疫情期間，佢話做過好多唔同行業，但俾人炒過好多次：「喺嚟緊嘅日子我一定會盡力去工作還錢畀你哋！希望大家可以畀啲機會我，同埋畀啲時間我，我一定唔會再令到大家失望！」
張彥博ig 在 張彥博 - Facebook 的美食出口停車場
張彥博 ， 香港。 129200 個讚· 145 人正在談論這個。張彥博Official Page 工作聯繫： Email：[email protected]. ... <看更多>