https://www.patreon.com/posts/55758304
【熱血公民鄭松泰列傳（下）：熱血公民解散！真正蓋棺定論】
上次先講話寫完（中）呢篇，有關熱血公民嘅分析經已去到八八九九（熱血時報則未開始），點知轉個頭鄭松泰竟然直接宣佈熱血公民解散，變相令到呢個系列真係要去到「蓋棺定論」，唔寫唔得嘅地步……
首先當然要講，明明鄭松泰前幾日仲講笑咁講「過幾年過四十歲都仲可能出黎選特首」，點解才不過兩日，就直接宣佈成個政團解散，呢個當然係響佢同黃洋達內部評估風險後嘅結果：當無論李家超、謝偉俊（契弟）等高官及建制派皆講到熱血公民反中亂狗罪無可恕，完全唔似民主黨咁「網開一面」、處處留低「改過自新」空間；
當中共一方姿態咁擺得咁更強硬，鄭松泰要考慮嘅經已唔單止係自己仲有無得選，而係要考慮到旗下兩個區議員如果繼續從政，會唔會最終被追討過百萬薪酬而破產、甚至最終被劃為非法組織追究所有成員刑責，解散政團可以話係完全符合損管（Damage Control）後最理性嘅選擇。
為咗寫呢篇文，我係一連聽咗幾集熱血時報相關話題嘅節目，似乎「去政治化」將會係佢地未來嘅發展定位。
不過熱血公民解散，熱狗卻唔會消失。點解共產黨容得下爛鴿、卻容不下熱狗？究竟熱狗往後發展會係點？留番響內文繼續講。順道亦都會答番下之前網友問嘅熱狗相關問題……
//同如我之前所講，一般人其實唔係好分得清熱血公民同熱血時報嘅關係，但如果我將熱血公民比喻為民主黨／社民連、而熱血時報比喻為劉細良／花膠台，我諗大家就應該比較容易Get倒個意思//
建制派意思 在 ABC中文- “建制派”... 的美食出口停車場
建制派 ” （pro-establishment）这一名词并非专指香港亲北京的政治派系。其广泛意义在于“支持主流、传统，主张维护现有体制的政治势力”。在美国政治中，就有“民主党建制 ... ... <看更多>