【土耳其 🇹🇷 棉花堡】好細個已經聽過「棉花堡」呢個地方，康泰、新華、永安啲團都以棉堡為主打，好紅㗎喎（當年）。但係呢個旅遊勝地好似聲名沉寂咗好一陣子，就算呢次我去土耳其本來都無認真諗過去。點解呢？
.
Pamukkale響土耳其西南部，土耳其話裡面真係「棉花堡壘」嘅意思 - 你Google吓啲圖就明點解㗎啦，嗰度真係好靚（當年），一個個雪白嘅水池沿著山崖一層一層梯田般不規則排列而下，裡面載住淺藍色溫泉水。質感看似棉花咁，實則硬到爆，因為係1萬4千年來含有碳酸鹽嘅溫泉水鈣化累積嘅結果。1988年已經被列入世界文化遺產啦，因為再唔保護就玩完。
.
六、七十年代土耳其人「聰明地」籍著發展棉花堡旅遊業而發大財, 全世界旅行社都大賣呢個旅行團。酒店建響景區內，溫泉水被用嚟填滿酒店泳池，自然水池因而乾涸；酒店排出嘅廢水令白色嘅岩石上出現褐斑；佢哋仲響棉花堡直接興建機場跑道；遊客們著住鞋直接響棉花岩石上行走，響天然溫泉裡面用含化學成分嘅番皂沖涼洗頭，甚至揸電單車上落應該被保護嘅岩石山坡。
.
就係咁，棉花堡被列為世界遺產嘅時候，已經被破壞咗。土耳其政府隨後加強保護措施以恢復棉花堡嘅本來面目：拆酒店、起假嘅人工水池俾觀光客參觀、勒令遊客赤腳進入景點、抽乾有褐斑嘅岩石水池嘅水以便陽光暴曬令岩石變番白（所以而家天然水池都係乾嘅）。
.
1萬4千年嘅成果，幾十年就俾我哋現代人玩完。破壞力真係一流。好彩水池樓上嘅希臘羅馬古城Hieropolis無咁紅所以無咁多旅客，保存得好好呀。記住上去睇。
.
我黃昏去，見天色咁靚又無乜人，梗係玩吓chok啦。Click上「🇹🇷火雞樣」Story回顧有無聊教學。
.
點去：
由Denizli去棉花堡搭巴士只需₺5，即係HK$7左右，車程約30分鐘。跟我行呢就係由Selçuk（去咗Ephesus古城先）前往Denizli，3個鐘巴士亦只係₺36 = HK$50。
.
最好響棉花堡瞓一晚，咁就可以上午或者黃昏去 — 因為有好多旅客都join一日遊，都會1點到達5點前離開。盡量避開佢哋啦，煩死你。
.
.
.
.
.
.
.
.
#豁出去漫遊不通知親友 #土耳其 #伊斯坦堡 #歷史遺址 #世界文化遺產 #棉花堡
.
#旅遊 #旅遊攻略 #旅遊日記 #旅遊達人 #旅遊資訊 #女遊人 #女遊神 #hongkong #ilovehongkong #hkig #hkstyle #hkigers #hongkonger #hktraveler #周圍移
康泰 一日遊 在 康泰旅行社Hong Thai Travel - Home | Facebook 的美食出口停車場
... <看更多>