《讀者投稿》長篇，最後部分
中間我因為媽咪入左醫院，番左香港。呢段時間奶奶不停游說我老公做養雞生意穩定，奶奶當時已經入左股做大股東，話隔離有塊吉嘅田地可以俾我。
咁我地兩公婆商量好就決定試試養雞，我自己加埋自己媽咪都有出錢，不過唔夠奶奶加老公出得多，比例係我1奶奶佢地3，我自己有再剩少少錢當中間冇收入做生活費。
當我決定我地要養雞，我就有考慮奶奶會插手俾好多意見，一定會成日嗌交，所以我同老公有做好心理準備一定要同奶奶好好磨合盡量溝通清楚唔好大聲嗌交。
我地喺雞舍隔離起左間鐵皮屋仔，當初係奶奶極力游說我地一定要起呀，養雞好辛苦唔好浪費時間喺交通上面而且又危險，我當初好反對因為起屋好浪費錢；塊地係租唔係自己；而且我寧願買部屬於自己二手車，唔洗下下問奶奶借車好唔方便，本人有車牌但奶奶唔俾我揸佢部車。我本來想喺附近租屋，但搵唔啱心水，奶奶又不停催，最後我委協起屋。由設計到用料我老公用左唔少心力，因為佢好想俾到一個家嘅感覺俾我，雖然唔算好豪華但係入面由舖地板、所有傢私、電器都有齊，地方亦有十五砰，我好滿意亦好多謝我老公。
當然呢間屋仔洗左唔少錢，中間亦老公同奶奶有嗌交，第一奶奶覺得唔洗裝冷氣，因為唔熱，實際其實好q熱，奶奶次次去都朝早逗留一陣梗係唔熱架，我同老公因為要跟工人進度、搬傢私、執屋，冇冷氣之前日日朝八晩六，熱到出汗斑、中暑，鐡皮屋真係好悶熱加上我地新手開錯窗位置熱上加熱；第二奶奶覺得地板唔洗鋪，石屎地咪得囉，打掃又方便；第三奶奶話因為風水廁所沖涼應該起喺屋外面；傢私唔應該買新，應該用佢台北成十年冇打掃洗過嘅梳發、床架、床槈、電視等，梳妝枱幫我搵到核突二手嘅⋯⋯我知道奶奶係出好多$，但問題係我都有份俾$，住係我二十四小時住，唔係佢地，而且我計過呢筆裝修傢私錢係完全我自己呢邊出，究竟點解佢仲要咁多意見？我媽咪都想我住好d，成日問我唔夠$佢再資助我，點解奶奶唔可以係咁？
我唔係要豪華裝修至少一d我認為基本自己有負擔到最抵的情況下去做呀，完全唔理解奶奶咩居心（奶奶而家個屋企係租嘅，共三層，地下係前舖後廚房再加廁所沖涼，二樓係四間睡房，三樓係天台，屋企租二十年冇冷氣、四圍舖滿灰塵、隨時有蟑螂、老鼠，廚房簡直係蟑螂樂園，超級多蟑螂爬來爬去，好唔衞生亦冇見過佢地打掃，係長連累月堆積雜物、冇打掃而成，我有諗過打掃當時不過老公勸我唔好，因為兩老會覺得老馮、而且衞生態度唔會變勸我唔好開頭 ，我後來就剩係掃地、掉垃圾同洗碗洗廁所，有次執屋，奶奶同我講佢最驚最唔想做係大掃除因爲自己完全冇呢個心力心思，佢寜願去諗點樣賺錢、做咩生意好。）後尾我老公都堅持自己想法，唔聽奶奶所合謂嘅意見，奶奶心裡面已經睇唔順眼我地，開始不滿。
因為奶奶開始不滿，同合股嘅養雞師父吐苦水，包括我地開車去大賣場買至抵電視、裝冷氣、舖地板、我地有問哥哥借錢、奶奶自己出太多錢我地度覺得後悔，寧願將筆錢擺公司投資等，養雞師父亦唔係好人，好多工程經佢介紹經佢俾錢，中間佢有袋錢落自己袋而我地唔知，而且聽聞佢喺外面負債累累，個洞愈來愈大所以先落隔，而且係唔少錢奶奶自問一世英明唔會睇錯人十分信任養雞師父，甚至做到對住我同老公講一套，轉頭同養雞師父講完討論完又聽晒人地講，養雞師父話我地唔識做人、唔主動打招呼冇禮貌、哈主動等聽晒佢講鬧我地唔上心，我地當時真係好嬲，而且雞舍起太豪華，筆錢多過鐡皮屋仔好多，基本上用八分之一嘅錢可以起到足夠500隻走地雞生活！後來我地識唔少當地人根本個個一聽養雞師父大名耍手擰頭，係一個過街老鼠人人喊打，出名做生意唔老實、成日呃錢借錢，問十個有十個都咁答，奶奶堅持己見，話人地講咩唔會信勸我地慳d!
後來真正反面係養雞師父周圍同人講我地冇出錢、全靠奶奶同哥哥出錢，同大家講唔好接我地工程，我老公一聽到火都黎立即打俾奶奶問清楚，問佢有冇同養雞師父講過，我覺得奶奶反應亦好令我懷疑，佢答我老公而家咩意思、係咪質問佢、邊個同我老公講呢d閒言閒語？仲話好失望乜乜乜之類，不過佢並冇答我冇講過，我心裏好肯定奶奶一定同養雞師父講我地壞話甚至只有我地先知嘅錢銀分佈，我好驚訝奶奶其實自打嘴巴，佢首先就唔信我老公信一個外人，而且仲講咁多家事俾外人聽，而我老公係好要面嘅人，佢覺得唔可以再忍受奶奶為人處事特別係自己生意之後要聽奶奶之笛，所以決定攤牌，要求奶奶唔好再挿手我地兩公婆養雞事業，佢唔同意仲話俾番$我地叫我地扯，佢寜願要賺錢都唔會信我老公，只信錢！！！我同老公都好傷心，已經差唔多反左面兩個月，哥哥出面調停，而家算係反曬面冇聯絡⋯⋯
我真係好怨恨奶奶所作所謂，究竟知唔知自己做緊乜，佢搞彎曬所有打算、亦嚴重扭曲我老公咁多年自我肯定價值觀，而家我每日好努力安撫老公情緒而我地準備去打工，希望唔好再有類似情況發生。因為呢件事我真係好憎我奶奶，佢真係好乞人憎！！！
＃我的極品四大長老
床槈 在 Silver舒適床褥 的美食出口停車場
SILVER 舒適床褥 特厚款雙人床褥，厚度達22cm 天絲面層（可拆洗）,吸濕/透氣/柔軟絲滑 獨立獨立彈簧,九區護脊/平均承托 雙人款4尺x6尺特價$1888 ... <看更多>