#帶埋寵物一齊烚下烚下
#芫茜迷一定要試
依間火鍋店好值得推介比有養寵物既朋友，可以帶埋寵物🐶🐱一齊黎烚下烚下你話幾咁幸福呢❤️！雖然我依家無養毛孩，咁帶小孩黎一樣食得開心😂
位於尖沙咀山林道既 尚上下夏 - 養生雞煲火鍋 主打雞煲火鍋🥘，如果係芫茜控更加要試☘️，因為新推出芫茜湯底同多款芫茜配料，都幾特別。我哋先食雞煲🐔，佢有剩雞胸或雞髀肉揀，無骨啖啖肉小朋友食岩晒，因為要就QB就揀辣醬另上。即使唔辣既雞煲本身已經好惹味😋，個汁濃稠度岩岩好，我地揀雞髀肉無骨食得好爽，雞煲內仲有豬皮，索左啲汁勁好味。店長知我嗜辣🌶，專登比左碟地獄辣醬比我，嘩！唔講得少，真係噴火🔥，不過又好過癮，建議柯打埋冰凍自家製洛神花茶🥤, 酸酸甜甜，解辣解膩岩晒👍。
食完雞煲加湯底做火鍋，今次揀咗鴛鴦湯底，分別係 #龍蝦湯🦞 和 #美顏豆腐牛奶湯。不得不讚龍蝦湯真係好香濃，就咁飲都已經好好味🤩；豆腐湯就清啲，加落雞煲就啱啱好啦！配料必食推介係 #芫荽牛肉卷，即使唔食芫荽嘅老公都大讚配搭清新💚，輕輕一灼，牛肉嫩滑芫茜爽嫩，絕對係成餐飯既亮點✨；#黑豚肉 🐷都好唔錯，無牛肉咁肥，有口感唔會韌又夠肉味；丸類都好有新鮮感 #甜心墨魚丸🦑，原來入邊係 #美祿流心🍫，鹹甜交替，真係好特別；仲有咖啡墨魚丸都好想試呀！
其他值得一試嘅仲有 #蝦膠讓鮮冬菇🍄 #千葉冰豆腐，加埋 #韓國年糕 索埋啲湯再食，煙煙韌韌真係好滿足🥰。
**************************
尚上下夏 - 養生雞煲火鍋
尖沙咀山林道23號地下
**************************
⭐️外賣自取8折
⭐️下午6時前結帳離座火鍋、雞煲85折
⭐️外賣滿$1,000免運費（不包括偏遠地區及沒有升降機直達的樓層）
#尚上下夏 #雞煲火鍋 #芫茜控必試 #山林道 #petfriendly
帶埋寵物一齊烚下烚下 在 帶埋寵物一齊烚下烚下#芫茜迷一定要試... - Mini Bubble Corner 的美食出口停車場
帶埋寵物 一齊烚下烚下#芫茜迷一定要試依間火鍋店好值得推介比有養寵物既朋友，可以帶埋寵物 一齊黎烚下烚下你話幾咁幸福呢❤️！雖然我依家無養毛孩，咁帶小孩黎 ... ... <看更多>