我諗你哋真係當咗我ig係電台點唱站🤭好啦好啦，做返啲嘢啦，費事俾大家嫌我懶。呢首森林當時出果陣，都有被人話抄歌，又話有人代寫，可能係唔覺得一個18歲嘅女仔寫得出掛？作為一個戀愛大過天嘅少女，每次寫歌都會俾另一半先聽為快，當年嘅另一半，即係我個前度，俾咗好大嘅信心我，都俾咗好大嘅空間我去做自己想做嘅音樂，講真，佢好似喺森林入面放緊一隻風箏，不停咁放線等我可以飛得再高啲，不過好可惜我次次都食唔正個風，結果越飛越低，撞落啲樹度，穿咗好多窿窿。
結果，我因為佢嘅一句「你唔係覺得自己攞到獎呀嘛」拉返落嚟。
後尾大個女先知道佢唔係拉我落嚟，而係剪斷咗線，放飛咗我，佢份人真係幾好，當時我寫咗好多撕心裂肺嘅歌，但無拎出嚟，然後又一陣風吹嚟，我飄咗落海，茫茫大海，我被人再一次撈起。佢將我放喺佢嘅船上面，帶我去睇呢一個海洋有幾大，天空有幾寬，無迫我再去飛，直到佢慢慢填補返我身上嘅窿窿（咦，呢個比喻好似錯錯哋）佢先拎返我出嚟，問我，你飛得起未呀？我搖頭，我無信心呀，廿九歲人，滿身傷痕，真心，攰。但係佢鼓勵我做返啲嘢，想幾時做就幾時做，唔想做就唔好做，嘥幾多時間都得。
因為佢始終相信，無咗個森林，我仲有個海。
呢首森林，俾返個初心自己～亦多謝我嘅船長，願意帶我出海，願意俾我停靠，願意為我遮風擋雨，呢段時間多謝你幫我擋💛。更加多謝不停點歌嘅你哋，願意包容我呢個任性嘅小朋友，願意等，願意聽我嘅歌。
#希望今次無被人話抄啦
#最多抄歌名 #我成日凌晨出歌
#希望早起嘅鳥兒可以有蟲吃
#我呢條懶蟲會遲啲起 #怕被吃
#歡迎你哋留言like同埋share
#comment
#like
#share
#謝謝大家
希望早起嘅鳥兒可以有蟲吃 在 早起的鳥兒有蟲吃！希望利卡不會睡過頭... #初見歓迎 - YouTube 的美食出口停車場
M.E.所屬EXITUS－利卡洛斯早安呀~ 我是利卡⁽⁽ଘ( ._. )ଓ⁾⁾很高興認識你唷！ 𓅃 Sponsor me 𓅃給利卡吹冷氣的錢錢霸拖不然利卡要變烤雞惹 綠 ... ... <看更多>