「山雞嘅情海翻波」
－
唔知大家鍾唔鍾意睇90年代盛極一時嘅古惑仔系列呢？而可能由細細個開始父母就帶我入場睇古惑仔既關係，古惑仔電影係本人最愛嘅電影系列之一，當中嘅義氣、輕狂同有型實在令我非常沉迷，而我最鍾意嘅角色就係「山雞」—趙山河。
－
睇古惑仔，好多人鍾意睇陳浩南，但我就覺得佢實在係太理想英雄化，性格太正面，根本唔似一個有血有肉嘅人。而我就特別喜歡山雞呢個角色，原因好簡單，就是因為佢夠真實同埋夠立體。試問有邊個男人唔咸濕？由人在江湖嘅第一集開始，廿八座大王已經喺樓梯底偷睇緊學生妹裙底，去到大個仔，更加係攬女無數，風流生性，甚至為咗一夜春宵，喺澳門扔低班兄弟風流快活，最後痛失兄弟巢皮。
－
但風流成性既背後，往往係有一段刻骨銘心嘅故事，山雞亦唔例外。原來曾經有一份真誠的愛擺喺他的面前，但佢無珍惜到，等失去果陣先後悔莫及，想追補的時候為時已晚，塵世間最痛苦嘅事莫過於此。
—
同梁詠琪嘅感情係建構山雞人格最重要嘅元素，二人識於微時，青梅竹馬，明明相愛但偏偏要陰陽相隔，差啲成婚，人生差啲完全改變，就係差啲，山雞就會金盤洗手，修心養性，生兒育女做個平凡人。
—
趙山河痛失一生最愛，風流只係佢嘅面具，佢把悲傷都留比自己，佢唔想再次傷害自己嘅女人，唔想再次失去，選擇獨自沉溺。
－
其後，山雞喺生命中遇到個幾個重要嘅女人，面對丁瑤，喺中台黑社會複雜嘅關係下，山雞被所愛的女人出賣，忍痛開槍咗對方；面對莫文蔚，山雞知道自己始終都係一個黑社會，佢唔想牽連對方，唔想連累牧師個女，係一種若即若離嘅感情狀況，唔想承認與莫文蔚的關係。山雞嘅眼入面就只有江湖事，喺三聯幫努力，亦擊敗咗山蕃，成為了屯門嘅揸fit人。
－
情歸何處？最後山雞選擇咗迎娶日本山田組頭目嘅女兒菜菜子。江湖事江湖了，妻子都係江湖中人比較好，但都係避唔過被強姦嘅下場，可能呢個就係黑道中人嘅命運。
－
山雞表面上對感情唔專一，但實際就係鐵漢柔情，飽歷情傷嘅一個人物，有住好多唏噓嘅過去，唔知大家又鍾意邊個角色呢？
山田組 在 [Vtub] 今晚風真跟鷹嶺初次線下連動- 看板C_Chat - 批踢踢實業坊 的美食出口停車場