[是日好歌🎶]
尋日提及過 #童話系列 既歌，
當然唔少得呢一首「小矮人」啦～
呢首歌無論旋律同歌詞都係充滿著童話故事既色彩，
而且隻歌個故事係非常甜蜜架～😘
呢首歌既作曲人同「大男孩」一樣都係Alex Fung，
而編曲都係Billy Chan，
所以都係有著浪漫同戲劇感既feel，
配上管弦樂伴奏，
過場音樂既小提琴聲/鼓聲/琴聲更營造一個天馬行空世界。💫
而歌詞中談及既就係「白雪公主」故事既主人翁公主同小矮人，
眾所周知個故事係公主最後同王子快快樂樂地生活下去，
但又有冇人諗過其實小矮人一直守護著公主，
幫助公主渡過一切難關，甚至收留公主幫助佢，
換來最後王子乜都冇做過淨係錫左公主一啖就可以長廂廝守？😮
公主咪淨係當D小矮人係兵？😥
不過呢首歌就唔係從「兵歌」角度出發，
反而係講小矮人一直好自卑地仰慕公主，
覺得自己配唔上公主，身份實在太懸殊…
但公主竟然不介意小矮人既高矮與身世，
仲同小矮人譜上戀曲，幸福快樂地在一起～💖💋
呢首歌令大家明白到，
唔需要介意自己既任何缺點，
只要要欣賞自己，都會搵到欣賞你既人。😊😚🎊
Patrick真係唱得超sweet呀～～～😍
同埋MV入面送花果幕真係冧死女～～～😍
呀～小編要暈了～❤️💙💚💛🧡💜
#你竟願破例送給我藍玫瑰🌹
(By: 小編阿妹)
小矮人
作詞：林若寧
作曲：馮翰銘
編曲：馮翰銘/Billy Chan
太高 亦美麗 最矜貴 藍玫瑰
你似是 童話公主多高貴
太矮 在歎謂 我身世
明知身份有次第 如像你身旁白蟻
縱使坐在谷底 也入迷 難估計
化身做 迷了路 笨小孩
兩腿踏著天梯 終於也可高攀你
向上爬 就讓那距離拋低
* 在世間有傳奇 也都多得你
用我的好心地 令你驚奇
學企起說傳奇 就算高矮都不理
無論我 站得雙腿力竭筋疲
圍著你 從此不必信命理＊
你竟 願破例 送給我 藍玫瑰
去兌現 神話當中的真諦
你竟 願送遞 你一切
皇冠閃閃太美麗 誰料我可隨便戴
兩手並未枯萎 我入迷 難估計
你左右 和背後 被包圍
縱使掉落天梯 即使我多麼不濟
跌下來 亦在我愛人心底
Repeat *
在世間有傳奇 也都多得你
用我的好心地 令你驚奇
學企起說傳奇 就算高矮都不理
鳴謝你 全身彎低力竭筋疲
圍著你 從此不必信命理
來讓我 自卑當中有運氣
明白到 肥矮高挑也是美
