［真，外資切尼！］尚格雲頓君臨天下！即時諗起佢個貨車一字馬廣告！呢個就真係重量級外資啦！
尚格雲頓都香港買樓，樓價點會唔貴？不過機會嚟啦飛雲
但，好似「慈善啤王大賽」咁，有入場費。想坐低睇牌？五百萬本票先啦。記得搵個有財經常識嘅人睇下先，唔好入去篤住個鼻話「埃汾兩個字都唔止值五百萬（越南盾都唔值）」
又，佢老哥都真係拍好多戲，最經典嘅 拳霸天下（Bloodsport）我電視睇。
然後就係1994年我同同學在美麗華戲院（而家諾士佛階），睇 真人版Street Fighter 電影，尚格雲頓擔正，飾演軍佬（唔通做阿隆？）。但原來做Cammy嘅係Kylie Minogue，當年都唔知。本片真係爛撚到仆街，但十分收得。
打後佢老哥啲片，多數都爛（邊套唔爛？），冇乜在香港上，甚至直接出錄影帶
倒係2008年，勁咯，佢老哥套戲，在香港國際電影節上！套戲就叫JCVD（正係佢個名嘅縮寫），中譯「玩殘尚格雲頓」，相當不錯，出面都好評的。當然票房就仆直。但尚生冇所謂啦。
又同場加映，亦都係1994咁上下年代，亦係在美麗華，亦都係嗰班中學同學，我地去睇王晶嘅「超級學校霸王」。亦係爛到仆街，甚至冇拎版權。所以只有掃把頭張學友沒有軍佬張學友，只有TOYOTA沒有E HONDA。仲要有埋叮噹有埋龍珠角色，絶對香港精神。
不過可以講，係爛到變cult片，我地而家都仲講緊春麗老母到底咩乜名（唔劇透）。當然識睇梗係睇劉小慧（同楊采妮，why not both）．
而呢套咁有香港精神嘅戲，當然係有阿叻份。後生未睇過嘅小朋友，記住睇，畀你睇下回歸前嘅港產片係咩回事。睇到「春麗老母到底咩乜名」唔屌一聲嘅算你叻。
