Search
DKLM Bar & Restaurant
地址：尖沙咀金巴利道40號MW Plaza 2樓
去拍拖拖，假日中午我地都鐘意食西餐或cafe 飲下咖啡，無咁heavy 寫意地慢活感受一天。
除chef special午市套餐6折起，本身lunch set原價只係$78 起，折左平過食茶餐廳，仲可以有budget 多點個小食或甜品添
$88 德國香腸拼盤加炸著條，因為呢度有pool 桌球玩，成間野都覺得走酒吧路線，通常我去酒吧都點腸仔雞翼呢類小食。德國腸味濃郁，切成一口食用大小，薯條又夠脆。
$88 黑豚肉扒黑醋汁,有兩大塊伴炸著條，好抵食呀！肉汁豐富好咬口。
lunch 加錢跟飲品，有beer 添,$20 half pint beer，唔怕醉
餐廳偏向酒吧路線，仲有酒同shisha, vip房可以入去唱歌
最近同朋友去食晚飯，難得metime一下可以relax🤩我哋就揀咗位於尖沙咀諾士佛臺嘅Showtime Sports Bar度食晚飯飲下酒，我仲第一次食Shisha，食飽野可以一邊飲酒一邊Shisha嘆一嘆～
呢間Showtime Sports Bar環境唔錯，因為呢度係餐廳+酒吧，地方感覺好寛敞，唔似其他一般酒吧咁座位坐得好迫，而且位於諾士佛台龍騰閣3樓，仲有露台位置，室內同室外環境都一樣舒適，空間感很好，環境怖置好靚亦好有心思，仲有好多野玩，呢度有得掟飛標、打桌球、有多部電視，同朋友黎chill下非常正！
平時去酒吧嘅食物都係得啲普通食物，但呢度嘅食物質素比想像中好，而且選擇又多，仲係有正餐選擇，唔係只得小食揀👍🏻我地點餐就叫咗
兩個Main dish：
德國🇩🇪特色香腸拼盤配薯蓉及雜酸菜 $168
⭐️⭐️⭐️⭐️
每款德國香腸味道各有特色，有紐倫堡肉腸及法蘭克福香腸等，味道微辣配合雜酸菜食非常開胃😋
香煎美國極佳級肉眼扒拼薯菜 配意大利黑醋醬 $268 ⭐️⭐️⭐️⭐️⭐️
塊肉眼扒超大塊，肉質超軟多汁好juicy，點埋意大利黑醋醬一齊食，味道比想像中夾，伴碟嘅薯條係連皮炸個款，條條都薯肉飽滿，呢碟好飽肚又滿足，係抵食同必食之選！👍🏻
Snack:
水牛城雞翼$78 ⭐️⭐️⭐️⭐️
雞翼外脆，肉質軟滑，酸酸辣辣味道算濃！
歡樂時光串燒：⭐️⭐️⭐️⭐️⭐️
多春魚 $20/串
雞軟骨 $15/串
牛舌 $25/串
大蔥雞肉串 $20/串
雞髀菇 $10/串
所有串燒嘅調味整得唔錯，選擇雖然唔算好多，但都有肉有菜類唔同款式揀，而且餐牌又有其他食物選擇，所以我覺得串燒選擇已好足夠！串燒都是必食之選🥰
同朋友食飽飽就黎個Shisha一齊享受下，呢度嘅Shisha款式好多同好特別，有花香味、薰衣草味、清新果香菠蘿味🍍、荔枝味、西瓜味同伯爵茶味等，佢哋用上全鋼、不銹鋼等耐用質料嘅Pipe， 無炭味嘅Shisha食落好順口，更有特別設計嘅過濾器可以令煙量厚度增加👍
在場仲有位超靚女又專業嘅職員幫我地調味道，仲好用心咁教我點食😜今次揀咗用荔枝+伯爵茶+菠蘿口味調配Shisha，雖然我係第一次食，但已經愛上呢個Shisha，亦愛上呢位負責整Shisha嘅靚女職員😆❣️大家黎呢度一定要去搵佢呀😉
同朋友喺呢度傾計成晚都過得好開心，食物、環境、氣氛、所有職員都非常好，我俾滿分💯一定會再encore黎呢度🥰
下次我會再黎試埋佢哋嘅特色cocktail先❣️
📍地點：尖沙咀諾士佛臺10號騰龍閣3樓
@bar_showtime
Showtime
#showtime #showtimesportsbar #bar #barrestaurant #happyhour #dinner #chilltime #tst #tstfood #tstbar #tstbarrestaurant #尖沙咀 #尖沙咀酒吧餐廳 #尖沙咀美食 #尖沙咀好去處
食完dinner，見仲係8點几咁早，唔想番屋企住想揾d節目😉就去左NU AER Lounge同朋友一齊Shisha下🤩成個lounge好舒服有bar位、枱位、梳發位，仲有個整Shisha既bar位🥰依度既入口比較神秘，而且privacy比較高，喜歡靜靜地享受Shisha time既黎依度就啱la😘
小明Relax清單:
Shisha⚗ $320
今次依隻Shisha係加左Blueberry, Guava同少量既mint, 味道係甜甜地好清新，好喜歡佢好有層次感，唔會mix埋曬同一隻味，吸到最後有mint涼涼地既feeling，好fresh，几正啊😘
Ki No Bi Kyoto Dry Gin🍸 $118/glass
依隻係日本酒，酒精濃度比我叫既Annabelle高d，有枝裝同杯裝揀，飲落有少少苦苦地，再加上酒味，對女仔黎講strong左d，不過几啱男士飲🥰
Annabelle🍸 $98
女仔一定好喜歡依隻味🥰我就非常仲意la😍Annabelle係用Myer's Rum, Kahlua, Bailey's, Frangelico, milk, cream調成，我本身好仲意飲rum酒同bailey，再加埋奶同cream，甜甜又好creamy，仲有甜香酒味，簡直就好似dessert咁😋
Nuts🥜 $12/person
好脆脆既芝士圈，飲下酒食下nuts好chill😘
NU AER Lounge🍸
⛳地址: 尖沙咀棉登徑30號錦榮商業大廈地下
Nuaer
#nuaer #nuaerhk #lounge #shisha
《酒吧利潤點計?》 林鄭禁酒，酒吧點算?
酒吧為何賺到錢?
賣什麼酒最賺錢?
酒吧業主可以點?
內容 Summary
賣酒賺錢三大原因:
(1) 酒吧只需要小食牌照， 廚房可以細一半。
(2) 人手比一般餐廳少一半。
(3) 飲酒水一 high 可以重複好多。
酒水成本點計?
(1) 賣紅酒/白酒， 一般每支行規都係 markup 3/4倍。
(2) 支裝啤酒 markup 5/6/7/8倍。
(3)賺得最多是 Spirit 烈酒，markup 分分鐘幾十倍。
(4) Margin 最少是 draft beer。 每杯成本二三十蚊杯，happy hour 買一送一，冇錢賺。
(5) 手工啤酒 Craft Beer 成本仲貴， 因為產量少及唔放得耐。
賣酒佔餐廳利潤往往三四成，佔酒吧利潤九成以上。
呼籲全港業主幫幫酒吧，業主撐酒吧天公地道。
全文內容。。。。。。
依家企咗係尖沙咀諾士佛臺酒吧餐廳段，呢度嘅餐廳酒吧，正常市況，樓上舖租嘅十零萬，樓下舖租廿零三十萬。
昨日林鄭話全港禁賣酒，酒吧唔準賣酒，等如 Starbucks 唔比賣咖啡，一定大受影響!
如果你係酒吧業主，減租/ 免租啦，唔使講嘢! 大家都要為香港全民抗疫付出，犧牲! Me too.
酒吧可以分為 Sport Bar, 清吧， 拳手酒吧，Live Band 酒吧， 飛鏢酒吧，跳舞Club 酒吧，Gay Bar, Cocktail Bar, 專門酒吧，例如: Sake Bar, Gin Bar， Whisky Bar ，Shisha Bar 等。賣酒賺錢好搵個個知。 三大原因:
(1) 酒吧只需要小食牌照， 1000呎嘅舖餐廳嘅大牌就起碼四分一要係廚房。細牌，廚房可以細一半，坐客自然多啲啦。
(2) 人手比一般餐廳少一半， 一間酒吧，平均四五個人手就搞掂。慳返個廚房/洗碗， you know ... 好市時，又難搵又重皮。 洗碗人工仲貴過請補習老師。 因為好多人係為理想而做教育，但冇人喺為理想而去洗碗。
(3) 食個早餐快餐常餐晚餐，最多一人隊一兩個。 你唔會食十個豬扒飯。但飲洒 high 一 high，好容易一個人吹水一晚就飲成打啤酒。咁酒水成本點計呢?
賣紅酒/白酒， 一般每支行規都係 markup 三/四倍。來貨$150，就賣$500。
支裝啤酒賺再多啲，markup 5/6/7/8倍。來貨價幾蚊支。 例如嘉士伯，七/八蚊支左右， 分分鐘就賣四五十蚊支， 甚至乎再貴啲。睇間吧地段係邊度。 籣桂芳梗係貴過諾士佛臺，亦都梗係貴過屋村樓下間酒吧仔。
賺得最多應該係 Spirit 烈酒，即係酒精濃度較高嘅酒，例如 Vodka, Rum, Gin, Whisky, Brandy, Tequila 等。 一支 Vodka 成本可能低至$40蚊支， 加啲七喜加啲冰可以開到50杯， 你計計數啦，成本可能得嗰兩三蚊，就賣你50/60蚊杯，markup 分分鐘幾十倍。
Margin 賺最少可能是 draft beer生啤。 來貨價每一keg 即係每一桶酒就千幾蚊， 開到大約50杯，最衰嘅就係一開咗就要兩日內飲曬， 如果唔係好易變壞， 經常揼， 好嘥。 成本已經二三十蚊杯，happy hour分分鐘買一送一，即係等於冇錢賺， 但勝在銷量多。 近年好興嘅手工啤酒 Craft Beer 成本仲貴， 因為產量少及唔放得耐。
當然間間酒吧食肆定位定價都唔同， 好難一概而論。但一般來說，賣酒佔餐廳利潤往往三四成，佔酒吧利潤九成以上，總之酒吧唔畀買酒一定無得做。但為了全民抗疫，無辦法。
Come on， 業主大把錢， 呼籲全港業主幫幫酒吧，#業主撐酒吧天公地道。 減租，免租， 甚至乎送錢畀佢洗，畀條生路人行下啦! 全民抗疫，香港人，加油!
#酒吧成本點計，#林鄭禁酒
......................................
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
冇嘢嘅，食完燒賣沙嗲牛，開返支shisha交流下咁囉。 ... 是咁的，如果我私心整個平時最鍾意去嘅lounge既list ... 琴晚離開左cafe & bar之後就轉場支持返私竇啦 ... <看更多>
尖沙咀shisha bar 在 [Shisha系列]尖沙咀KABOOM Creamy shisha竟然唔伏?!! 泰式 ... 的美食出口停車場
本身抗拒creamy嘅我地都愛上左呢到嘅creamy shisha 決定左要再去多次試埋其他味! ... 2.3K views 6 months ago # 尖沙咀 # 尖沙咀 美食 # lounge. ... <看更多>