【#狂迷投稿】〈天外歷險記〉 文：Mack
—「深作欣二的科幻怪物片」
⁄⁄⁄⁄⁄⁄⁄🤖⁄⁄⁄⁄⁄⁄⁄⁄⁄⁄⁄⁄⁄👾⁄⁄⁄⁄⁄⁄⁄⁄⁄⁄👽⁄⁄⁄⁄⁄⁄
冇錯，就係拍《大逃殺》（Battle Royale，2000-2003）、《無仁義之戰》（Battles Without Honor and Humanity，1973-1974）、《起尾註》（The Triple Cross，1992）及《火宅之人》（ House on Fire，1986）等呢位日本大師級導演深作欣二。
.
係！你唔完全諗唔到佢會拍科幻怪獸片。回到當時深作仲未正式做大導演嘅時候，都係幫公司去拍賣錢嘅商業片，未完全係佢想要嘅拍嘅電影。
.
直到《無仁義之戰》（Battles Without Honor and Humanity，1973-1974）誕生，令公司對深作欣二信心係成個70年代可以話係最活躍，最多產嘅導演之一。多產得來平衡自己嘅水平，創造左唔少嘅佳作，仲要深作作品比日本最有權威嘅電影雜誌《電影旬報》入選年度十大電影之一。
.
講真，其實深作早期嘅作品，而其中呢一套真係好想講的，就係《天外歷險記》（The Green Slime，1968）。呢套我覺得真係唔錯嘅一套有Bloody片感，有B級Cult片味嘅科幻怪獸片。
.
不厭其煩都要講多一次，我對呢套戲嘅認識，係幾年前嘅某一日當我睇緊深作欣二作品列表嘅時候，就見到呢一套。
.
咁我當時就喺網上睇吓套片嘅預告片，我覺得成套戲裏面同外星人困獸鬥真係好過癮的，而且唔多唔少都有”血”嘅存在，一定係好癲，玩得好盡，於是我就急不及待，就網上搵人幫我買美版Blu ray，盛惠$169。
.
套戲當年日本東映同荷里活MGM美日合拍科幻片，而當時上映係有兩個版本，日本公映77分鐘，美國公映90分鐘，而我呢隻美版BD就係90分鐘嘅足本版。
.
其實個故仔就好簡單，喺太空總部探測到一個小行星，而太空站知道呢一個消息，就派咗幾多人就去呢個小行星探索。星球睇落去好似冇乜嘢，但原來地上發現一啲綠色嘅液體，而且仲會郁動郁動。本來呢一個星球比佢哋炸咗，卻冇諗過冇執手尾，身上仲黐住咗小小嘅綠色液體，喺太空裏面繁殖直到裏面全部人同呢啲綠色怪物困獸鬥。
.
當我睇嘅時候其實我認為成套戲係可以玩得好盡，當太空站裏面嘅人用激光槍掃射嗰啲嘅宇宙怪物，係可以更瘋狂，更癲都可以。甚至怪獸電擊人，係可以將電完人嘅屍體係可以溶溶爛爛核突都得。
.
覺得佢成套戲裏面嘅動作場景，係可以製造好血腥都得，可以去到盡。同埋嗰啲怪物如果認真睇，其實佢嘅設計都係好核突。龐大嘅身形，獨眼的核突樣子，下身仲有好多好多條嘅觸鬚，認真睇嘅話會覺得係核突之餘，仲會令你起雞皮的。
.
可能始終係合拍片，為商業上嘅考量，點都要忍下手的，免得去到太盡又驚啲觀眾承受唔到呢啲刺激。
.
除咗戲裏面嘅刺激之外，我有幾鍾意戲裏面嘅三位主角，兩個男主角Jack同Vince（Robert Horton飾演Jack，而Richard Jaeckel 飾演 Vince）同女主角Dr. Lisa Benson（Luciana Paluzzi飾演Lisa Benson ）。
.
鍾意嘅原因最主要集中寫佢哋三個人嘅角色關係，其中兩位男主角你會睇到佢哋兩個即使係大難當頭，做法上意見不合，但總會帶出友情嘅關係而互相相助，有一種男性嘅情意結的，深作喜歡寫男性嘅角色，就放咗呢個合拍片身上。
.
其實講怪物係宇宙太空站或者宇宙飛船嘅困獸鬥呢個設定，套戲可以講話係開咗呢個頭，亦都備受忽視嘅呢個設定，比《異形》（Alien，1979）更要早。如果套戲放喺深作欣二最活躍嘅70年代，可能成為咗呢一類設定嘅啟蒙。
.
可惜套戲當年嘅上映同埋評價，唔係咁理想，直接到而家評分高返少少，亦都有唔少fans為套戲作出嘅平反，再次俾人認識。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
小行星歷險記 在 小行星歷險記 - YouTube 的美食出口停車場
小行星歷險記. Home. Library. this is hidden. this is probably aria hidden. 小行星歷險記. DaiDai. 1 videoLast updated on May 25, 2021. ... <看更多>