Search
平日叫小小豬入戲院睇電影佢都十萬個不願意，但一話帶佢去睇舞台劇佢就即刻話想去，原因係.....佢話睇見啲表演者係台上感覺好啲又會投入感大啲哦！
今日我地就去左睇《北極熊小奀仔》，一個圍繞北極熊與動物朋友尋找媽媽嘅故事，當中除左帶出地球暖化同人類破壞生態對動物帶來嘅影響之外，仲帶出我地面對困難時要有勇氣面對同克服。
每位演員都好落力演出，當中仲有九位小演員，又唱又跳完全冇怯場，最細都只係得五歲，真係要大大力為佢地鼓掌呀！
真心覺得唔錯，既有互動又有笑聲，估唔到亦都帶有洋蔥。小小豬就緊係睇得好開心，佢仲不知幾投入，睇見海鷗BB將膠袋誤以為水母時，佢即刻緊張大叫"唔好食呀...唔食得呀....係膠袋嚟呀" (嗰一刻其實我都勁尷尬，但另一角度睇，佢都係極度投入先會有依個反應啫...哈哈哈)。
特別一提個場刊打開後就會變成一個棋盤，內容同舞台劇都帶點關係，所以依個玩棋愛好者又可以返屋企繼續玩啦！
明天後天仲有三場公演，有興趣朋友都可以考慮入場支持支持呀~
Special Thanks
小藝谷 兒童戲劇學院 The Valley Of Arts
#合家歡音樂劇 #北極熊小奀仔
【愛香港🇭🇰 愛地球🌍】
今日同金寶湯去咗西灣河文娛中心睇舞台劇『北極熊小奀仔』，係一個關於探索生命同環保嘅保育劇場，藉住故事🎬同歌曲🎼，喚起我哋對氣候環境同尊重生命嘅關注。
成套劇有笑有淚，好適合一家大細去睇，而且劇情緊湊，台上台下打成一片，小朋友們都好投入跟住北極熊大叫。最後重逢片段，阿仔又喊我又喊，攬埋一齊喊，老公話佢冇喊（但我明明聽到佢呻鼻涕！）啲人應該以為我哋一家傻咗喇🤣🤣🤣
不得不讚佢哋嘅編曲，旋律同歌詞都好好，對於首次搞公演嘅舞台劇嚟講我覺得好厲害了👍🏻
當然仲要讚吓一眾小演員，全部都好入戲，最細年紀只得5歲咋，已經可以克服壓力上台表演，我相信 小藝谷 兒童戲劇學院 The Valley Of Arts 老師居功至偉！
嚟緊仲有幾場，大家有時間都可以去支持吓佢哋呀！
舞台劇資料👇🏻
https://www.facebook.com/448152172604139/posts/501501883935834?sfns=mo
購票優惠👇🏻
📞whatsapp:97613836
【兒童音樂劇】一個充滿互動嘅音樂劇
尋晚好高興參與左 小藝谷 兒童戲劇學院 The Valley Of Arts 主演嘅 北極熊小奀仔 Opening🎉
成套故事以美妙動人嘅音樂貫穿，令到悶場時間大大減少，而且演員們服裝造型維肖維妙，令到場面更加豐富鮮明👍
最特別係佢地有12個小演員參演，飾演可愛嘅燕歐同企鵝bb🐥🐧每個小演員都有對白有走位，小企鵝仲表演左一段舞蹈，簡直令人嘆為觀止😱
成套劇入面仲有唔少互動環節，阿桃🍑都睇得好肉緊，仲好投入添！更加反思到環保嘅重要性，學習愛護地球🌍其實小朋友都做得到💪好似 #減少使用膠袋、#開風扇代替冷氣、甚至係最簡單 #唔好亂拋垃圾☺☺小小舉動生活習慣已經可以令到地球先生開心喇
一套有關 #友情、#親情、#冒險、#保育、#環保 嘅兒童音樂劇，你地一定唔好錯過呀😉
💬故事講述小小北極熊奀仔因為全球暖化，除左食物資源短缺，仲令到生活緊嘅北極冰川溶化，奀仔亦因為咁同媽媽失散左，但好彩佢遇上心地善良嘅小女孩林林，開始一場驚險又刺激嘅尋親之旅
📆演出日期：2019年8月15-18日
📌地點：西灣河文娛中心劇院
💰購票網址：http://www.urbtix.hk/internet/eventDetail/38751
