男性朋友：「條女唔俾你屌，咪姐係唔鍾意你。」
我：「你開口埋口都性，但有啲女仔係想婚後性行為？」
男性朋友：「條女鍾意你，一定會想滿足個男仔。唔肯做，一定係未認定個男仔，覺得個男仔唔夠好，想搵其他碼頭，或者佢覺得男仔財力唔夠，又唔夠上進心之類。」
我：「所以你次次拍拖，都無得屌？因為你唔夠上進心，唔夠財力？ 」
男性朋友：「我X你，所以我咪仲係單身狗⋯⋯」
_______________
我有個女性朋友，佢男友好想同佢做，去旅行，大家同床，有好多次都去到最後關頭，但個女仔都唔肯。
個女仔係火爆型，係床上指責男仔：「你有無尊重過我，我唔想婚前性行為。」
我同個女仔講：「你唔想做愛，點解要去旅行同床，你瞓佢身邊，如果你男友都頂得順，佢應該係gay。我唔明點解你唔分房瞓，定你想用呢個方法去考驗你男友？但我可以好肯定咁同你講，男人係經唔起考驗。」
女仔：「邊個話去旅行一定要扑嘢？」
我：「ok, you win」
他們為左拍拖幾時要啪啪啪，成日都達唔成共適，男仔當然想愈早愈好，但女仔就遲遲唔想俾佢，係佢地拍拖第三年，女仔同左個男仔分手，理由係性格不合。
_______________
相隔半年之後，個女仔同現任男友一齊，佢有時係IG post同佢男友煮飯仔嘅相，好sweet，真係好sweet。
我：「啪左未呀？」
女仔：「我都成日去佢屋企煮飯仔，你仲問我呢啲嘢？」
我：「你唔係話唔可以婚前性行為咩？」
女仔尷尬笑了笑：「咩我有咁講過咩？宜家都21世紀啦，仲咁守舊咩？」
我：「有咩原因令你變左咁多？」
女仔：「我宜家個男友對我好好，我就好似小公主咁，而且呢啲嘢都好自然。」
我：「所以你同佢啪，因為佢對你好，佢識點樣氹你？而你個ex就太忠忠直直，所以拍拖咁多年，佢都食白果？」
女仔：「其實係值唔值得，同個ex，我覺得唔值得，佢平時好似小朋友咁，又無上進心，又成日發脾氣，我好似湊仔咁。」
我：「所以唔想婚前性行為，只係藉口，重點係，佢唔係適合嘅人，對嗎？」
_______________
呢幾天，我看到個女仔玩煮飯仔post，我先諗起朋友幾年前同我講過佢對啪啪啪嘅睇法。
我不能說我朋友想法全對，但我諗對一部份的女仔，佢地又真係有咁嘅諗法。
但我地先唔好偏激
女仔遲遲唔肯啪，未必係因為男仔嘅財力唔夠，可能只係簡單覺得安全感唔夠，又或者點都對男友唔放心，又可能係怕男仔啪完趙完鬆。其實講到底，都係唔放心，未完完全全交心。
呢度唔會探討拍拖應唔應該啪啪啪，畢竟你問男仔，佢一定講：
「啪啪啪係好重要，可以維繫對方關係。」
「唔啪，做咩要拍拖？」
「平時餐餐都要請個女仔食飯，個女仔可唔可以盡返小小做女友嘅責任。」
「宜家好多女都係性冷感，，無啪過，我點樣知道之後同佢嘅性生活美滿？」
如果你問女仔，佢又會講：
「我拍拖係為左搵人陪我，聽我講嘢，而唔係啪啪啪？」
「啪完，你趙完鬆點算？」
「男仔成個腦除左性，咩都諗唔到？成日精蟲上腦。」
「kiss完，就摸，摸完就想做，我係你女友，唔係你性玩具，亦唔係你平時睇啲AV女優，咩花式都識玩。」
「你到底係鍾意我，定想同我搞嘢only？」
男人一定係咸濕，但女人又不見得唔咸濕，而係大家出發點唔同，引致大家有根本上的差異。
女仔想要安全感，怕你愛佢身體多過佢個人，所以女仔想先談情後發生性。
男仔希望用性去確定彼此的關係，確定大家的信任度。就好似打機咁，你去到最後一步，先係真正win 個種感覺，所以性不再是簡單的性，它帶有一種攻佔的快感，因為個女仔無論身同心都屬於佢。
講完咁多嘢，到底係咪唔俾屌就唔愛呢？
見人見智啦。
畢竟宜家啪啪啪好似飲水握手咁普通，對嗎？
IG: Fakemanching1607
