雷囡媽媽又有心水好書推介👍🏻👍🏻 #顏色妖怪 #thecolourmonster 台灣華碩文化終於出左中文版喇🎉🎉🎉🎉
我一直都好鐘意立體書，特別鐘意呢本！呢本書本身只有英文版，雖然英文版可以學多啲英文，但因為想小朋友從書中學習 #處理情緒，所以我唔想買英文版，因為英文始終有少少隔膜，小朋友睇得冇咁投入。媽媽亦講得冇咁生動。（當然好多叻媽媽有足夠英文水平用英文都可以講得好好。但我自問冇😅😅）所以一直等中文版，終於俾我等到喇!!
雷大囡讀緊小學三年級升小四，成績一向唔錯，但情緒處理方面仲未好好，所以好想從閱讀，伴讀去同佢一齊分享情緒。
而雷小囡得19個月，當然乜都唔識，成日扭計、喊、發脾氣，掉野....好想用呢本書去教佢咩係唔同情緒，除左喊之外可以點做。因為佢好鐘認睇書，用書本講嘅道理佢好易入腦。而且呢啲書可以玩好耐，有時大人自己都會想睇完又睇，真係可以陪你長大嘅書。值得擁有！
呢本可以俾小朋友甚至大人學習 #認識情緒，
#處理情緒，而且顏色好吸引，非常立體，創意滿分，有幾好唔洗我多介紹，自己睇片😆😆😆
香港圖書館都有英文版可以借，我都借左，大家唔想買都可以去圖書館睇下。講真屋企唔大，我好鼓勵雷囡s去圖書館睇書或借書睇。有啲故事書睇一次兩次就會放埋一邊，果類我都唔會買。不過每次借書得2個星期。有啲書真係要慢慢睇，重覆睇，得閒就會想攞出黎睇，呢本就係我必買嘅書😆😆
小四成績 在 創造力教育中心- 石小2020-2021年度第一次考試成績出來了 的美食出口停車場
石小2020-2021年度第一次考試成績出來了，創造力教育中心，以一枝獨秀的成績，證明了有適當的教學方法，網課一樣可以有趣丶高效。 我們在疫情連綿不斷的暑假和學校停課 ... ... <看更多>