#換証奇遇記
最近有件事好想同大家分享下！
話說媽媽谷溫提2017的小朋友，換証限期到今個星期，二寶媽的我一直沒時間同Timtam仔去換，好彩有班好媽媽溫提一下，即刻book時間去換。
當日因為爸爸抽時間湊住妹妹，我地放學後食完lunch去，時間有點趕，在的士上沖沖跟Timtam仔講我地去影相，都有提過換証件，最後用「影相」來作總結成件事😅😅
去到換証地方，reception 姐姐好有準備地已經準備兩張找不同單張比Timtam仔玩，成功吸引左佢注意…2分鐘！
因為去到新環境小朋友都會比較好奇，不過Timtam仔影相個part總算合作，之後再要把final所有文件比一個senior officer去approve, 重點黎喇！
當日我地去的時間好少人，負責我們的senior officer係一個樣子好祥和的叔叔，一坐低就感覺到佢對Timtam仔好有興趣😜
🧓🏼：小朋友你叫咩名呀？
👦🏻：我叫xxx, 英文名叫xxx, 又可以叫我做xBB!
Timtam仔呢句xBB成功緩和左我地嘅氣氛，我同時都很滿意佢回答有禮貌。
阿叔叔見佢有反應，又繼續問！
🧓🏼：咁你知唔知今日黎做咩架？
👩🏻（心裡開始滴汗，我係咪黎左面試？）
👦🏻：我黎影相架！
我個刻係覺得阿仔答得啱，因為我的確咁同佢講，叔叔回應：都算係啦！
終於過關，叔叔終於開始處理我們的文件😌
正當叔叔想比返我和Timtam仔的身份證，佢又黎面試式問題喇！
🧓🏼：小朋友，你認得自己的身份證嗎？
我望一望，大佬你將兩張身份證反轉，叫小朋友點認呀🙄
👦🏻 都有認真望一望有咩分別，再random咁指其中一張，錯左！
🧓🏼面試叔叔打圓場：身分證放埋一邊好少比小朋友睇呀呵？！
👩🏻 點點頭：係呀係呀！😅😅
個senior叔叔說話感覺真係好似校長一樣，完左成件事之後，我感覺好似完左一次同Timtam仔考小一面試咁🤣🤣
#換個証啫
#叔叔你贏
#我會好好同佢講解身分證
#人生無處是考場
#你換左証未
