有一種大整蠱，叫味精敏感。
早前我有講過，我這半年服用抗敏感藥物，所以體重好似Bitcoin咁it’s so high high high... 最近這兩三星期，我應該搵到致敏源（遲啲要再睇醫生確認），我的致敏原係味精，亦即係增味劑E621... 一吃就會出風疹，這下子我可真樂透了...
所有咸嘅零食例如薯片、所有快餐、公仔麵、罐頭加工肉等等嘅垃圾食物，我全部都收晒皮。其實又唔係唔食得，只係一食完又要食藥，咁... 我真係唔想為左一包薯片而啪抗敏感藥囉 😨😨😨
當然，如果知道自己當日會出街食垃圾，咁反正都係要啪藥，我就會放盡狂食，咁起碼我會覺得「回到本」 ... 師奶嘛，就係鍾意計呢啲數 😂😂😂
味精敏感係好慘，但我做人唔鍾意向壞方向想，我同自己講呢個係「富貴病」，姐係我可以光明正大咁同人講「啲cheap野要用味精去增味我唔食架」、「下？我一定要食新鮮架wo...」、「wait嘈啲野無味精，所以我去wait嘈買野係基本人權囉」—— 簡單黎講就係扮L晒野咁 🌝🌝🌝
領正牌食好西，咁樣諗係咪會開心左？ 😂😂😂
人生就係咁架啦，改變不能接受的，接受不能改變的，問題總是天天都多，笑著接招就好。
🎶🎶 I'd rather be dry, but at least I'm alive
Rain on me, rain, rain🎶🎶
#心靈雞湯
#無味精版
#好好笑叫個沙律講明走味精
#對方打返電話黎話唔知啲醬有冇所以唔敢俾
#無醬好似好慘所以送左幾塊煙三文魚 😂😂
#我除左對奶好敏感之外
#對精都好敏感
#真係做左咁多年人吞左咁多年味精
#又會突然敏感嘅
對精都好敏感 在 書寶二手書店- 【＃唸書說書】 敏感者普遍自我評價偏低 的美食出口停車場
不少高敏感者終其一生都在努力迎合旁人對自己的期 待，假裝自己個性很活潑很外向 ... 好。過去我老覺得自己表現不如別人很丟臉。但其實我 應該專注在自己的天分，而不是 ... ... <看更多>