「無用架！曬錢架！」
「咁細個就咁，好辛苦囉！」
「唔好咁怪獸啦！」
2腳黃豆5個月左右，新手媽已打算一歲後陪黃豆上playgroup，為嘅唔係要盡快識數ABC123，只係想一齊玩下體驗下，但當然身邊有唔少育兒專家衝出黎俾意見😏😏
最記得其中一個自己未係阿媽嘅專家，聲大大話呢啲playgroup全部呃錢，問我同新手爸點解要咁怪獸，然後列舉親戚個女讀某名牌幼稚園，K2要揸筆寫字嘅辛酸史😑😑
新手媽都係想帶個仔去玩下啫，其實我做錯啲咩......？🙄🙄
結果由14個月到而家，返左3個月playgroup，新手媽覺得作用好大💪🏼💪🏼
2腳黃豆由慢熱怕醜變得主動大膽、會搶玩具打人變成願意分享；新手媽遇到問題唔駛單打獨鬥搵google神，可以問老師及其他媽媽、上堂過程中更了解黃豆嘅性格特質；而最重要，係每次上堂兩母子都玩得好開心❤️❤️
當然唔係每個小朋友上playgroup都有同樣效果，亦唔係每個playgroup都咁大效能～Playgroup嘅質素、小朋友個性特質、父母心態，甚至上堂時間地點人物等等都有影響😂😂
耳聽3分假，眼看未為真！係育兒嘅路上亦一樣，只有親身嘗試，真切體會過先知係咪真係好同適唔適合👀👂🏻👄👃🏻👐🏻
#專注嘅男人最有魅力
#同一道理
#全方位適用
