【超窩心嘅交收】
#長文慎入
#已獲讀者同意分享
好多謝大家支持，原本諗住變賣家產，開個都唔叫網店嘅小網店，將屋企唔要嘅嘢賣出去，冇嘢撈賺少少，點知個網店都未開，打算第一波賣嘅嘢已經俾大家chur到就賣曬，受寵若驚。
交收時，有位讀者同我買三張海報，俾五舊水：「屌，唔駛找啦！當課金。」
面對面係唔好意思嘅：「三張海報百五咋喎，唔係幾好嘅。」
佢：「屌，睇咗你咁多年，之前冇機會參加你活動，當支持吓你囉。可能唔知，你支撐我度過咗人生最低潮，都係你令我知道，I am not alone.」
原來，呢位人兄做執過六間公司、試過見工俾ICAC上去清場，佢都要飲咖啡、試過見工俾人鎖門唔俾走，叫佢要簽約先俾走，都試過唔做之後，俾老細告不誠實使用電腦，商業罪案調查科搵佢傾計。最後，佢以為遇到一個好老細，點知先係終極仆街，利用佢洗黑錢，又上ICAC，差啲要坐監。佢同朋友講、去見工，冇人相信佢，點知有個柒頭BLOGGER，經驗同佢完全一樣，佢先知道自己唔係癡咗線。
我笑咗：呢啲經驗，老老實實你同人講，人哋肯定你誇張，我明呀，我覺得好正常姐，冇乜嘢丫。不過你做執六間公司誇張過我好多。
佢問：你寫呢啲經歷，有冇人覺得現實真係咁黑暗？
我話：咁你係就係誇張少少，但都有人同我哋一樣有咁嘅經歷。
佢話：作為電影Blogger，其實我哋經驗，拍成電影有冇得諗？
我話：電影都冇現實荒謬啦屌。
佢依家有份工，好似正正常常，但已經唔會相信做得長，佢都幾肯定背後又有黑幕，朋友話佢陰謀論，但佢唔會再相信有公司係正常。我話，你有呢個諗法好正常。
佢拍拍我膊頭：其實我睇你Blog唔係因為電影或旅遊，係你唔知邊篇見工奇遇記（咁多篇可以喺留言連結搵到曬）。唔好灰心啦，我哋嘅人生注定係絕望，但最少你嘅絕望，令你有故事成為半個KOL。我成日諗，換著第二個人，一早自殺死咗，我哋仲未死，前路總有希望呀。
我諗起之前睇相，師傅一見我就話：嘩你做咗三十幾歲人，一次大運都未行過，事業運桃花運財運都從未試過、從未試過一刻有希望，個命盤黑到咁好難會遇到，喂你咁都未死，真心你係好命硬嘅人呀，唔係人人捱得到架！
我果刻有少少嬲，都唔知師傅係講笑定講真，但今日聽到呢位同路人說法，我覺得都係鼓勵。
佢再話，我唔係睇咗你十幾年，但睇咗你大約五年故事同經歷，唔係個個人做得到，你做到咗好多人想做而做唔到嘅嘢，都冇乜幾多Blogger或Youtuber可以你黑到咁，正正因為咁，先有今日嘅你呀，加油啦。
然後，佢拎張海報叫我簽名，我好耐冇試過同讀者簽名喇，我話：「吓，乜搞到我係導演咁呀！」
「你係我半個人生導師，勁過套戲導演啦！」
可能現實生活入面，唔會有幾多人care你人生、唔會有人相信你故事、唔會有人理你感受，甚至身邊人都冇興趣知你發生咩事，反而交收同簽名會，都會有人同我講啲咁感動嘅說話；明明我唔識大家，但感覺就係識咗我好耐咁，果種窩心係正嘅。
我會繼續post有咩賣，但大家係咁問，暫時總結返少少淨返乜：
《蝙蝠俠：黑夜之神》IMAX A3海報：
https://bit.ly/3ooes4n
《現代啟示錄》IMAX A3海報 **最後1張**：
https://bit.ly/3lUxHAT
《檢察狂人》A3海報：
https://bit.ly/3gwLBbk
《蜘蛛俠：強勢回歸》Mini Figure Desk Buddy **最後1隻**：
https://bit.ly/2JYBpMX
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
寵 後 之路 小說狂人 在 玉枝驕小說狂人、蘇天下心得、皇后難為心得在PTT/mobile01 ... 的美食出口停車場
包含：東宮美人、皇家寵婢、和離之後（深藏不露下堂妻）、奸臣夫人重生後（吾家奸夫最寵妻） 棄文：王爺請自重、恣歡、宮妝再次提醒以下文. ... <看更多>