【龔成問答信箱】(Q21821-Q21840)
Q21821:
hi,龔sir,一直都有留意開你嘅Facebook ,本人30歲,都有買開股票有好幾年,都成日比老婆笑係燈神,買襯啲股票都跌,但放曬就會升⋯
就好似金蝶國際,吉利汽車,碧桂園服務,移卡⋯哩啲,買入時其實都係低位、但經唔起考驗,好早就會放曬⋯想請教一下,應該要點樣調整好心態
仲想問下百富環球同微萌點睇,百富環球5蚊時買入,但跌到4.7時同樣放左~
龔成老師︰
如果你每次投資都是「輸」,即係你存在一些核心性問題。譬如一些錯誤的投資觀念。
記住,正確和正常,是完全不同的事,多人採用,並不代表係正確的方法。
首先﹐股票是企業﹐你要分析企業的本質去投資股票。買股票也不是「賺差價」,而是享受企業成長以及產生的股息。
現你的情況,買入股票唔係無質素。但你錯用短線投資,賺差價的思維去諗這件事。令你可能一見佢跌,你就以為有問題,即沽貨,才做成你過去出現的情況。
往後,你只要以「長線地,投資優質股」,作為你投資策略。
緊記,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
而且將來再投資前,要先做好估值。價格偏貴,就唔入貨。等佢回到合理,甚至平宜區,才分注吸納,或者利用月供去儲貨。
我好有信心,你會結束過往一直虧損的狀況。
百富環球(0327)係一家電子支付終端機解決方案供應商,主要在中國從事開發及銷售相關產品並提供相關服務。
佢產品及服務包括移動終端機、消費者操作設備、非接觸式讀卡設備及提供售後服務等。佢的客戶大致可分為收單機構(如支付交易處理商及金融機構)及商戶服務供應商。
質素都有的,但未算好強,同時業務與股價都有點波動。現價合理區上部,這股係有長線投資價值,但又未算好值得持有太多。如果小注長線可以的。
微盟集團(2013)集團主要在中國從事提供軟件即服務產品及營銷服務。
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這些都是將來發展的大趨勢,從業務潛力上,的確是有的,見佢財務數據的增長都強勁。但在估值上都唔平,所以,如果投資,這刻小注好了。
------------------------------------------------
Q21822:
你好龔Sir! 我係啱啱上完股票初階班嘅學生嚟,有野上向你請教一下。
福壽園(1448),喺堂上龔Sir你話呢隻係水桶1。 我好簡單咁睇返佢嘅市盈率,我以佢最近7年(計埋2021)嘅市盈率揾返佢嘅中間3年
27.4 27.44 28.06
之後我再搵近平均5年每股盈利係$0.2226(人民幣), 即係$0.27(港幣)。
咁佢嘅合理股價就係
$0.27x27.4 - $0.27x28.06
=$7.4 - $7.6
而現時嘅股價係$7.4。咁我可唔可以推論現時喺合理區嘅低位?
同時我根據篩選三步法分析,第一二步都冇問題,但去到第三步,我想揾佢嘅同行比較時,又唔太揾到真係同福壽園類近嘅企業,咁嘅話我上面嘅推論會唔會唔穩陣? 定係我會睇漏左其他因素?
謝謝你
龔成老師︰
你用佢近7年市盈率,再取中間3年,和用每股盈利5年平均,係可以。
但取出相關數據之後,你要都睇翻,到底這些數據,係唔係足以反映現時企業和行業發展的真實狀況。
你見集團盈利持續都有唔錯增長,故用5年平均每股盈利時,應該再加上5年的年均增長率(約16%)去做指標。(即大約HKD0.37)
另外,由於近年中國政府,對行業有不少新指引,主要方向都係控制價值,避免殯儀業相關產品和服務,出現定價過高情況。相信未來,殯儀業盈利會回到較合理水平。
因此,你計出來的個市盈率,需要打折扣,來反映這些因素,你預大約合理市盈率係15-20倍。
合理價值︰HKD5.5 - 7.4,故現價算係合理區頂部,無貨可先小注。
殯儀業本身好分散,而福壽園係當中龍頭,故真的較難找到相近對手作比較。因此,你係做分析時,應較集中在企業本身和整個行業發展。
最後,係計出合理價值後,你要留意佢是否相距多於20%。
若好似你計出的答案$7.4-7.6,區間太窄,我地就要將合理價值上下限,再額外加多10%緩衝區,令佢更能反映合理區情況。
------------------------------------------------
Q21823:
龔先生你好!我是最近才開始接觸 貴專頁,也報了基礎班,很欣賞你對投資和教學的熱誠,也明白了為什麼你這樣成功!
單親媽媽 兩子就讀小學,每月支出$27000,沒有工作 要照顧兩子
賣樓後現存270萬,希望以投資作被動收入,請問哪種形式或組合較適合我?
謝謝解答
龔成老師︰
這筆錢點樣用,要視乎你實際生活狀況而定,當中考慮重點,係住屋和就業問題。
首先,如果你長線住屋無問題的話,這資金可以用增值。若你有再買自住屋的需要﹐而又要短期內進行,就要先扣起相關支出。
另外,你現時無工作,若只係短期,你可以預留一筆生活費,之後餘下部份,就可以投資「平穏增長股」 + 「潛力股」作增值。
若你預期會較長時間,都無法工作,或者只能有限度咁工作。你就可以考慮,將部份資金,買入「收息股」,去創造現金流(即係股息),以舒緩日常開支的壓力。
但由於投資係一個長線計劃,我建議唔好急住行動。等你上完堂,有一個完整概念,才去進行會較好。
股票班見!
------------------------------------------------
Q21824:
老師,想問下653,見佢主席換左人,舊既大股東持股量都賣得7788,新人事新作風,股價可否睇好?
另外,請問點睇2148,可否長期持有?
謝謝
龔成老師︰
卓悅控股(0653)自更換主席後,加強了集團在電商方面發展,但長線有無成效,還有待觀察。
若用以往集團表現,只算是一般般。集團在過往的經營環境都唔算好好賺,經常出現虧損,近期面對疫情,情況更弱。
相信佢疫情過後會好翻D,但根據過往表現來分析,長遠的投資價值唔算高。
VESYNC(2148)有少少潛力的。
佢係美國小家電線上市場的市場參與者。根據報告,在小家電零售商中,佢係美國就通過亞馬遜產生的零售額而言排名第三及通過所有線上渠道產生的零售額而言排名第五。
係美國通過亞馬遜產生的零售額而言,其空氣淨化器於其類別中排名第一,空氣炸鍋於其類別中排名第二。
佢業務主要專注於線上營銷及銷售品牌下的自主設計開發的小家電及智能家居設備。主要通過電子商務交易市場,主要為美國最大的電子商務交易市場亞馬遜銷售其下的產品。
佢的產品主要銷往美國、加拿大、英國、德國、法國、西班牙、意大利及日本等數個國家的用戶。
業務不算差,發展有潛力,但企業規模始終較細,業務未穩定,加上現價略貴。整體都有風險。
這類股,小注投資都可以,但就要明白當中的風險。
------------------------------------------------
Q21825:
想向龔成老師發問:本人47歲,月入4萬。 與伴侶共同擁有一自住物業(樓按還有$4百萬)。互相財政獨立,對分日常開支包括供樓。
現在我每月花費$2萬(即日常開支包括供樓)和堅持貯蓄$2萬。
持有1,000股00016 和 3,000股00175, 現金流$50萬。
雖然工作穩定,但相信沒有打不破的飯碗。懇求龔老師的意見,我該如何策劃財務和投資以致可以盡快財務自由。 謝謝。
龔成老師︰
你現時已有自住屋,係財富組合上,物業類佔比重很高。所以,我地新資金應先投入優質股,令成個財富組合變得更平衡。
以你47歲,都有一定增值需要,你可以選擇一些「平穩增值股」+「潛力股」作投資目標。
我地投資前,先要做好防守部份,建議你先扣起12萬(即半年開支)作應急錢,才開始投資計劃,會較穏妥。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄(即$10000),另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注(<2成)。此期間,你最好是努力提高投資知識,才慢慢增加翻潛力股比例(最多3-4成)。
另外,你現時組合中,新地(0016)佔比重好高,個別企業和行業不要佔組合15%和30%以上,否則會有過度集中性風險。
但你不用沽出,用新資金慢慢調整個比例就可以,但暫時不要再投資地產相關股票,去平衡風險。
現時大市只是合理區,你可以用多5-10萬,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。
如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21826:
龔sir,早晨,請問京東sw有10萬蟹貨平均315蚊 先平價。 京東物流已上市,係咪如果阿媽京東sw算係高位,分拆業務,阿媽就會跌返最少50蚊出黎?
2~3年都返唔到300蚊?
另外,我排左你d書成幾個月(哈哈)
龔成老師︰
你這個計法不正確,其實分析上市,只係集團將部份業務上市去集資,從而得到發展資金之餘,又可以釋放內在價格。
就算京東物流(2618)上市,其價值依然存在係京東(9816)之內,因此唔會因為分拆上市,而出現你所講的情況。
另外,你要明白,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
京東(9618)業務有質素,發展仍是正面,不過現價就唔算平,算合理區上部。
至於幾時會上翻$300,我預計唔到。但此股有投資價值,長遠要回到$300,相信問題不大。
只要佢現時佔你組合,唔係好多,你照長線持有就可以。
至於書本,圖書館的確好多人在排。如果你有需要,建議你去買。因為用來做記號,抄筆記都會較方便。
------------------------------------------------
Q21827:
老師...你好! 本人39歲,有兩個小朋友,與先生月入8萬,現租住公司提供的房屋,持有三個物業,收租足夠供款,其中兩個十幾年前購入,
因為呎數太細(under300呎實用) 現在放賣中, 想用兩間細樓換一間大樓(700呎,千一萬,30年的二手港島樓地鐵上蓋,需借300萬)繼續收租,for 15~20年後退休一家人住,
如果換樓需付印花35萬,值得嗎?定等退休先換樓呢? 層樓到時已經五十幾年樓齡,對於樓齡太大有問題嗎?
現金100萬,有少量股票,但懂選股,蝕過三十多萬,所以敢買多,麻煩老師比d意見我,感謝老師。
3033 $8.2 8400股
914 $47.1 1000股
3918 $9.28 2000股
龔成老師︰
由於你現有2個細單位,呎數太少,連一個基本家庭需要的大小,都未達到。長線投資價值較弱,建議你找機會將佢換其他較大單位,唔好到退休先去換。
地鐵上蓋樓盤,始終有一定潛力,但由於已有30年樓齡,你要睇翻佢幾時會做樓宇大維修,因為這個是其中一個較潛在成本。
到你入住時,都已經50年樓齡。就算保養得再好架樓,相信都會出現老化,你要預備一定維修預算,係你退休入住時,甚至之前就要動用。
除左以上2點,你還要了解佢現時租金回報率,和長線增長潛力(如附近未來發展、交通配套等)。如果這幾個因素都過到關,那就值得你多花35萬印花稅去投資。
當然,若你退休時真係太殘舊,你都可以用佢去換另一間較新的自住樓,但相信當中會有一定差價。
因此,你現時可以利用優質股去增值,為退休所需資金,和潛在可能換樓的成本,作準備。令自己到退休時候,有較多本錢在手,令可選擇的方法也會較多。
至於財富增值方面,你現時組合太偏重物業類,令成個組合十分不平衡。因此,你新資金要優先放入股市,去調整翻個財富組合比重,咁會較好。
我地開始新投資前,最好先要找出你過往虧損原因,以免再出現不利情況。
你現時持有股票,都係有質素和適合你。我估計都有一定選股能力,大致能判斷企業好壞。但你都蝕過30萬,若不是選股出問題,較大機會係未能定平貴,或者用左短炒模式去投資。
記住,我地投資股票,就等同投資一間企業。就算再好的企業,都要時間成長,故必須長線持有。中間可能有些波動,但只要佢長線質素無變,照持有就可以,唔好太在意中短期波動。
若你對定平貴,無乜信心,又或者經常比大市氣氛影響,見多人買就衝入市。我建議你用月供模式去儲股票,會較安全。
以你39歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
潛力股:安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814),但就要明白波動性比上述會高左,同時風險大左,你要自己平衡。
大市現處於合理水平,那100萬資金,你可以先用20-30萬,以"分注"形式慢慢入貨。餘下資金和每月儲蓄,就等大跌市機會出現,才大力度掃貨,並長線投資。
------------------------------------------------
Q21828:
龔成老師,你好,我今年33歲,月入2.5萬,另有物業收租1萬 (已供滿,未來婚後會收回來住),每月平均支出1.5萬。
現有現金 $60萬,現開始進行月供股票:
#2800 - $5000
#823 - $2000
#1398 - $1500
#270 - $1500
#3067 - 每個月買1-2手
目標: 穩定收息,提早退休 (或為興趣返工)
屋企人已經失業2年(現63),再過2年可以拎出強積金 約$60萬,現在考慮有什麼方案可以令到佢每月有穩定收入($2500-$3500):
1, 購買保險公司的每月派息基金;
2, 幫佢買高息股 (5-6%)如 #778, #941, #3988;
3, 未諗到
老師,想請問我屋企人的情況可以有什麼更好的選擇,希望可以給我意見。
龔成老師︰
先講你本人部份,我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你33歲,應以增值為主,建議你用「平穏增長股」 + 「潛力股」的組合。
現在時大市只在合理區,你每月儲蓄不要盡用,建議先用5成儲蓄做月供,其餘先儲起,用一邊月供一邊儲蓄的策略。
你現時月供股票都合適,但有少少保守。建議你可以增大潛力股部份,以你年紀計,可以佔5成。但若你投資經驗較淺,或者相保守d,就要向下調整。
另外,工行(1398)只係收息股,增長力好一般,唔建議你用來月供。
潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。
現時大市只是合理區,你現有60萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
到你累積到一定資產,你就可以慢慢換成收息資產,透過其現金流,達至財務自由。
至於你家人部份,由於佢地已好近退休之年,投資目標會同你不一樣。以佢地人生階段,應集中係收息資產類,去創造現金流,來支援退休生活上的支出。
你所講的派息基金(我建議考慮用3110),和高息股都係可以。
如果你家人希望每月有$3000現金流,以股息率6%計,需要本金60萬。
因此,你可以建立一個「收息股」的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你家人能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
(你可睇下我本《50穩健收息股》當中仲有好多)
但要留意,現時股價只是合理,未到平宜,因此買入時宜分注,同時不能用盡現金。要留有部份,等大跌市才入貨。
------------------------------------------------
Q21829:
龔老師你好,本人30歲全職主婦,老公今年41,月賺3萬,一個月大約草到6000左右,有兩個小朋友,冇物業冇供樓。
資產如下:
黃金暫存5粒一兩重
港股有大約12萬,
2手匯豐005「44$,打算收息」
1手小米「24.5」
1手中國人壽「16.08」(打算18$離場)
1手868信義玻璃「高價26.9」
流動現金有5萬,外幣有4萬「留著旅行用」
想問一問868今年可以一直長持嗎?定要止賺離場?今日由31.3跌到30.4,未來兩日派息!所以好困擾!如果止賺離場又應該轉碼邊啲岩我?
因為暫時不考慮加錢到股票帳號,其他現金先留,股市下跌先入市
龔成老師︰
以你30歲計,應以增值為主。匯控(0005)只是收息股,增長力好弱,唔適合你這個年紀。你可以減持部份或全部,轉至其他增長股,對你較有利。
中國人壽(2628)近年增長力弱左,質素只係中等。你可持有,但唔好再加注。若相換碼,都係可以。
至於小米(1810)和信義玻璃(0868)有質素,都適合你長線持有。
你要記住,當一隻股票股價下跌,你一定要了解當中原因,基本上,股價中短期上落好正常,但如果上落太大,就要了解翻當中的事情,有無一些影響企業核心的因素。
信義玻璃(0868)近年的增長力弱左,不過,佢在技術上的行業優勢仍在,相信長遠仍是正面,不過就未必是高增長的類別,潛力度比過往略有減少。
加上佢不斷將較高增長的業務分柝左上市,令現時的信義玻璃增加,只是平穩類。你預佢中短期會比較波動,要長期先見到收成,現貨照持有就可以。
而黃金無現金流,我地持有佢,主要係為左對沖金融市場的突發性事件。因此,唔需要太多,大約佔組合3%就可以,而且以實金持有最好。
現時大市只在合理區,資金不宜盡用。你5萬可以留待大跌市才出手,咁會較好。
但同時間,你可以用每月儲蓄,進行月供股票。每月先用$3000月供,其餘儲起,同樣等大跌市機會。
現時你們資金較少,可以先集中係優質股,來進行增值。但長線計,當你累積到一定財富,就要慢慢加入物業類,成個財富組合才算平衡。
------------------------------------------------
Q21830:
阿sir 關於第七課的年報問題,想問這個新的租貸會計制度好像有點兒扭曲左真正公司實際情況,當我們分析企業的情況又要不計才有真正的意義,那為什麼需要有這個新的會計準則?有什麼好處?謝謝你!
這個會計數字對企業的情況有什麼implications?
龔成老師:
這是一個新的會計準則,全香港都會用,能夠反映企業「租金」的風險,因為過往不當負債,現時已變成負債,就能更有效反映風險。
但對於零售企業,我地過往分析的指標,同現時最新指標,就會有所不同,所以我地在一些量度佢是否合格的財務指標時,最好有合理化的調整。
------------------------------------------------
Q21831:
Hello龔Sir!很高興認識你,我是你股票班學生,剛上完你最後第八堂,無論在心態、理念、技巧、智識都增進不少
在此再次衷心感激你的無私教咗我好多嘢,希望將來你能在財務自由路上更上一層樓和更加Succeed!
還有在你課堂及FB帖文上的教學, 令我清晰了解選股策略和重要性!
龔成老師︰
多謝讚賞!
我只是盡力,將我所學、所研究,投資及成功的方法、技巧、心得、經驗,教大家,這些方法好多成功人士都做過,我只是用翻這方法,並教翻大家。
你要保持進步,多溫書,多用評估表,加油!
------------------------------------------------
Q21832:
你好,想向你請教本人的投資問題。你好!本人仲有6年便退休,月入$3.5萬,每月約有$13000作儲蓄,希望在2年後可以資產增值至100萬,現時持貨如下:
1177 @8 / 4000sh
762 @4.82 / 6000sh
1972 @17.7 / 400sh
1810 @30.58 / 200sh
6060 @41.03 / 200sh
788 @1.37 / 4000sh
9988 @239.27 / 200sh
883 @8.56 / 3000sh
2382 @149 / 400sh
939 @6.79 / 1000sh
282 @0.192 / 30000sh
6993 @10.793 / 3000sh
提問1: 每月堅持儲蓄$13000,可否達至2年后資產$100萬?(連同現有現金約$15萬)
提問2: 上述持股配置是否合適?須刪減部份/增持其他呢?
提問3: 上述那些持股係水涌1、2、3?
多謝你不段為網民解答疑問,祝身體健康。
每年額外花紅約5萬
龔成老師︰
1) 假設你投資一些較有增長力股票,年均投資回報有10%(連股息再投資),你每月投資$13000 + 40萬現有資產(25萬股票和15萬現金),2年後大約會增值至80萬。
但由於2年係一個好短時間,好易出現波動,令最終回報不確定性好高。而且,你都接近退休之年,我唔建議作太高風險投資。
以你年紀,只宜進行較保守的增值。
2) 你現時持有不少潛力股(1177, 1810, 6060, 0788, 9988, 2382, 6993),佢地增長潛力高,但風險都好大。
由於你接近退休,應該要開始減持這類股票,換至較平穏的「平穩增值股」和「收息股」。
還要隨著年齡增加,慢慢將收息股的比例提升。到退休時,你收息股比例,應佔100%。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、平安(2318)。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。收息基金(3110),都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
壹傳媒(0282)近期股價較波動,長線投資價值不算高,建議你換至其他股票較好。
中石油(0883)只係商品類股票,佢價值自主能力好低,投資價值只係中等,唔建議持有太多。
其餘持股,都係有質素。
3) 水桶1︰1177, 1810, 6060, 0788, 9988, 2382, 6993
水桶2︰0762, 1972, 0883
水桶3︰0939
你現在要做,就是將「潛力股」,慢慢換至「平穩增值股」和「收息股」。至於現有資金,就等大跌市才動用。
另外,每月$13000的儲蓄用一半去月供「平穩增值股」和「收息股」,另一半儲起,同樣等大跌市機會。
若你想增長力大少少,可以較集中「平穩增值股」。但緊記要慢慢將比重,轉去「收息股」部份。
雖然這樣做,不能達至你2年100萬的目標。但由於你快將退休,唔建議你太冒險。因為若你此時投資失利,你無足夠時間去再追回這筆資金,風險很高。
所以,我建議你考慮我上述策略,相信會對你較好。
------------------------------------------------
Q21833:
龔成老師,想請教你的理財意見。本人今年44歲,已婚,無細路, 兩公婆冢入大約$55K,自置物業完供, 一向由家人代為儲蓄, 近年開始自學一下,想為兩公婆退休作準確
本身自己都有些年金儲蓄(已完供,等多10年收$),手頭亦有些股票(樣樣有D), 但股票蝕多過賺(因個性心急,次次一買就跌,有點心灰)
現有現金:30萬左右
現有股票
買入價
已持有2年
0002 - 500股 70.7
0005 - 400股 72.5
0012 - 1000股 40.5
0939 - 1000股 6.5
近期亂入 (多數1-2手)
00992 - 2000股 9.89
1208 - 4000股 4.64
02158 -200股 47.95
01398 - 2000股 4.99
00762 -2000股 4.37
00384 - 400股 28.9
剛入
02618 -100股 45.9
01177 - 2000股 8.65
唉!感覺自己在股票方面是盲頭烏蠅, 想重新建立一個老師講的長期「財富組合」,所以希望老師俾D意見
1. 想問問需要沽出現時股票?
2. 月供股票是否適合我? 大約月供多少(本身預$2-3K)? 那些股會比較適合我?
謝謝你的指導。
龔成老師︰
如果你過往經常出現虧損,反映你有一此核心投資問題,建議你增加知識。同時,你最好用月供優質股的模式進行,相信會較為適合你的。
1) 五礦資源(1208)主要從事有色金屬經銷、製造及鋁、銅製品分銷。
過往有多年出現虧損,企業投資的價值不高,加上股價十分波動,炒作多過實際。這股不建議長線。
2) 我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你44歲,應以增值為主,建議你用「平穏增長股」 + 「潛力股」作組合,並以「平穏增長股」為主力。
你現時持有股票(除了1208),都適合你。唔好太在意中短期波動,你要清楚這些股票質素所在。就算出現下跌,只要佢長線質素係無變,你照持有就可以。
月供方面,你可以每月先用5成儲蓄,其餘先儲起,用一邊月供一邊儲蓄的策略。
以你家庭每月入息55K計,月供只有3K係太少。由於你已有物業類資產,建議你每月閒錢,都用來月供增值,咁會較好。
月供方面,你可以選擇投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。
由於你投資知識不高,因此可較集中在平穩增長類股,至於潛力股,只宜小小注(不多於2成)。最好是你先提高投資知識,等到你有一定知識和經驗,才慢慢增加潛力股比例(大約4成)。
現時大市只是合理區,你現有30萬資金可以多用5-10萬,用"分注"形式,慢慢買貨。餘下資金和每月所儲倒的資金,就等大市出現一定程度的下跌,才大力度掃貨,然後長線投資。
------------------------------------------------
Q21834:
龔老師你好,本人今年52歲,想請教我現除了持有現金30萬。 每月可儲八千元。 計劃8年後退休。
還有以下股票數量
#763( 中興通訊)
7000股 21.5買入
4000股 20.3買入
#175(吉利汽車)
2000股 22.55買入
1. 請問我應否繼續持有或 止蝕?
2. 請問問怎樣可以將現有的現金價值8年內增加兩倍?
3. 請問你我的股票組合應該怎樣安排?
求指點
龔成老師︰
1) 我地是否持有一隻企業,主要係睇佢長線質素,唔好太著眼係「買入價」,佢純粹係一個心理因素。
除非你發現佢長線質素轉壞左,否則係唔需要賣出。
吉利(0175)有質素和潛力,此股可持有。
中興通訊(0763)從基本面分析,這股不差的,我亦相信5G的發展,會對佢長遠有正面影響,因此長遠不會太差。
佢本身係中國高科技通信設備主導供應商之一,通過提供客戶化的產品及解決方案,目前主要服務於中國及其他發展迅速的新興市場。
佢主要同中國電信、中國網通、中國聯通和中國移動等中國主導的電信運營商建立了長期穩定的合作關係。這部分是較穩定的。同時,佢亦向全球多個國家銷售產品,但之前同美國果邊,因政治問題而有影響。
不過,政治等因素令佢股價大上大落,從生意分析,長期仍會有發展的,只是有潛在的政治風險,這點不能忽視,而這個風險好難分析及預測。此股可長線,但不宜佔組合比重太高。
記住,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
因此﹐我建議你每有反彈,就慢慢分段沽出部份中興通訊(0763),換碼至其他優質股,咁會較理想。
2) 你要8年做到2倍增長,需要每年平均升幅達15%,才可以做到。
要達至這個升幅,你必須要投資一些增長力較高,但同時風險較大的股票,才有機會做到。
由於你只有8年就退休,不宜承受這樣高的風險。因為投資這類股票成功時,回報當然可觀。但不理想的時候,你損失都會較嚴重,你要明白這個風險。
我會建議你,最好集中係「平穏增長股」。這類股票升值能力雖然不算好高,但勝在有平穏增值效果,波動性無咁大,較適合你這個年紀的人士。
到你接近退休的年齡,應該開始投資一些收息類工具,例如收息股,以平衡組合,同時減少風險,到退休時,就宜將較大比例,持有收息類資產,減少平穩增長股比例。
3) 你52歲,可以用「平穏增長股」作組合。現在你每月先用5成儲蓄,即$4000做月供。其餘先儲起,用一邊月供一邊儲蓄的策略。
月供方面,你可以選擇投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、希慎(0014)、太古地產(1972)
至於持有30萬和每月儲蓄,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
------------------------------------------------
Q21835:
龔成老師你好,現時我28歲已每月月供股票$5000大約有2年,但係理財方面仲係好生疏,所以想請教你的意見。目標想係之後的2-3年內儲到70萬左右,並為將來可以有財富滾存同時達到財富自由。
現金:10萬左右,月入20K
手持:
100股(00823)領展
800股(00005)滙豐
現時月供組合:
$1500(02800)盈富
$1500(00066)港鐵
$2000(00388)港交所
1.月供股票有無邊隻股需要賣出?
2.如果要達到目標是是否需要更變投資組合方向?如果需要增加, 哪些股可以?
3.想請問(00945),(00001),(01810),(00012)現價是否合理,是否可以分注買入, 還是適合月供?
4.基金投資是否適合我?
謝謝!
龔成老師︰
1) 當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
以你28歲計,應先做好增直部份。你現時月供股票和資金分配,係合適的。
但現時大市只在合理區,最好每月的資金不要用盡。要留有部份,等大跌市出現時,可用來掃貨。
另外,我建議你將$2000,加到盈富(2800),因為盈富本身是一個50隻股票的組合,就算資金多一點都無問題,可以令你的組合更為平衡。
2) 以大市過去年平均回報10%計(連股息再投資),你每月投資$5000再加上你現有10萬資金和持股,5年後(已計算已供的2年)大約會增值至52萬。
如果要達至你的財務目標,你可以增加投資年期,例如去到7年,就會滾存到$75萬,較接近你的目標。
或者,你可以選擇現時將月供金額,加大至$9000,都是一個方法。
又或者,你可以提高你的回報率,例如投資較多潛力股,當然,這會令你風險度提高,以及要求你有更多的投資知識,你都要明白這點。
3) 這4隻都適合月供,現價月供係無問題。
但若要直接入貨,小米(1810)現價偏貴,要回多1,2成,才開始算合理區頂。其餘3隻,現價合理,可以分注入貨。
4) 要視乎基金投資目標、質素等去考慮。以你年紀,盈富基金(2800)、安碩恒生科技(3067)這類有質素和增長力的ETF基金,就會適合你。
------------------------------------------------
Q21836:
龔老師,我大約兩年前開始拜讀你的文章,資產在這兩年大跌巿間,幸有聽從你的建議,不但沒有少了,還喜見增長,多謝你。現想請教你,我可以如何改善我的資產配置,早日達到第一個一百萬,
從而步向財務自由呢?
我現時36歲,文職公務員,月入4萬5左右,持有現金$26000。另持有保險現金價值約有$63500, 當中有50萬人壽,100萬意外和116萬危疾保障。
MPF現有約27萬7千,過多一年半就過probation, 屆時僱主供款會增至15%。
現時每月債務還款約$12000, 2022年12月還完;交租及雜費$15000;孝敬爹娘$9500。
現時持股如下:
4手 3072 買入平均價$162.4
2手 3187 買入平均價$21.4
16單位(碎股 ) 0066 買入平均價$41.279
2手 0303 買入平均價$47.35
2手 0388 買入平均價$445.1
1手 1373 買入價$2.5
我對新上巿的2814有興趣,應否用來取代3072?還是可以同步進行?
謝謝賜教
龔成老師︰
首先,若你現時債務,貸款利息係較高。最好係開始投資前,先作清還,因為佢會拖低你長線回報。
以你36歲年紀,應先做好財富增值部份。
ETF三星亞太高息房地產信託(3187)和偉易達(0303)主要係收息,增長力唔高,唔建議持有太多。
其餘股票都有質素,你照持有就可以。
三星FANG ETF(2814)的投資目標,係追蹤NYSE FANG+指數的表現。是一個美股潛力股基金。
而日興環球聯網(3072)投資目標是尋求提供在扣除費用及開支前與iEdge-Factset Global Internet Index (“指數”)的表現緊密相關的投資回報。
當中包括不少環球有潛力企業,例如阿里巴巴、FACEBOOK、AMAZON、百度等。
相對之下,3072會較全球性,而2814會集中在美股。2隻都有增值潛力和投資價值。你可以睇翻佢10-15大持股,去決定邊隻較適合你。
3072和2814同步進行都可以,但當中有不少股票,都係重覆。因此,這2隻ETF佔組合比重唔可以太高,連同其他科技類股票,你要控制在3成佔比以下。
另外,我建議你用每月閒錢,去做月供,來進行一個長線的財富增值。
策略上,你可以投資「平穏增長股」和「潛力股」。你每月5成儲蓄做月供。其餘先儲起,用一邊月供一邊儲蓄的策略。
選股上,你可以投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、粵海(0270)、領展(0823)。
潛力股可選安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。但佢地波動性和風險會較高,你要自己平衡。
如果你現時無太多投資經驗,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
餘下資金,我地就等機會,當大市出現較大回調,就加大力度掃貨,然後作長線投資。
------------------------------------------------
Q21837:
老師,請問 7226 同 3076性質是否一樣,7226是否一樣可以長期持有。
如果我早年半前睇到你page就好,年半前那時係低位入過金沙,舜宇,但都只係賺差價,甚至騰訊係186同439有貨,都沽咗,真係好後悔。
現在開始要慢慢調整手頭股票,將無質素換有質素去長期持有。早前33.7入了一手金沙,諗住分注入,
(我理想價係希望30左右先入,但今年好似比較難去到30,所以33.7都先入一手)長期持有,不過這之後已升,又要再等下。
龔成老師︰
你才40歲,只要現在學好正確投資方法,依然有充份時間,去做好增值。
你現時入金沙(1928)策略正確,好多時優質股,都唔會咁易回到較平水平,所以我地要分注,去平衡入唔倒貨架風險。
現要時$33.7入左首注,你預每回調10%左右加注,咁就可以。
XL二南方恒科(7226)產品之投資目標為追踪恒生科技指數每日表現兩倍(2x)的投資業績。
雖然我長遠認為,恆生科技指數正面,但中短期可以較波動,由於這基金有槓杆,就會令價格更加波動,其實有風險。
雖然都係追蹤恒生科技指數,但我會較建議投資無槓杆的恆生科指ETF(3067),始終較好。
------------------------------------------------
Q21838:
阿sir 雖然距離1,000,000仲差好遠,但想同你講多謝你, 自從2018年尾同男朋友分手, 人生好似無咩目標!
但2019年初認識到你, 不停睇你fb, 我就由零知識開始不停儲錢同長線技資,供股etc. 2018年年尾由10幾萬努力儲錢投資到而家70幾萬(我知道雖然唔多錢, 比起好多80後既人)
呢兩年幾不停睇你既書同你介紹既書藉增值知識,然後2019年就報名上你堂, 更加明白價值投資法同長線投資嘅重要性....
你既正量真係幫到好多人,岩岩睇完你既千萬富翁既書, 而家思考緊點樣可以用空閒時間去做副業, 我其實覺得keto desserts呢個market係有得做,
本身都鐘意baking, 而家仲思考緊點可以行出第一步, 始終要拎個食物牌先可以賣出去, 但拎一個正規既食物牌要投資好多錢, 而家就係stuck住係呢一步。
唔知阿sir你會唔會有d意見可以比到我?
PS 希望不久將來成為千萬富翁
我希望盡快可以cap screen到我第一個一百萬給你,多謝你。
同埋我2019年頭開始每個月供0003($2000) & 2800 ($3000),因為當時無咩投資知識,因為你話供股最少要3-5年先可以平衡風險,
想請教你 我係唔係應該繼續供到去5年就停? 到時就轉供潛力股?
定一話而家可以停供呢兩隻股轉供潛力股?
我今年34歲了
龔成老師︰
能夠有這樣成績,都是你自己努力學習和實踐的成果。記住,投資路上要一直保持學習,才會成功。
至於100萬,我相信你按部就班,可以好快會達成。
至於月供方面,我希望大家最少供3年,並持有5年以上。但當然,不論係月供年期,定持有時間,都係越耐會越好。
而幾時加入潛力股,這個係睇你人生階段作決定。
我地投資會運用「先增值,後現金流」作方法,初期應投資較多增值類資產,較後期則應投資較多保守類項目。所以係分配投資項目時,會因應番你的人生階段。
較年青人士,可以用「平穩增值股」+「潛力股」。中年人士,可以較集中翻係"平穏增長股"。當你已近退休之年,就應集中在「收息股」,去創造平穏現金流。
以你34歲年紀,應用「平穩增值股」+「潛力股」作組合。
潛力股︰可選安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)
如果你現時覺得,自已投資經驗都未算多,潛力股這類風險較高的股票,你就不要持有過多,最多維持2-3成好了,甚至先維持現狀。
若你有一定投資經驗﹐潛力股比重可以相應調高,佔組合約3-5成,視乎你投資經驗多寡和了解這些股票程度而定。
另外,你要合法從事這門生意,這個成本始終都要投資。但若你覺得太貴,你可以睇下有無志同道合架朋友,一齊去開,去分擔成本。
但你要明白,當多一個生意合伙人,就會多一個變數,甚至係多一個麻煩,你要了解這個風險。
又或者,你最初可以到相關公司工作,最好是一些中小企,你要盡力了解該生意的營運,同老版傾計,這都是一個方向。
------------------------------------------------
Q21839:
呀sir,最近先有時間去買你嘅書睇,但係好似已經太遲,因為係3月左右係高位買左3690,9618,9988,已經蝕緊好多,呀sir想請教下依加應該止蝕定係轉買另一隻股呢?謝謝
龔成老師︰
首先你要明白一個概念,我地持有一隻股票與否,關鍵位是企業質素、前景,不要被買入價影響。因為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心,照持有就可以。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
這3隻股票,都係有質素。就算你買貴左,長線企業會增值,慢慢會重回你買入價,故可以守。
但當中美團(3690)有潛力的,過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可大跌。
因此,這類不確定性高的股票,只能小注。若佢佔你佔合較大比重,建議你沽少少,去平衡下個風險。
------------------------------------------------
Q21840:
您好 ! 龔成老師,
1. 本人2020年7月14日$8.12買入01114 華晨中國 ,但於2021年3月已停牌, 以你專業意見, 此股有無機會復牌呢?
2. 2021年 2月8日 $0.485購入#00451協鑫新能源, 可繼續持嗎?
3.2020年11、12份 分別$4.74, $4.59 (股數3萬)入00831 利亞零售 之後於12月份分別$0.69, $0.63 (股數7萬)
12月31 日已收了股息$114,900 你覺得應該繼續持有,還是放再賣其他股呢?
龔成老師︰
1) 華晨中國(1114)自2021年3月31日起停牌,集團由於未能完成2020年年報,故要待公司釐清當中資料後,相信會有機會復牌。
但由於暫時無佢太多資料,根據以往數據分析,集團只算係不過不失,投資價值一般。
現時你暫時無野可以做,你預復牌後,如果2020年數據較差,股價會有較大波動。
2) 協鑫新能源(0451)主要從事光伏電站之開發、建設、經營及管理。
生意增長力不強,可過盈利十分波動,股價上落大,高風險類,市場往往炒作多過實際。
要睇你承受風險的能力,股價有時會大升,但又可以跌得好快。整體的投資價值,未算高。長線計,換至其他優質股,會比較好。
3) 利亞零售(0831)賣左「OK便利店」業務資產後,就只剩餘集團的品牌(聖安娜、Mon cher和Zoff)。
預期發展只是一般,同埋之後好睇佢資金的運用情況,投資價值只是中等。
若你持貨佔組合比重不高,你持有都可以。但若佔比重較大,最好估出部份,換至其他優質股。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過16萬的網紅Katy Cheung,也在其Youtube影片中提到,疫情間大家也接觸過不少消毒產品,日日除了消毒還是消毒,我搓到手都爛了,現在乖乖戴回手套做家務,少沾水,2星期左右就好過來了!今天不如就來分享一下我用過各種不同類型的消毒產品,也綜合了這些日子為各類消毒產品的筆記和資料,希望大家也會有用吧!溫馨提示:大部份消毒產品都不適合用於霧化,吸入身體會容易引起不...
「家居渠蓋」的推薦目錄:
- 關於家居渠蓋 在 龔成 Facebook 的最佳貼文
- 關於家居渠蓋 在 龔成 Facebook 的最佳貼文
- 關於家居渠蓋 在 人在泰 香港仔日記 Facebook 的最佳貼文
- 關於家居渠蓋 在 Katy Cheung Youtube 的精選貼文
- 關於家居渠蓋 在 與芬尼學英語 Finnie's Language Arts Youtube 的最佳貼文
- 關於家居渠蓋 在 美樂町 的評價
- 關於家居渠蓋 在 抗菌渠蓋| 現今世界惡菌橫行,要係家居環境開始 ... - Facebook 的評價
- 關於家居渠蓋 在 渠蓋係門口洗咩驚讓你認識英國屋水電煤位置 ... - YouTube 的評價
- 關於家居渠蓋 在 MUDLAB 達摩原創水泥置物碟【淺灰/ 深灰】 SIZE L (大碼版) 的評價
家居渠蓋 在 龔成 Facebook 的最佳貼文
【龔成問答信箱】(Q21321-Q21340)
Q21321:
龔sir你好,你本《80後千萬富翁》我已經睇到接近尾聲,書中含金量極大,當中思維篇真係本書最重要既部分,講中哂大部分香港人既固有思想,其中“覺得冇可能,到最後就真係冇可能”呢句一語中的,成枝針拮到9成香港人。
至於金錢篇都係講返金錢背後運作同乘既法則,其實用字真係好簡單,小學生都睇得明,同富爸爸窮爸爸一樣keep it super simple。
到實戰篇,睇完令我更加想成為全職股票投資者,要自己提升股票投資,希望自己做到第四級投資者,脫離打工生活。
本書真係勁好睇,內容價值一定大過書既價錢,其實龔sir既書全部已經睇過哂,最重要既係,書中所帶黎既投資回報已經大過咁多本書既價錢總和,真係多謝龔sir,希望可以再出多啲書
龔成老師:
多謝你的讚賞!
其實我之前有少少擔心,讀者會覺得我重覆左某些概念,與之前的書有接近內容,因為這是一個由思維到應用的知識大連貫,總會有小部分內容,同之前類似,因為有些重要內容我無可能跳過不談。
現時你這樣講,我就放心了,因為我能夠做到寫這書時的目的,就是帶領讀者,由思維到落實,向著$1000萬進發。
這本書用左我好多時間寫,希望可以幫到你知識與財富提升,等你的好消息,加油!
------------------------------------------------
Q21322:
你好龔成老師我沒有工作差不多9個月,現在做全職媽媽。
三十幾歲係07年既時候買咗d細價股,輸咗差不多20萬,一直吾敢再買股。
直至今年2月開始,買再買返現時有既股票︰
390 4.09 買入10000 股
2314 7.5 買入3000 股
777 19.92買入1000股
460 2.09 買入10000股
仲有3隻 現在都持有緊
9626 (抽返來的20股)
2158 37.65 買入1000股
769 1.02 買入60000股
1. 我以上既股請俾一俾意見,我現在有的7隻股票,有邊d可以繼續持、有邊d要放咗佢?
2. 同埋我想用30萬去買其他股票當幫小朋友儲錢及收息,可給我建議嗎?
謝謝
龔成老師︰
1) 中國中鐵(0390)和理文造紙(2314)質素中等,唔建議持有太多。你可以等反彈時,沽出部份,餘下的就長線持有。
網龍(0777)主要從事網絡遊戲開發(包括遊戲設計、編程及繪圖)及網絡遊戲營運;教育業務;移動解決方案及移動營銷業務。
另外,佢近年有發展教育業務,相信長遠都有前景的,但業務始終有不確定性,市場具體情況仍有未知數,所以,投資價值是有,現貨可持有,但暫時不要加注。
四環醫藥(0460)好翻D,相信無之前咁差。不過這股,2015年、2016年,曾經出現了核數師有「保留意見」的情況,反映盤數有問題,小心這股。我對投資這股有保留。
中國稀土(0769)質素一般般。炒作多過實際,過往賺錢能力不高,業務波動,間中出現虧損,投資價值唔算高,你沽出會較好。
醫渡科技(2158)和嗶哩嗶哩(9626)有潛力的,可長線持有。但由於佢地係新股,不確定性會較高,暫時只宜小注。
我睇翻你持股中,除了部份新股算有質素外,其他都係麻麻。你再投前資,建議你先學好投資知識,對你長線財富增值效果,會有重大影響。
現時,你可以先集中係以下「平穩增值股」+「收息股」。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
由於你投資知識不足,建議你用月供方式去儲貨。若想1手手入都得,但緊記要分多注咁慢慢入,去拉平均個買入成本,以減低入貴貨的機會。
2) 由於小朋友年紀少,到佢用這筆資金尚有一段長時間。所以,我地可以集中係增值部份,先為佢累積起一筆財富。
收息都可以,但這類股票增長力較弱,我唔係太建議你用在小朋友身上。
策略上,我建議你分注,慢慢買入盈富(2800)。現時大市只在合理水平,30萬可以先用一半,慢慢咁入分多注入,唔好一次過入晒。
餘下15萬,就等大跌市時,我地才出手。
------------------------------------------------
Q21323:
Hello,龔老師,小朋友岩岩出世,想幫佢儲起啲利是錢去投資,買金粒或者買港鐵股票,請問有無咩意見?謝謝!
龔成老師︰
黃金是貴金屬,有「終極貨幣」之稱,是人類自古以來的貨幣,因此,有持有價值,而現時我地的現金,一定長期貶值,所以黃金長期會向上。
不過,黃金沒有現金流,持有無法創造出經濟價值,其主要作用是對沖黑天鵝事件。用作小朋友的財富增值,就未必咁適合。
我建議你小朋友,利用一些優質股,去做財富增值會較好。
港鐵(0066)係其中一個選擇,另外,你都可以儲盈富(2800),佢係包括55間質素不錯上市公司股票的組合,比港鐵更能分散風險。
若你想增長力高D,可以投資安碩恒生科技(3067)。但此股波動性會較大,要睇翻你自已風險承受能力。
基本上,以你小朋友年紀計,持有以上股票都係可以,但你明白當中風險和分別。
------------------------------------------------
Q21324:
老師:我是一個中年婦女,想請教基金每月派息有邊隻建議
龔成老師︰
我對坊間基金無特別研究,無太多意見比到你。
除非你係有原因,係必需以「每月」這模式去收息。否則,我建議你用「收息股」去創造一個組合,咁會較好。因為基金好多時都會有費用要收取,變相令你實際收入減少。
或者你可以考慮,在港交所上市的收息ETF,GX恒生高股息率(3110),這是一個投資收息股的基金,追蹤恆生高股息率指數之表現。
佢一年派2次息,都不差的,你可了解下。
可以視為收息股的組合中其中一員。這基金可投資的,現價合理,可分注。佢是投資香港大型,較穩陣,派息較高的上市公司。
這是不差的收息組合,但增長力不強。
可以上基金網站有介紹的
http://www.globalxetfs.com.hk/funds/hang-seng-high-dividend-yield-etf/
另外,以下都係較有質素的「收息股」,你可以參考下。
這些股票大多每年派1至2次息,雖然唔係每月派息。但你可以按照你生活所需,再去自行調配這些股息就可以。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
現時大市只在合理區,資金唔好盡用。最好留有部份,等大跌市出現時,可以用來掃貨。
------------------------------------------------
Q21325:
你好呀,有野想請教。
我想問有冇聽過 消費商,對於呢樣野既前景又點睇?
龔成老師︰
其實「消費商」概念,就是從過往純「消費者」年代,單向作出消費的模式,轉變成「消費者」除了單向消費外,自己同時參與一定程度的銷售工作。從而賺取回報,這個模式有少少似「產品代理人」。
現今科技較以往發達,人與人之間溝通和分享渠道多左,都造就這類「消費商」發展。而且,這類宣傳有別於傳統模式,由生產商單向花大錢賣廣告。
而是直接有身邊認識的人,向你推薦產品。相對舊模式,精準度和新客戶接受程度,一般都會較高。
其實「消費商」概念好耐之前已經存在,好似你購物後,再介紹新客戶賺積分的獎勵活動,其實都係運行緊「消費商」模式。
這模式有佢價值,相信在現時互聯網發達的社會,在不同社交平台支援下,發展會唔錯。
------------------------------------------------
Q21326:
老師你好 本人今年33歲 完全係投資新手無經驗。
但𠵱家決心要將財富增值 希望10年後達到財務自由 現打算月供股票
請問建議買邊類/隻股票 同應該將儲起嘅錢幾多percent用嚟做月供?
以下大約係本人背景
- 單身 月薪9萬左右
- 平均每月可儲6萬
- 有意2-3年內置業
謝謝老師
龔成老師︰
你可以投資「平穩增值股」+「潛力股」,去創造一個增值組合,累積一筆資金,助你達成置業和財務自由的目標。
至於,用多少儲蓄作投資,無一個特定答案。若你想盡快達成財務自由,最好係盡量投入最多閒置資金,就會越理想。
組合當中的「潛力股」,要求你有一定的投資知識。加上你會在2-3年內置業,時間唔算好長,係增值時先要保守一點。
現時,你可以集中在平穩增值股先,潛力股小注好了。到你投資實力較強和處理好置業時,可慢慢增加潛力股比例。
平穩增長股:潛力股
7:3
平穩增長股:考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股:安碩恆生科技ETF(3067)
另外再加:阿里(9988)、騰訊(0700)、港交所(0388)、舜宇光學(2382)、小米(1810)、GX中國電車基金(2845)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市波動,可以一邊投資一邊留現金的策略去做月供。每月用3.5萬先月供,另外2.5萬就儲起,是等大跌市時出手。
如果你能在這段時間學好選股等技巧,到大跌市時就能把握機會,財富增值會更明顯。
其實你要考慮一點,當你打算中短期置業時,宜留多少少現金,特別是打算買樓前的一年。而我地投資股票就是買入企業,而企業成長需時,因此一定要長期先有效果。
因此,你要考慮幾時置業,在現金與投資上取平衡。
現時可以用上述的方法,部分月供,部分留現金(但近置業就可能要減現金),到你完成置業後,其實可以再加大投資力度,進行財富增值。
------------------------------------------------
Q21327:
手持5百萬現金應該怎樣投資 希望每月回報有2%
投資股票 置業 應該 怎樣分佈
龔成老師︰
我地做財富增值,一般希望做到架合理回報,係每年增長10-15%。你現時這個每月2%回報的目標,用股票或物業投資去做,風險會較大。
我建議你按步就班,透過月供和買入優質股,去一步步為自已資產作增值。在合理風險下,爭取最大回報。
係投資增值時,我地會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
所以,當我地選擇投資項目時,應參照自已人生階段。年輕時,可以用「平穏增長股"」+ 「潛力股」,到中年「潛力股」比重要減少,到近退休應集中在「收息股」上。
若你投資經驗較淺,就算年輕,我都建議你「潛力股」部份比重,要調低少少。到有一定經驗時,才慢慢調高。
現時,你可以因應自已人生階段和投資經驗,在以下股票中,作出選擇和配置。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、希慎(0014)、太古地產(1972)
或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)。
大市現處於合理水平,那500萬資金,你可以先用200-250萬,以"分注"形式慢慢入貨。餘下資金,我地就等大跌市機會出現,才大力度掃貨,並長線投資。
如果你本身無乜投資經驗,暫時只建議動用$100萬-$150,同時你要增加知識,等你有一定知識先慢慢加大金額。
長線計,我地要建立一個長期的「財富組合」,要優質,要平衡,要適合你的年齡與風險承受程度,不同資產類都要有,好似優質股、物業等。
持股中,唔可以太集中個別股票,同一行業不能太多,同一股不能太多。
此刻整體物業算是合理區頂,相對股票值博率較低,所以又唔需要話好急去買入,投資值博率算是中等,當然,如果你見到較有質素,回報理想的物業,其實又不是不可考慮。而長線,你都要將佢加入財富組合當中,成個組合平衡性才算理想。
------------------------------------------------
Q21328:
龔Sir 您好!近排買咗你的一本書,開始留意股市,我想入高增長的股票,但資金不多$5-$8萬左右
有一手快手,想望長綫,無時間長期留意股市波動,建議入咩組合?
龔成老師:
你唔好只集中在高增長股,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
你部分資金買入高增長股是可以的。
快手(1024)可長線,但上市後一直都貴,注意風險。不要心急加注。
另外可考慮盈富(2800)、恆生科指ETF(3067)。潛力股投資要慢慢用資金,不要急。
------------------------------------------------
Q21329:
老師,早前聽你分析一篇是有關人士尚欠10年退休,應如何處理退休計劃。
你提及若基金有高回報,可考慮退保轉移收息股。
我以前同朋友買落一些基金單,過去回報真係麻麻,但最近終於超越我的供款額,我計劃停供兼考慮申請退保,取回本金轉買你建議的收息股,十年後成效會否顯著?
但還有一些基金單早已停供,但退保費用尚高(要足20年才沒有,現時退保費達41%)。但係未回本兼一早已停供,應否提早贖回此單買其他如2800,起碼不會被每月基金手續費蠶食本金?
本人一向好節儉,但不懂投資,到今日開始認真思考未來退休生活費。慶幸認識你才檢討自己投資方向,希望有所改善。
過去經驗令我現在對基金單有所保留,雖然回報可以好高,但亦可以蝕到入肉。所以自己入行後從沒建議人客買,除非人客有能力選擇基金 。
但若我只集中股票投資,又會否有危機?最近有朋友常説股票市場未崩是阿爺出手,叫我有賺就放。但聽完富途牛牛老師分享,更堅定長線投資。不過始終心不夠定,因自己已不年輕,希望老師俾一些啓發,謝謝。
龔成老師:
基金有好多種的,因此,好難一次過講基金是好還是壞,有些基金的回報可以跑贏市場,但同時有些都可以遠差過市場。
你最重要考慮翻該基金,佢本身的投資策略,投資那些市場或產品,以及過往5-10年的回報,比起一般投資市場回報是好是壞,如果回報較差,就要考慮轉。
不過,你話有些基金單已停供,但退保費用尚高(要足20年才沒有,現時退保費達41%),你就要睇翻仍有多少年要等,如果等的年期不多,就可以等。
其實在概念上,以及比較那個投資決定上,最重要是你要分析「之後的組合情況」,不是過去,是將來。應該持有那些項目,比例如何,能為你帶來怎樣的長期財富。
你最重要建立一個平衡配置,不要只集中在過往的虧損。首先,你每一份基金去分析翻,個別的質素怎樣,如果質素不佳同時又無特別賣出的限制,就轉其他工具。(你要問清楚,如果賣出相關基金,會有那些罰款,能夠取回多少本金)。
如果讓基金過往表現不差,有質最素,件就可以繼續持有。
之後可以將資金,部分投資股票,只要投資優質股,長線,其實不用擔心,同時你不用太著重短期因素。最簡單是選一些ETF,如盈富(2800)、高息基金(3110),這些ETF的管理費,比一般的基金較低,因此長遠對你的回報較高。
我相信ETF比較適合你,因為彈性比較高。
------------------------------------------------
Q21330:
阿sir你好!我最近係度調整緊月供計劃,total每月有9千蚊,有剩希望儲現金,麻煩你幫手睇睇咁樣嘅組合會唔會太分散?係唔係唔太好?幫手俾啲意見,唔該!
1. 3067 – HKD$2,000(手動月供)
2. 0700 – HKD$1,000
3. 0003, 0823, 0388, 2388, 1928, 1177, 2800, 1810, 2020, 3188 – 各HKD$500
4. IAU & SLV, BTC – 各HKD$500(通過美股同虛擬貨幣平台手動月供)
龔成老師:
你月供恆生科指(3067)及騰訊(0700)無問題,不過都要明白3067是潛力基金,佔組合比例不能過多。
至於0003, 0823, 0388, 2388, 1928, 1177, 2800, 1810, 2020, 3188 – 各HKD$500。你供得有點散,要好長時間先有一定的貨。
建議你集中翻少少,例如每隻供$1000,減少隻數。其實當中都是有質素的股票,都可以選擇,你睇翻自己較睇好那隻,以及自己的投資目標及風險程度。
至於IAU & SLV,即是間接投資黃金與白銀,長遠都可以,因為貴金屬都可以在我地的財富組合中,佔一個比例,但就不會太多,如果你每月合共$1000,佔你每月投資比例10%,開始有點多,調整翻去到5%較好。
至於BTC這類虛擬貨幣,我不是這方面的專家,所以我太大意見。
以本質來說,這是人為創造出來的,絕對不是「資產」,有沒有真正的價值,如何定義真正的價值,未知。
這些人為創造的貨幣,因為關注度由很少變得大,價格會大升,但這背後是否有真正的支持,我不知道。只能說,投資這些貨幣,投機味好重,可能大賺,亦可能蝕到一文不值,因為,當中有沒有價格,我不知道。
但這不代表佢無價值,佢可能好勁,只是我自己不知佢好勁定好差。
佢長遠的價值,取決於「有多少人用」,即是說,雖然無真實價值,但可以有「交易價值」,如果長遠好多人用,的確可能有高價值。
因此,這些虛擬貨幣,由於我無法作出專業分析,所以,我不會投資。
但如果你分析到佢長遠的交易大,大家都持續關注,就有價值,就值得你投資。如果你睇好,小注每月投資,不是不可的。
------------------------------------------------
Q21331:
多謝老師一路以黎既教導 你個page 充滿正能量 哈~(對我黎講)
龔成老師:
加油!
我出書,不斷做分享,在FB不斷發放正能量,正正是這個目的,你要做好自己,影響其他人。加油!
------------------------------------------------
Q21332:
阿sir 我份人比教保守但又想搭到快車 起望資產有所增值
所以我想有一半買3067
但另一半可以買邊隻潛力股
因為好多新經濟潛力股都銀碼太高 所買股份唔多,長遠增值唔大
我睇中必瘦站 佢而家係疫情下重可以擴展 同埋減肥 美容 係唔會冇人去做 加上佢銀碼唔大 大約6蚊
你意見如何?
龔成老師:
你要清楚翻投資概念,如果你風險承受能力較低,就唔應該投資潛力類的股票。
因為風險與回報一定成正比的,你要清楚翻這一點。
記住,我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
如果你承受風險能力不太高,就可能要將恆生科指ETF(3067)改為投資其他,如盈富(2800)。
當我地建立組合後,就長期持有,不是買賣賺差價,而是成為你財富組合一部分。
另外你要記住,入場費的大小,以及股價數字大小,與平貴度,無關!
至於必瘦站(1830)長遠有發展,本身有一定的質素。
睇翻之前的疫情,佢身處的行業受影響,但佢的現金流及財務數據都唔算差,這點可以想象到,當正常的經營環境,佢的生意一定唔錯。
加上佢的野心愈來愈大,本身有一定的技術,同時不斷將香港的業務模式複製到其他海外地區,我見佢加強了發展其他地方,因此發展不差。
你預$4是合理區頂,這股有長線投資價值。
如果你真的想買入,就等回少少先,小注,之後等落翻$4左右先正式買入。
------------------------------------------------
Q21333:
龔sir,用三十萬炒股,最近半年接觸衍生工具,已輸左HKD十萬,有咩方法可以可以追番血汗錢
龔成老師:
記住,財不入急門,你愈心急想追翻,就愈危險。這刻你應該停一停,冷靜翻,增加翻投資知識先,唔好太心急再投資。
其實我20年前,都玩衍生工具,玩左幾年,輸足幾年,之後長線投資,就開始不斷賺錢。
我之後做銀行同證券行,見大部分輸錢的客,都是偏向短炒,及投資衍生工具的。
這刻,你停一停先,之後長遠計,你要建立一個長期的「財富組合」,要優質,要平衡,要適合你的年齡與風險承受程度。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
------------------------------------------------
Q21334:
老師! 我買的保險有儲蓄成份的。我有3份,第1份$ 20萬2022年9月到期$20萬,到期可取$24萬幾,可將筆$供第三份保險。
第2份2026年頭到期,比現在供款大约多$23萬,到時可取~$74萬。第3份$100萬,若10年不取,大约有$ 149萬。整體有~4-5厘息。所以4年後,只有1份100萬的保險。
你建議我們持股要長線才能赚得多D,但退休後冇收入,靠收息過活,始終都需要賣股票,那何時才是適當時間賣? 若不賣,可能到時人在天堂,股票在銀行!
龔成老師:
如果現時保險類太多,你要睇下點樣調整佢,但持有多少,其實好個人化,因為這類有儲蓄成份的保險,可說是一些防守性產品,對一些好怕風險的人,持有較多都可以,但如果能承受基本風險,其實不應持有太多,可考慮將資金投資其他工具,會更好。
如果你這刻在配置上,股票等增值類資產不多,你應該等2022年該份保持到期後,將資金轉到股票,建立一個更為攻守兼備的組合。
至於另外的第2、3份,就可照原定計劃進行。
另外,當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
因此,當你退休時,就能以不同的資產,去獲得持續的現金流。
------------------------------------------------
Q21335:
請問老師2588現價位值得入市嗎?留意了它一段時間,之前因市場炒疫苗復蘇已炒到當年的高位81,但現價已漸漸回落,請問現價71值得入市嗎?
龔成老師:
中銀航空租賃(2588)本身質素不算差,但又未到好好,主要原因是負債太高。佢利用高槓杆的模式,進行飛機租賃等業務。
即是借錢,買飛機,再租出給飛機公司。
現時航空業不景,對佢有影響,加上佢利用槓杆,風險點都會有。不過,這只是中短期情況,長遠仍是不差的。
現價算是合理價,但投資注碼不能多。
------------------------------------------------
Q21336:
龔sir, 你好,我係新手投資,聽某股評人8.1高追入了1760英恒科技,我有睇過1760的業務,基本面好像不錯的。
所以一直抱著希望會回升,但股票卻一直向下,現已蝕了五成本金。
請求老師對此股給點意見及睇法,感激不盡。
龔成老師︰
我地買入一隻股票,一定要知道佢質素、行業前景、財務狀況等,才去投資。唔好單憑消息,就去做投資決定,咁係好危險。
英恒科技(1760)算係有危有機類的股票。這股質素不算高,但都未去到劣質,而你最大的問題,是在好貴的價位買入,因此,要上翻去並不是易事。
佢業務主要於中國提供汽車電子解決方案,客戶為汽車行業的原設備製造商、一線及其他供應商。例如新能源、車身控制、安全、動力傳動等。
過往財務數據只是一般,未算強,市場主要炒佢新能源汽車業務。
佢之前有集資去開發集團在新能源汽車及高級駕駛輔助系統(ADAS)方面的服務平台,特別是加強研發實力,包括智能駕駛軟件平台搭建、電動車電控系統軟件的研發、半導體功率器件定制化研發。
此股唔係話無質素,只是業務始終有不確定性。若你持貨不多,可以守。但若持貨較多,可以等有反彈時,沽出部份,去平衡個風險。
在將來再投資其他股票前,你先要問問自已。你到底知唔知間公司做乜生意、間公司點賺錢、行內有乜優勢、點解未來有發展和增長潛力。
若果答唔倒自己,就必需要停一停,唔好投資住。
------------------------------------------------
Q21337 :
你好,龔sir
1. 我買左2018,平均價55蚊,佢近期業績不錯,請問可否返家鄉。
2. 另外347近期有營利,股價會否再繼續上漲?我平均價9蚊。謝謝你
龔成老師︰
1) 瑞聲科技(2018)不差的,本身有一定的規模與技術,長遠發展正面,不過,佢增長力不是好強,只能視為平穩增長類別。
佢業績算係可以,此股有質素,可長線持有。要回到你買入價,相信係可以。但由於增長力不及以往,所以要比多點耐心。
2) 鞍鋼股份(0347)本質屬中等,但有較受大環境影響。佢始終這只是商品企業,沒有一些太大的優勢。近年盈利上落較大,難以達到穩定生意與盈利的投資擬標。
所以整體的投資價值只是中等。這類股,長遠投資價值不算高,但又不是劣質,一般不建議佔組合比例太多。
若佢佔你組合比重較高,我建議你當有反彈,就沽出部份,來減低風險。
你要記住,我地投資時,唔好太過睇重短期因素,要長線咁分析。鞍鋼股份(0347)係2020年公布盈利係多左,但你睇多幾年,會發現佢盈利其實好波動。
另外,我見你對股票點定平貴的概念,唔係太強。建議你再投資其他股票時,可以考慮用月供方法,去平衡這個買貴貨的風險。
------------------------------------------------
Q21338:
Hi 成兄,我留意左你一段時間,前日我買左第一本你既書《80後2百萬富翁》,睇到一半,真心覺得你好有毅力去做每一件事。
而我亦都係上年係股票輸左成50萬,而家要每個月還$14000,人工每個月只係$34000。
小弟只係一個公務員,但唔甘心維持現狀,而家努力儲緊啟動資金、另一邊亦都睇緊啲理財、投資既書,唔想比自己再衰多次。
但係公務員有啲限制,而自己無咩技能,但黎緊會報啲有關電力既野,亦都會慢慢報下其他課程。
但係小弟已經30歲,果50萬要還到34歲,好似有啲唔夠時間用咁,想係呢4年努力返少少儲返多啲資金,再進軍股票世界。
因之前買輪及牛熊輸,到最後都係覺得買正股、潛力股先有增長,亦明白到貪字真係得個貧。
龔成老師︰
緊記,短炒唔係一個正確的投資方法。窩輪及牛熊證這些工具好複雜,唔好再用。
過去的事情,就由得它過去。最重要係你上了寶貴一課後,明白到何謂正確的投資理念,加上你已開始努力學習相關知識,算得上係向成功踏出一大步。
你現在才30歲,絕對有足夠時間讓你做好財富增值。
現時你負債雖然係可以還到34歲,但若果個貸款息率係較高,最好在投資前,先還清。因為高債息,長線會拖低你投資回報率,影響成個財富增值效果。
之後,你唔一定要等到儲到一筆較大的啟動資金,才開始投資計劃。你可以先用月供方法,去邊入貨,邊儲錢。我相信咁做,會較有效率。
以你30歲,可以選擇一些「平穩增值股」+「潛力股」作投資目標。
以現時大市合理區狀況,月供最好係先用一半每月儲蓄,另一半就先儲起架策略。
由於你投資知識不算好高,因此我建議你先集中係平穩增長類股。至於潛力股,只宜小小注(約佔組合3成),等到你提高投資知識後,先慢慢增加翻潛力股比例。
至於,每月儲下現金,就是等大跌市時出手。如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21339:
龔sir,我之前$61入左1000股9633,和$16入左3500股6993,仲有得守嗎?
龔成老師︰
農夫山泉(9633)有質素的。
是中國包裝飲用水及飲料的龍頭企業,旗下品牌包括農夫山泉、東方樹葉、尖叫等。佢係中國擁有10個區域取水許可證,並在其周邊建立生產基地。
其產品覆蓋包裝飲用水、茶飲料、功能飲料及果汁飲料等類別。根據弗若斯特沙利文報告,2012年至2019年間,連續八年保持中國包裝飲用水市場佔有率第一的領導地位。
業務上,的確有吸引力的,不過,我一向都新股半新股都無興趣,因為真實面要慢慢先見到。此股可投資,但只建議持有小注,同時你要明白當中的風險。
而藍月亮(6993)都係有質素的。
佢有「中國P&G」之稱,成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一,分別為24%、28%、17%。
雖然你買貴左,但由於佢地都係有質素,你可以守。若果佢地佔你組合比重較高,可以考慮沽出部份,去平衡個風險。
但緊記,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
------------------------------------------------
Q21340:
龔成老師你好,好多謝你好用心解答網友問題,雖然睇左咁多,我都有問題想向你請教,先謝謝你。
我33歲,收入約35k, 而家持有月供股2800、2318和0012。每隻$500。
1. 可能係太少,我唔知大約供幾多先好?
2. 現時唔多負擔,係每月要俾約8k家用。所以想請教你我點樣分配先好?
3. 係咪要買多d,同埋加多隻比亞迪呢? 感謝
龔成老師︰
1) 我地做財富增值,目標係首先累積起一筆財富。到退休時,再換成收息資產,去支持後的退休生活。
以你現時33歲,應先努力做好增值個部份。因此,你每月有空閒資金,我建議都盡量投放在財富增值之用。
至於比例佔收入多少,無一個絕對的答案。你可以視乎你自己情況,作出調節。
但你33歲,係財富增長的黃金期,以你收入來說,其實可以將更多資金用作投資。
2) 以你33歲計,可以選擇一些「平穩增值股」+「潛力股」作投資目標。你現時月供的盈富(2800)、恆基(0012)、平安(2318)都可以。
但每隻月供股票銀碼上,要提高少少,最少要$1000。因為每隻的供款太低,會變相令月供成本佔比增加,影響你長線回報。
以現時大市合理區狀況,月供最好用一半每月儲蓄,另一半就先儲起架策略。
另外,你都要加翻D「潛力股」,去提升個組合增長力。但「潛力股」始終有一定波動性,若你投資知識不高,可先集中在平穩增長類股。
至於潛力股,就先小注(約佔比重3成)。到你提高左投資知識,先慢慢增加翻潛力股比例。
每月儲下現金,我地就是等大跌市時才出手,並長線持有。
3) 比亞迪(1211)都係一隻好有質素的潛力股,但現價偏貴。想月供的話,最好等佢回到$120先考慮。
若你真係對新能車股票好有興趣,可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,故此股有一定投資價值。
此股有潛力度,你預佢會比較波動,但有長線投資價值。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
家居渠蓋 在 人在泰 香港仔日記 Facebook 的最佳貼文
[真心推薦|人畜無害環保滅蟲劑]
🙆🏻♂️在泰華人知道有多需要!
🙆🏻♂️一瓶看門口就放心!
⚠️注意:🐶🐱👶🏻👦🏻👧🏻本篇文章是有點長,家裡有毛孩、小孩的話,要從頭看到尾喔!
自從我們搬到這個pet friendly的新condo,一家四口一切舒適,就是有一個小煩惱,有 蟲 害😤
整棟樓入住率超低,我們明明住到20樓以上,但每天黃昏後打開了大廳燈,小蜜蜂和大蟑螂都會從外面飛進小陽台,所以天快黑我們只能夠趕緊把窗戶關上。🌇🪟✖️
變成說,我們不能出去陽台乘涼看風景就算了,但室內空氣不流通,要經常開冷氣,泰妹本身有鼻敏感,後續問題其實也蠻困擾的!🐝🪳🦟🪰
以前試過用BigC買來的大牌子剎蟲水,隨便一噴,檸檬香精味滿屋子都是,下一秒我馬上口乾口渴,一大杯清水貫進去才稍微好一點😰
突然間想到我家主子的鼻子很靈,可想而知,他們要承受這種超毒的殺蟲水有多可怕😱。我馬上把整支臭水丟掉🗑dklm😡
🔸🔸🔸🔸🔸🔸🔸🔸🔸🔸
🤔看到這裡肯定有人在問:「幹嘛不去Condo管理處投訴呢⁉️」
其實我們有曾經試著向管理處經理投訴過好幾次,答覆都一樣,他們可以提供噴剎蟲水服務……😥
儘管他是打著pet friendly旗號的condo,問題就在於這些外判的管理公司,控制成本才是他們採購部的首要任務嘛,對於他們會用什麼品質的殺蟲水這個問題,毫無懸念,心裡明白😮💨
😎求人不如求己💪🏻
我以前在香港一直在用這款瑞士配方環保滅蟲劑『BioKill』,是人畜無害滅蟲劑的香港老字號,可惜泰國卻找不到。這次真的忍不住跟朋友一起從香港進口一批,自用又可以介紹人在泰好友!
前天終於貨到手!我當晚睡前馬上用,效果可以看圖片喔,一目瞭然,不多解釋!最重要是打掃完再噴一次作預防,現在問題解決,我每天都出去小陽台喝喝咖啡曬太陽😎🤘🏻
🔆小量存貨·真心推薦🔆
有看過泰國網上僅一家在賣,一瓶紅色全效BioKill就賣750泰銖,是貴啦!
香港仔剛到第一批有小量存貨,運費成本關係,我就賣良心價,一瓶 600泰銖吧!📲有興趣歡迎inbox我喔😉
💁🏻♂️BioKill的特點蠻有意思的:
✅ 人畜無害❤️
經過相關的檢定,對於人類及「溫血動物」沒有影響,所以有毛孩、小孩都能安全使用;反之,對於昆蟲及「冷血動物」有害,如果家裡有養魚、龜、蛙之類的,就得先藏好喔!
✅無臭無味
絕對不會像傳統殺蟲水一樣刺鼻,不會導致口乾口渴,使用時更加不用離開家居範圍。
✅ 效果肯定✴️
外面的品牌大多加了knock down氣體,用起來昆蟲馬上翻肚子,一般人都認為蟲子該死了吧,其實這只是「假死狀態」,你不加一腳,牠醒來又不知道會跑到哪裡去囉~ 🤷🏻♂️
值得一提,Biokill的配方來自瑞士,藥性滲透昆蟲體內共破壞其中樞神經,令四肢麻痺抽搐,按昆蟲體型大小所需時間可能要1-5分鐘,但必死無疑!⛪️🙏🏻
✅ 環保產品♻️
🔘超市裡絕大部份的大牌子殺蟲水,都加了knock down壓縮氣體,作用是擊暈昆蟲,但正正是這種氣體大大破壞環境,所以Biokill堅持不用,而是用上最簡單的水去稀釋濃度,而且Biokill藥劑可以被天然降解💦
🔘樽身屬可回收再造膠樽
✅ 具有預防作用🛡
一般殺蟲水都是見蟲才管用,但Biokill可以作預防,我會每幾天使用一次,先用清水把全家門窗和渠蓋渠管擦乾淨,目的是把灰塵清走,等自然風吹乾後,再沿著門窗框邊和渠蓋附近噴灑薄薄一層BioKill作預防。只要昆蟲經過附近都會中藥!
✅ 針對家居蟲害🪳🪰🐜🦟
有效對付蟑螂、蚊子、蒼蠅、書蟲、螞蟻、蜱、衣魚、象鼻蟲、蟎、甲蟲、蜜蜂等等,基本上是冷血的都能搞掂!⚠️注意:不要用在白蟻、木蝨問題,必須要找專家處理;小蜘蛛、四腳蛇算是益蟲,幫忙抓害蟲。
更多詳情就直接網上尋找BioKill官網咯☺️🙏🏻
▫️▫️▫️▫️▫️▫️▫️▫️▫️▫️
我的MeWe:http://bit.ly/3ssq4Xc
我的Ublog:http://bit.ly/2LLcjlN
我的FB page:https://facebook.com/hkguy.inthai
家居渠蓋 在 Katy Cheung Youtube 的精選貼文
疫情間大家也接觸過不少消毒產品,日日除了消毒還是消毒,我搓到手都爛了,現在乖乖戴回手套做家務,少沾水,2星期左右就好過來了!今天不如就來分享一下我用過各種不同類型的消毒產品,也綜合了這些日子為各類消毒產品的筆記和資料,希望大家也會有用吧!溫馨提示:大部份消毒產品都不適合用於霧化,吸入身體會容易引起不適和中毒,還是要小心分辨清楚為佳♥
(大部份資料都是在網上閱讀文章後得出的用法和結論,如有需要更正的地方也記得告訴我修定喔!感謝^^)
#消毒產品 #殺菌 #katybeauty
✩✩Katy生活碎碎唸✩✩
Facebook | https://www.facebook.com/katybeautyfanpage
Instagram | http://instagram.com/lovekatybeauty
- - - - - - ✩✩ PRODUCTS USED ✩✩ - - - - - -
▷▶(花王漂白水)
這個應該是最常用的了
網上很多研究報告都確定它的殺菌效能
我雖然不太喜歡它的味道
但還是會間中使用的
---------------------------------
稀釋比例/////
1 比 99:用於一般家居清潔及消毒
1 比 49:用於消毒嘔吐物、排泄物或分泌物污染的表面或物件
1 比 4:消毒被血液濺溢污染的表面或物件
殺菌成份:次氯酸鈉 (Sodium hypochlorite)
能使微生物的蛋白質變質,有效殺滅細菌、真菌及病毒。
▷▶(滴露)
最喜歡它的香味
做功課才知道原來用於家居、衣物、浴室消毒時稀釋比例都會不一樣喔!
奇怪的是*網上找到資料Chloroxylenol對 魚、貓、兩棲動物不太好,大家可以再自行研究一下嚕!
---------------------------------
稀釋比例/////
衣物消毒:三瓶瓶蓋加入約3.1升水,浸泡衣物3至5分鐘
家居地板消毒:三瓶蓋加入約1.5升水,以地拖或抹布拖抹
浴室消毒:廁所,水槽、溝渠、廢物箱:不需稀釋可直接使用
物品消毒:1比20的比例 ,噴灑表面,再用乾布/紙巾擦拭
殺菌成份:對氯間二甲苯酚(Chloroxylenol)
能使微生物的蛋白質變質,有效殺滅細菌、真菌及病毒。
▷▶(德國 ibrea 微米銀抗菌防護噴霧)
官網:www.ibreahk.com
大範圍空間消毒:https://www.facebook.com/ChunSingCleanZone/
十幾年的好朋友在疫情下送了這一組好東西給我
噴霧我現在多數用作消毒孩子上學的物品
平常就只帶他們定的酒精搓手啫喱
還有抗菌手霜!真心好用又方便!
---------------------------------
只要病毒或細菌觸碰微米銀塗層、達99.9%即被瓦解
2分鐘內消滅沙士冠狀病毒,及600多種細菌
已獲得ISO9001(質量認證)法國ECOCERT天然產品認證
美國天然產品NPA認證,美國食品FDA認證…等
德國地鐵也是由ibrea包辦消毒喔!
使用方法/////
產品用前先搖一搖,噴灑時更均勻
銀粉沉澱屬正常現象,可安全使用
液體呈現淺灰色是天然銀粉自然色
保護塗層最小長效10天防禦
德國研發、韓國生產
認證:美國 FDA 證書
殺菌成份:微米銀,專利塗層技術,使微米銀長效依附物件表面上
▷▶(Biore手指消毒液-有酒精)
https://www.kao.co.jp/bioreu/family/hand/disinfect/
小小一支好方便,不過酒精味沒一般的強烈
包裝還很可愛
▷▶(美滴樂)
https://www.medilox.com.hk
初時十分難訂,後來市面消毒產品充足後價錢也穩定下來了
現在大罐好像是7百多,特別喜歡它清爽的質感
孩子比較容易接受
但這種殺菌產品容易氧化變質
所以開封後要盡快用完喔!
入罐子的話要用密封式非透明噴壺!
---------------------------------
使用方法:噴灑在所需要消毒物件上
然後輕抹/自然風乾
等待30秒後抹乾或待自然風乾。
產品保質期:生產期內18個月
產地:韓國
認證:美國 FDA 、韓國 FDA證書等
殺菌成份:水,次氯酸 50 ~ 70 ppm,氯化鈉(100% 不含酒精成分)含氯消毒劑
(筆形酒精噴霧)
印度產品
酒精味重的(異丙醇3.5% 乙醇66.5%)
外形方便使用
香味是很不錯
在阿信屋購入(現在不知有沒有了^^")
* ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧*
For collaboration pls contact Debbie 93410237
* ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧*
This video is NOT sponsored
* ‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧*
為我的頻道提供字幕!謝謝你喔!
https://goo.gl/Vzgdyg
Thanks for watching ٩꒰。•◡•。꒱۶
See you on my next video♥

家居渠蓋 在 與芬尼學英語 Finnie's Language Arts Youtube 的最佳貼文
Dumb Ways to Die is the theme song of the public service announcement campaign released by Metro Trains in Melbourne, Victoria, Australia to promote railway safety. Both the song and the campaign went viral briefly in November 2012 and received worldwide acclaim for its effectiveness, endearing and engaging quality. The song and campaign have grown so well-loved that the characters continue to be recognisable and have come to be featured in a video and mobile games including Dumb Ways to Die, Dumb Ways to Die 2: The Games, and Dumb Ways to Die 3: World Tour.
This video contains the parody I've created for the song Dumb Ways to Die, cover on Dumb Ways to Die, Dumb Ways to Die parody, Dumb Ways to Die cover. My cover and parody have been inspired by the recent global health emergency, global health crisis caused by the rise of coronavirus, the spread of coronavirus in 2019, the spread of coronavirus (also called the Wuhan virus) in 2020 that is said to have originated from Wuhan, China.
Dumb Ways to Die was written by John Mescall with music by Ollie McGill from The Cat Empire, who also produced it. It was performed by Emily Lubitz, the lead vocalist of Tinpan Orange, with McGill providing backing vocals. The band on the recording consists of Gavin Pearce on Bass, Danny Farrugia on drums and Brett Wood on guitar. It was released on iTunes, attributed to the artist "Tangerine Kitty" (a reference to Tinpan Orange and The Cat Empire). I do not own any legal right to the song, I am simply covering it for entertainment and education purposes.
In this song, you’ll learn some useful tips on how to maintain good personal hygiene and avoid contracting the coronavirus / wuhan virus.
Dumb Ways to Die (笨笨的死法 或 蠢蠢的死法)是一首2012年由澳洲都市鐵路推出的一首廣告歌,在2012年這首歌一炮而紅,網民瘋狂分享這段影片,因為歌曲好聽,動畫也非常可愛。這首笨笨的死法的改歌是我受最近武漢肺炎時間啟發而創作的,推出除了希望幫助我的學生透過歌詞學習英文外,也能提高公眾的衛生意識,同心抗疫。
Lyrics 歌詞:
Cover up that toilet seat 把廁所蓋起來
Pour water in the bathroom drain 把水倒進廁所去水渠
Wear facial masks when you go out 出外時戴口罩
Change to a different one the second time around 第二次戴就要換個新的
Coronavirus 冠狀病毒
Don’t catch the coronavirus 別染上冠狀病毒
Coronavirus 冠狀病毒
Don’t catch the coronavirus 別染上冠狀病毒
Rub your two hands with alcohol 用酒精搓手
Stay at home n watch videos 留在家看影片
Keep your household sparkling clean 保持家居清潔
Don’t hang around in any overcrowded place 不要在人多擠逼處流連
Coronavirus 冠狀病毒
Don’t catch the coronavirus 別染上冠狀病毒
Coronavirus 冠狀病毒
Don’t catch the Coronavirus 別染上冠狀病毒
Take a walk in the hospital 到醫院走一轉
Share a lift with a feverish man 和發燒的人乘同一架電梯
Take your face mask off in public space 在公眾地方除口罩
Use a steamed mask as if it's just unboxed 把蒸過的口罩當成全新的使用
If you’ve done them all 如果你都做過以上的每一件事
You might as well catch the virus 你很可能會染上冠狀病毒
Coronavirus 冠狀病毒
Don’t catch the coronavirus 別染上冠狀病毒
Get plenty of good sleep 要有充足睡眠
Stay updated with the news on Internet 在網上留意最新消息
Stuff yourself with vitamin C 多吃維他命C
I wonder if the vaccine’d work? 我在想,那疫苗有效嗎?
Coronavirus 冠狀病毒
Don’t catch the coronavirus 別染上冠狀病毒
Coronavirus 冠狀病毒
Don’t catch the coronavirus 別染上冠狀病毒
Stop the high-speed train from Wuhan, China 別讓中國武漢的高鐵列車進來
Stop the flood of tourists from coming in 別讓旅客擁進來
Never Eat beavers, porcupine, and wild bats 不要吃河狸,刺蝟和野蝙蝠
Wash your two hands with soap for 20 seconds 洗手洗足二十秒
Wash them after you go to the loo 去完廁所後要洗手
They may not rhyme, but they quite possibly 這些方法也許不押韻,但它們很可能可以⋯⋯
Will help you stay alive 幫助你生存下去
Will help you stay alive 幫助你生存下去
Stay healthy and alive 幫助你健康生存下去
So many ways, so many ways to stay alive 有很多方法,有很多方法生存下去
My new English channel ► http://bit.ly/tiffanysuen-youtube
訂閱與芬尼學英語 ► http://bit.ly/flayt-sub
喜歡我們的短片嗎?到 Patreon 支持我們! ► http://bit.ly/fla-patreon
歡迎提供字幕 :)
▍播放清單:
今天只學一個字 ► http://bit.ly/2DRQPgE
名人英語 ► http://bit.ly/2EUc8QO
時事英語 ► http://bit.ly/2RqrMok
語文知識 ► http://bit.ly/2GzuW8b
Word Pairs 怎樣分 ► http://bit.ly/2hS1MCF
品牌名學英語 ► http://bit.ly/2qd3mUq
朗誦節特訓 ► http://bit.ly/2PBqZno
▍Follow 芬尼:
● Instagram: http://bit.ly/fla-instagram
● Facebook: http://bit.ly/fla-facebook
● Twitter: http://bit.ly/fla-twitter
● 訂閱電子報:http://bit.ly/fla-nl
● 收聽 Podcasts:https://apple.co/2OwMPpK (Apple Podcasts) / https://spoti.fi/3g2KChF (Spotify)
● Blog: http://bit.ly/fla-blog
● Pinterest: http://bit.ly/fla-pinterest
▍成人常規班
課程簡介 ► http://bit.ly/fla-courses
▍成人英語再起步 課程
簡介 video ► https://youtu.be/3-Sx5JwjokU
開班日期、詳情 及 報名表格 ► http://bit.ly/成人英語再起步
▍初中、高小英文班
簡介 video ► https://youtu.be/Ug2zWrbWpeI
詳情 及 預約試堂表格 ► https://forms.gle/3mABQFBrFpqawRTQ8
Free stuff!!! :)
● Use my iHerb Discount Code: ASC7218
● Sign up at AirBnb and get HKD$290 in travel credit: https://www.airbnb.com/c/tiffanys213
● Get a FREE first Uber ride (up to HK$50): https://www.uber.com/invite/tiffanys2213ue
● Get TWO months of free SkillShare premium:
https://skl.sh/2IIHhr8
● Get HKD$100 of credit to spend across your next 4 orders at Deliveroo: https://roo.it/tiffanyccs
● Get HKD$100 off your order at NOSH:
TIFH437
#wuhan #coronavirus #英文歌

家居渠蓋 在 抗菌渠蓋| 現今世界惡菌橫行,要係家居環境開始 ... - Facebook 的美食出口停車場
抗菌 渠蓋 · 現今世界惡菌橫行,要係 家居 環境開始著手,無論新舊式大廈,渠口去水位設計都可能唔完善,污水同各類型細菌有機會由渠位淺返入屋入面,相信大家都仲記得. SARS ... <看更多>
家居渠蓋 在 渠蓋係門口洗咩驚讓你認識英國屋水電煤位置 ... - YouTube 的美食出口停車場

渠蓋 係門口洗咩驚讓你認識英國屋水電煤位置Withington Manchester M20 價格 ... [英國物業投資] 介紹檢查 家居 小工具. 英獅物業Lion Rock Properties and ... ... <看更多>
家居渠蓋 在 美樂町 的美食出口停車場
家居 必備!! 浴室渠蓋排水孔毛髮隔除抗菌網只需將其蓋在排水孔上即可! □牢固地捕捉頭髮和絨毛,防止排水管堵塞。 □當頭髮和其他污垢堆積時,您可以將袋子翻轉並與 ... ... <看更多>