讀者投稿《吝嗇自私奶奶篇》
事件1:
婚前男女家首次約見面，相約某星期日早上去酒樓飲茶，酒樓地點是男家揀的。 因為我們不會在香港舉行任何儀式，相信除了今次，之後再無機會可以男女家見面，我的所有家人全部出席 (女家計埋我是8人3小)。 當時我們order的食物，是正常人的食量和一般點心，事後99話我地女家出盡力食窮佢。
背後原因: 6299超級極度節檢，2老一直非常自豪每天於酒樓用膳後以$50埋單。任何時候/情況下，只可以order特價點心和炒粉麵，絕對不可以order蝦餃燒賣等貴價點心 (無論由誰結帳)。Btw 6299同朋友飲茶都會食上述點心，而男家親友每次返港探親同6299飲茶，都係order上述種類食物。由此可見，又係雙重標準對不同人，龍門任99搬!
事件2:
事前協議 《過大禮》以一封［包羅萬有］取代。到過大禮當天早上，99突然將［包羅萬有］由1封改為2封，但無預先通知我(女家)和我老公，我的年邁媽媽，回睡房回禮時無察覺，只回一封利是。事後我跟回男家時, 親耳聽到99咀咒我媽媽，講左一句佢 『受唔晒』!!
99無口德不特止，因為比少一封利是遮，唔洗咁咀咒人地媽媽呀？過往並沒有心仇大恨。之後幾日我同老公出街，咁岩99致電給我老公，99大大聲講 (隔住電話都聽到) 一定要追回果封利是為止！
同場加映，我媽媽買了一打嫁女餅作過大禮時回禮用，原來99又買了一打嫁女餅黎女家過大禮(又係事前無人知)。過大禮後我們3個一齊回男家，99唔願意要部份嫁女餅話屋企無人食，唔知派比邊個等各樣籍口，迫我帶走部份嫁女餅回女家，我采佢都傻。
事件3:
我們一家要離開香港去外國定居，舊居退租前要清屋。事前已經問左99，她說無興趣要我們的舊家品 (當中有魚缸, 咖啡機, 吸塵機, 大量拖板(大約20個左右)，於是便留給我妹妹或我媽媽唔好浪費。
當99發現部份很新蓄的拖板，又爭住要拎走唔比我屋企人，刻意剩下最殘舊的拖板給女家。(唔止拖板, 還有其他雜物也是同一情況。)其間我媽媽致電我老公，她再次叫我們帶些海味出國 (我提過我媽媽幾次不能帶入境，她又忘記了。) 老公婉拒及答謝後收線，99查問整個對話內容，然後大聲講句 『痴線』。今次我火起，上次99咀咒我媽，我當時為大局著想，只啞忍無反枱覺得好後悔。
事件4:
因為我們結婚時係香港無任何儀式，婚後年半左右大仔出世，我同老公講想順便擺滿月宴。當晚其中2圍賓客無出席，但酒樓有規定圍數必需開足，所以我們決定該2圍的餸菜宴後自己帶回家。
散蓆前，99指定該2圍"最貴價的餸菜" (如鮑蔘翅肚, 石斑魚, 貴花蚌...等) 她全部帶走。當晚要招呼賓客(全是女家親友)，我又不停埋身餵奶，我同老公都無食飽。99唔要嘅餸菜才留給我或女家拎走，全部是炒飯/炒麵/菜/壽包...。我知道99唔想益女家或外人，真係自私到不得了!
#退一步海闊天高
#我的極品四大長老
#奶奶你食唔食得晒丫
👇設計圖片
嫁女餅種類 在 传统结婚喜饼/结婚礼饼/过大礼嫁女饼配套- 蔴粩(蔴佬/麻佬/芝麻 ... 的美食出口停車場
我们的配套很“Flexible"， 可以按顾客需求和预算，调整喜 饼种类 和分量哟，或Customade特别订制也可以。 结婚一生人只有一次，喜饼肯定不能少， ... ... <看更多>