💔舞台劇演出延期之感💔（總監有長話兒）
「藝術就是能夠把沉重的事物放輕」
小時候老師和媽媽常常説我讀書未盡全力💪🏻我認😪總係覺得事情做得及格再好少少便夠，幾歲嘅我已經害怕凡事太盡緣份必盡🙈所以很少盡全力,會用力俾力但會留返少少奶力🤷🏼♂️
講返正題，《妓寨英雄宴》真係用左8年時間籌備，8年間，我斷斷續續咁發力，寫過計劃書申請藝術資助，被reject我放棄😝申請過某劇團平台發表演出，被reject我又放棄😝朋友問我有冇興趣合作搞一個新嘅作品，我自己reject自己（因為覺得好難搞）又放棄😝最後我決定放手一搏，然後其他客觀條件不停reject我😅係呀咁就8年啦😂既然今年多咗時間留喺屋企，決定用一年時間修改好個劇本，然後用心尋找製作團隊，每一位演員每一位設計師每一位行政成員，都花了不少心機和唇舌同佢哋溝通，當然多謝佢哋嘅信任🙏🏻天時、地利、人和似乎都齊備。遇上久久未退嘅疫情，我心存希望2021新一年會有好嘅新開始，結果，舞台劇還是需要延期😂我問自己有冇太早放棄？盡咗力未？
那天我決定暫停排練，跟行政團隊、演員、設計師們坐低傾一傾上演嘅可能性，諗得出嘅方法我哋都討論過。而我內心覺得自己係受害者，疫情發展和措施變更都並非我可以控制，我己準備好喺團隊面前大哭一場，我覺得我應該有資格哭訴和埋怨，點知，幕後人員狀態輕鬆，演員繼續搞爛gag，喂！咁我點樣有機會上演我無語問蒼天嘅戲碼。好！留返拍片嗰陣喺觀眾面前悲天憫人先，點知演員佢哋一gag接一gag😪Fine 👌🏻我轉一轉戲路，輕鬆番啲咁講演出延期嘅消息。整個團隊嘅人都係我搵返黎，佢哋內心嘅強大同幽默感，咪就係我需要嘅野。既然我哋個show 係講絕境搵食，笑飽有飯開🍚我便暫時「放下」，然後等開飯，再廣發英雄帖📜呀！我好似有答案啦，我原來未盡力架，因為排練和創作只係啱啱開始，又何來「盡」，不如好好享受無邊無際無窮無盡😊每一位觀眾、每一位製作及創作成員，不如我哋加多一點期待、放多一點心思，讓我們再次分享無窮無盡嘅創作旅程🥰一同盡興❤️藝術就是能夠把「沉重」的事物「放輕」🙏🏻小心輕放2020😊展望將來
#妓寨英雄宴創作總監、編劇、導演、演員
鄧智堅
P.s. 特別鳴謝 #ccdc城市當代舞蹈團 #風車草劇團 拔刀相助🙏🏻感謝Carvin、Lilian Luk、Tommy、Eva 及每一位投資者🙏🏻善後工作何其多🙏🏻
