唔好呃細路系列 之 佢地真係唔呃得 🤦🏻♀️
話說謹姐係outback忠粉
次次有咩大小事佢做得好 佢都指定去果度慶祝
前幾日 強哥話謹姐應承佢大個囡啦 唔再扭抱
就算濤濤要抱 謹姐都堅持自己行 唔使爸爸咁辛苦
所以就應承帶佢去outback慶祝啦
今日由於我探完朋友個bb 早左一步到餐廳先
強哥就自己帶兩小黎
去到門口 我發現佢地今日仲count係節日season
有埋d好鬼貴既special menu
比平日貴都幾多
我呢d師奶慳家呀媽即刻打比老豆話不如轉場啦
咁唔抵
同埋我承認我有私心想食壽司🤭
跟住就同謹姐講outback無開呀 我地去食angry face壽司啦
佢開頭都好唔願意 勁話要返outback
我地就搵十萬個原因話點解佢無開
結果就好開心咁去左元氣食壽司
而另一個結果 當然就係埋單變左貴過食outback啦 😜
但我就好開心啦 因為我本身我係想食壽司嘛😝
點知 沈重既代價黎啦 😨
謹姐臨埋單時 “ Mom, I want to go to outback to have a look!”
然後我同強哥個心虛樣簡直寫左係塊臉上面
驚到你眼望我眼
我裝作穩定咁問謹姐 “why?”
佢竟然答我 “ I don’t think outback is closed !” 😦
嘩！果下我同強哥爆笑左出黎
但謹姐就開始扁嘴同雙眼紅晒
大鑊 我地果下就知我地hurt左個女既弱小心靈 😖
佢真係好失望 😞
我地驚到勁解釋佢聽點解我地唔去outback
但當然佢個樣都係好失望
當然後果我地自負啦 之後買左份小禮物補償同解釋左比佢知講大話真係唔岩 希望佢原諒爸爸媽媽
聽日帶返你去食
我真係好衰為左一己私慾 呃左個囡 😥
其實小朋友真係唔呃得 第一佢地其實係醒過大人好多
唔好以為佢幾歲大咩都唔知就當佢lulu 🤡
呢個故事教訓我
想食壽司咪出聲囉 唔好搵埋d咁低層次既藉口 🤦🏻♀️
#如果outback睇到有興趣同我地合作
#我好樂意架
#年中都光顧過無限次 🤣
#謹姐最愛餐廳 #outback
