#admin有野講
放榜後，或者心情會有啲沉重，或者有啲失落，但你嘅旅程並不就此結束。
曾經基小編，都同大家一樣，經歷過DSE嘅低潮，但最後都能走出屬於自己嘅一條路。
趁住夜闌人靜，基小編想同大家講講一個關於我奮鬥嘅故事。
【長文慎入】
曾幾何時HKU嘅BEcon&fin係admin中學時期嘅A1，但係admin喺中學嘅時候遇到啲挫折令到自己喺高中嘅成績每況越下。最後唔好話HKU丫，連八大分數三大名氣嘅CU Engine都入唔到。後嚟入唔到HKU admin就唯有入HKUSPACE CC讀ABA（即係Associate of Business Administration），希望可以用一年時間搏返入U。
好多人話喺asso讀好辛苦，不過admin覺得最重要嘅係識到一班搏盡嘅戰友一齊溫書做project（好彩冇遇過freerider…….），然後最重要係提自己唔好miss Non-JUPAS嘅DEADLINE！！！去到3、4月嘅時候就開始排山倒海嘅written test、interview，咁admin去CityU同Poly嘅時候雖然準備咗好耐，但係可能因為自己太緊張嘅關係到而家都收唔到offer（特別係in Poly嗰陣，8個人in但係得admin係男仔，搞到admin紅都面晒，誤），反而in HKU嗰陣輕輕鬆鬆鄧梓峰咁去interview，最後去到6月就有offer，幾經轉折終於入到admin中學時代嘅A1（入到之後就發現E&F個JUPAS code同E&F本身都有啲相似嘅地方…….）。
雖然好多連登仔同高登仔都話hd／asso入U係走後門點點點，但係admin就覺得無論DSE又好Non-JUPAS都好，如果唔比心機去讀嘅話其實都係無可能讀得好。等緊放榜嘅你哋，放榜之後如果見到自己DSE成績千祈唔好覺得世界末日，記住要諗返自己嘅能力同興趣係啲咩，無論retake、讀副學士、讀IVE、讀自資學位都唔係問題。最重要係自己可以勇敢咁樣揀將來條路點行，然後就比心機行到最後。正所謂「條路自己揀，_ _唔好喊」，加油呀！！
#asso仔又如何 #如果係為咗多女千祈唔好揀6767 #10個同學3個女仔 #面對一切都要輕輕鬆鬆鄧梓峰
如果係為咗多女千祈唔好揀6767 在 UniClub HK - #admin有野講放榜後，或者心情會有啲沉重 的美食出口停車場
#asso仔又如何#如果係為咗多女千祈唔好揀6767 #10個同學3個女仔#面對一切都要輕 ... 曾幾何時HKU嘅BEcon&fin係admin中學時期嘅A1，但係admin喺中學嘅時候遇到啲挫折令 ... ... <看更多>