🇭🇰港元素創新cafe餐廳☕️
-
中環街市都翻新重開張左一段時間，都未機會向大家介紹下入面嘅嘢食添🤫 入面除左經過修復變得光亮空曠之餘，仲保留左唔少以前街市留落嘅歷史，例如舊海報，針磅，米磅等，滲透舊香港嘅風味~ 同時亦引入左唔少商户，有唔少食物上都會帶有香港嘅色彩。而今次介紹依一間嘅Cafe貫徹中環街市嘅理念，融合新與舊，將香港西式同港式嘅元素結合，創造出新嘅味道同菜式✨ 由其係cocktails ，特別值得一試！🍸
-
細小食拼盤($138)
只係前菜就已經有13款選擇，所以餐廳好好會有大/ 細份小食拼盤去share，可以一次過試多啲款式😍
避風塘炸魚薯條炸得酥脆香口，加入左避風塘調味幾惹味，而且魚肉同薯仔切成一口size夠方便，係魚嘅份量少左啲。
牛舌拌蕃茄莎莎，牛舌軟淋帶鹹香
油甘魚他他配氈酒浸西瓜，味道上油甘魚配上西瓜依個組合並不陌生 (可以睇返Tokyolima 介紹)，甜甜酸酸幾開胃🍉
宮保牛柳粒，偏鹹左啲，但個酥皮盒子幾好食
*
香辣蝦醬海鮮意大利麵($168) 出乎意料幾好食，添加左蝦醬令意粉多左份鹹鮮味，同其他海鮮配料，包括帶子，青口 & 蝦，配合得幾好！🦐 係略嫌重味左啲
*
叉燒醬鱈魚($248) 以新嘅方式向經典嘅叉燒飯致敬🍚 鱈魚塗滿叉燒醬再攞去烤，外皮焦脆，魚肉幾滑。由於醬汁鹹左啲，更好配搭埋一旁嘅有飯焦嘅蛋飯一齊食，整過感覺幾有創意！
*
紅桑子開心果布丁撻 ($40) 一入餐廳已經見到個甜品櫃，忍唔住要試下🥰 上層係酸酸甜甜幾清新嘅紅桑子忌廉，下面係幾軟滑嘅雞蛋布丁同開心果蛋糕，最後就係帶濃郁牛油味嘅撻底。整體味道幾有層次，而且幾refreshing ，唔會膩，做飯後甜品一流♥️
*
長野縣香印提子拿破崙 ($58) 期間限定口味，又到香印提子當造嘅季節🤤 粒粒飽滿爽甜，而拿破崙做到酥脆同帶牛油香，配捚香滑嘅吉士，口感味道都冇得輸！
*
Cot($88)🍹 以凍檸茶為概念，個Base用上Blend Tea加入檸檬片同vodka，飲落比較清甜，酸味唔算重，略帶澀味🍋
*
Black & White Film($108)就喺一杯以紅豆冰作為靈感嘅Cocktail，但就上下層掉轉嘅version~ 上層係小倉紅豆同咖啡打出嚟嘅奶泡，而下面係鮮奶以及vodka✨ 飲落真喺有紅豆冰嘅感覺，帶紅豆嘅甜味，非常容易入口！
-
I-O-N (中環)
中環皇后大道中93號中環街市1樓124-125號舖
好搭盒子香港 在 香港代理隱形眼鏡- 可愛の水盒寶可夢☺️☺️☺️ 的美食出口停車場
香港 代理隱形眼鏡बाट थप ... 貓眼系列 放大又混血 #年拋隱眼 #款式直接私訊小盒子 ... 質感超好而且超好搭重點價錢比外面便宜 照片都在留言處唷 ... ... <看更多>