《Kong》
♂：早晨
♀：早晨
♂：你有冇收到通知啊？
♀：咩通知？
♂：我會係我哥既伴郎
♀：唔係嘛，你哥唔似咁無朋友喎
♂：佢朋友好多啊，所以個個都唔想得罪，我做伴郎無人會有意見，佢份人好識計算既，唔會做無意義既事，係呢，你家姐既伴娘係咪你？
♀：唔係啦，係佢好姐妹葉曉如，講真，我同我家姐唔算好好感情，外人睇我地好似，但我地都知大家好唔夾，不過我會做姐妹
♂：我諗到一樣野，如果我地之前真係唔搵大家，然後佢地結婚個日會點
♀：會咩點，我唔會理你囉！
♂：比我預計中好，我以為你會帶個新男友去
♀：咦你呢個提議都真係唔錯！
♂：認真咩……
♀：你試下得罪我，你知唔知水瓶座為人想做就會做咩
♂：我重新睇左好多水瓶座既野
♀：唔好諗住憑星座就了解我，你只係知最表面既野
♂：純粹係重溫下，要了解你應該係從你口中同行為去了解
♀：咁就差唔多，係喎，個伴娘都係做作家，佢專寫愛情小說既，你可以搵佢個名
♂：竟然，等我睇下先
♀：不過人地結左婚喇，你唔駛諗
♂：我依家係非卿不娶
♀：有冇睇過咒怨？我依家對眼反白反到好似隻女鬼咁
♂：我認真，曾經我覺得自己係唔會結婚，但我今日諗，同你一齊一世應該唔會令我後悔
♀：你好似剛剛先比我貶做朋友級別，依家會想降完連升三級啊？
♂：只係一種表態，唔知點解我好想講你知我呢個想法
♀：如果只係講下既我都無所謂，網上成日都有人叫我老婆
♂：我地可唔可以談一場以結婚為前題既戀愛？
♀：乜你平時拍拖無打算過結婚咩？睇唔出你咁無賴喎
♂：初戀個次我話我想結婚既會唔會太天真？
♀：咁我可以同你講，暫時我都無結婚打算
♂：咁就好喇，暫時我都無能力結婚
♀：想娶我，就唔止做我男朋友咁簡單，我有三個要求
♂：講黎聽下
♀：等你成功做到我男朋友先講啦，家陣你連男朋友既條件都未達成
♂：睇黎比起做男朋友既條件更難
♀：邏輯上好正常啊，結婚就係一件難事，好多人係因為覺得年紀差唔多，然後就同身邊相處緊既人結婚，但呢個人可能並唔係最適合既
♂：人結我結都好正常，同時唔係人人都有條件有能力去揀一個適合既人，有勇氣結束感情再去尋找好少人做到，所以咪咁多人離婚
♀：你話想娶我，反緊白眼既時候我都心中暗喜左一下既
♂：我以為你完全會感覺添
♀：其實有人話想娶自己，任何女人都會心動掛，除非係好討厭既人
♂：你唔係普通女人，你係一就一係二就二，好少口不對心
♀：我呢種人先可怕，你所有聽到既都係我真實想法，會好傷人
♂：我諗通左，同你一齊唔可以用平常拍拖既思維去對待，所以我會好好努力
♀：明知山有虎，偏向虎山行，我欣賞你
♂：今日我聽左首歌《Kong》，我覺得歌詞好適合我
♀：咁啊，你要好好做一隻大猩猩喇，我訓喇，聽日返早，晚安
♂：好啦，晚安
♀：其實你當我係正常人咁對待我會舒服好多
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
好好戀愛歌詞 在 方力申Alex Fong/ 鄧麗欣Stephy Tang -《好好戀愛》 Official MV 的美食出口停車場
作詞：方杰作曲：Horan Chan編曲：Gary Chan監製：Gary Chan主唱：方力申/鄧麗欣男：共你相識三千天我沒名無姓慶幸也與你逛過那一段旅程曾是日夜期待 ... ... <看更多>