【石垣島人氣居酒屋．串燒店】
在石垣島吃飯這回事曾經嚇親我。兩年前，做好資料搜集到某些人氣餐廳吃飯，諗住去到排隊等候都無所謂，但問題係原來好多石垣餐廳人氣之鼎盛，你無訂位，就算望到有枱無人坐，就算你承諾1小時後還枱，佢都寧願回絕你⋯⋯
但凡事無絕對！
在碼頭附近美崎町一帶，2016年初就開了一棟美食村大樓—「石垣島ヴィレッジ（Ishigakijima Village)」。我簡直愛死這個地方了！大樓集合了差不多20家小店：拉麵店、居酒屋、串燒店、鐵板燒、小酒館等。唔駛訂枱，睇中邊間就食邊間。大概因為每間都地方細細，氣氛很好，非常熱鬧。當中有兩家我特別喜歡：地面層1/F鐵板燒居酒居「せんべろ風土」和2/F雞肉串燒店「七輪焼鳥 石垣うっとり」。
「せんべろ風土」地方超細，最多可以同時7位客人圍著鐵板旁邊坐，又或者坐出店外的幾張小桌。幾杯落肚左右隔離明明係陌生人都可以好好傾，仲可以一齊你食我啲嘢我食你啲嘢！
😋：薯仔鱈魚籽沙律、烤魔鬼魚鰭、鐵鑊餃子、雞腿肉飯團都好食！
🍺：有「1000円でべろべろに酔える」即¥1000包三杯飲品（不可以揀瓶裝啤酒和日本清酒）連當天special小食一款！好抵玩！
至於樓上另一間「七輪焼鳥 石垣うっとり」吸引我係因為串燒超抵食又好食！愛獵奇的朋友可以試到好多雞特別的部位：雞橫隔膜、雞食道管和胃袋、雞心管等都有！
😋：雞肉丸串配蛋汁、雞橫隔膜串、石垣島豚配果醋蘿蔔茸串、白醬油炸雞塊、雞骨湯、醬油飯團都好食！
🍺：生啤分大、中、細size，well,一杯大已經夠晒皮😂！
石垣島ヴィレッジ
沖縄県石垣市美崎町8-9,8-10
各店營業時間各異
せんべろ風土
営業時間 11:00～23:00（無休）
七輪焼鶏石垣うっとり
営業時間 15:00～24:00（隔週三休息）
親愛的粉絲讀者們：
為食鬼可以一晚走幾場！請分享這個post到你的wall上，俾你所有去石垣嘅foodie friends參考一下啦！
facebook為了令專頁管理者付費賣廣告，只會讓專頁裡的post有限量地接觸已說讚的朋友，所以就算讀者朋友LIKE左/追蹤中都不一定會顯示於你們的wall上。為了令你們更快獲得我的女遊世界，請你記得set 好以下設定😉🙌🏼
電腦版請將「讚好」專頁→按「搶先看」
手機版請將「讚好」專頁→按「追蹤中」→按「搶先看」
#喜歡請按LikeAndShare
#請將我的專頁由已說讚轉為搶先看
#香港 #沖繩 #石垣島 #餐廳 #小店 #美食
#旅行 #二人旅 #二人同行
#好好好女遊石垣
好好好女遊石垣 在 這片珊瑚帶海... - Hohoho's Girly Walk 好好好女遊系列 的美食出口停車場
【石垣島．白保行】一般朋友到白保就是為了浮潛，這片珊瑚帶海岸也真很漂亮。但我和媽媽是卻是為了吃而來！這家旬家ばんちゃん... ... <看更多>